ខេត្តព្រះសីហនុ ៖ សេចក្តីរាយការណ៍បានបន្តឱ្យដឹងទៀតថា ជនសង្ស័យប្តី-ប្រពន្ធជាឃាតកររំលោភនិងសម្លាប់២នាក់បងប្អូននៅខេត្តព្រះសីហនុ ត្រូវបានកម្លាំងសមត្ថកិច្ចធ្វើការបញ្ជូនទៅដល់ខេត្តព្រះសីហនុ នៅវេលាម៉ោង០១ និង១០នាទីរំលងអធ្រាតឈានចូលថ្ងៃទី៣ មិថុនា នេះ ដោយបានឆ្លើយសារភាពពីទង្វើរបស់ខ្លួនក្នុងពេលសម្លាប់ក្មេងទាំង២នាក់។…
ខេត្តព្រះសីហនុ ៖ សេចក្តីរាយការណ៍បានបន្តឱ្យដឹងទៀតថា ជនសង្ស័យប្តី-ប្រពន្ធជាឃាតកររំលោភនិងសម្លាប់២នាក់បងប្អូននៅខេត្តព្រះសីហនុ ត្រូវបានកម្លាំងសមត្ថកិច្ចធ្វើការបញ្ជូនទៅដល់ខេត្តព្រះសីហនុ នៅវេលាម៉ោង០១ និង១០នាទីរំលងអធ្រាតឈានចូលថ្ងៃទី៣ មិថុនា នេះ ដោយបានឆ្លើយសារភាពពីទង្វើរបស់ខ្លួនក្នុងពេលសម្លាប់ក្មេងទាំង២នាក់។ មកដឹងប្រវត្តិឃាតករ៖ ប្រវត្តិឃាតកសម្លាប់ក្មេង២នាក់បងប្អូន នៅស្រុកព្រៃនប់ខេត្តព្រះសីហនុ
គួរបញ្ជាក់ដែរថា កាលពីរសៀលថ្ងៃទី០២ មិថុនា ជនកំណាចខាងលើ ត្រូវកម្លាំងព័ទ្ធចាប់បានរួមទាំងប្រពន្ធ នៅផ្ទះក្នុងភូមិគ្រើល ឃុំព្រៃរំដេង ស្រុកមេសាង ខេត្តព្រៃវែង នៅចន្លោះម៉ោង១២ថ្ងៃត្រង់ ។ ជនកំណាច មានឈ្មោះឈឹម វិចិត្រ អាយុ៣១ឆ្នាំ ។
យោងចម្លើយសារភាពឃាតកររូបនេះឱ្យដឹងបន្តទៀតថា ចំពោះមូលហេតុដែលធ្វើឱ្យរូបគេហ៊ានសម្លាប់ក្មេងទាំង២នាក់នេះ គឺមកពីខ្លួនស្រវឹងស្រាហើយមានសារធាតុថ្នាំញៀននៅក្នុងខ្លួនផងដែរ ទើបបណ្ដាលឱ្យគេមានចិត្តឃោរឃៅសម្លាប់ក្មេងទាំងពីរនាក់បែបនេះ ។
ជននេះនិយាយទៀតថា មុនពេលកើតហេតុ រូបគេបានទៅទិញថ្នាំញៀនពីបុរសម្នាក់ឈ្មោះសាលា នៅឆ្នេរអូឈើទាល ។ បន្ទាប់មក ក៏ទៅទិញស្រាថ្នាំយកមកអង្គុយផឹកទៀតក្នុងបន្ទប់ជួល ។ ពេលផឹកស្រាមិនទាន់អស់ គេក៏ចេញពីក្នុងបន្ទប់ដើរកាត់មុខផ្ទះរបស់ក្មេងស្រីរងគ្រោះ ។
លុះឃើញក្មេងស្រីនោះកំពុងតែលេងម្នាក់ឯងគេក៏ចូលទៅប្រលែងលេងជាមួយដែរ ក៏ធ្វើឱ្យគេមានអារម្មណ៍ផ្លូវភេទជាមួយក្មេងស្រីតែម្តង ។ ខ្លួនបានយកខ្នើយមកខ្ទប់មុខក្មេង ហើយធ្វើសកម្មភាពចាប់រំលោភក្មេងស្រីនោះរហូតដល់នាងសន្លប់បាត់ស្មារតី ។
ក្រោយមក ប្អូនប្រុសនាងដើរចូលមកដល់ឃើញ ហើយខ្លួនខ្លាចបែកការណ៍ ៏ស្ទុះទៅទះកំផ្លៀងក្មេងប្រុសនោះ៦ដៃ ហើយទាត់មួយជើងទៀតទៅផ្ទប់នឹងជញ្ជាំង បណ្ដាលអោយក្មេងប្រុសនោះស្លាប់ភ្លាមនៅនឹងកន្លែងកើតហេតុ។ បន្ទាប់មក រូបគេក៏រត់មកផ្ទះជួលវិញ ហើយបបួលប្រពន្ធរបស់គេទៅស្រុកកំណើតវិញ តែម្តង ។
យ៉ាងណាក៏ដោយ មកទល់ព្រឹកថ្ងៃទី០៣ មិថុនា ដដែល សមត្ថកិច្ចកំពុងស៊ើបអង្កេតបន្តទៀតករណីនេះ ។ (សម្រួលដោយ៖ ស្រីណា)
ចែករំលែកព័តមាននេះ