រាជធានីភ្នំពេញ ៖ នៅ២ខែដើមឆ្នាំ២០២៦នេះ អគ្គនាយករដ្ឋគយ និងរដ្ឋាករកម្ពុជា បានអះអាងថា សិង្ហបុរី នៅពេលនេះ បានក្លាយជាប្រភពផ្គត់ផ្គង់ទំនិញបម្រើសេចក្តីត្រូវការរបស់កម្ពុជា លំដាប់ទី៣…
រាជធានីភ្នំពេញ ៖ នៅ២ខែដើមឆ្នាំ២០២៦នេះ អគ្គនាយករដ្ឋគយ និងរដ្ឋាករកម្ពុជា បានអះអាងថា សិង្ហបុរី នៅពេលនេះ បានក្លាយជាប្រភពផ្គត់ផ្គង់ទំនិញបម្រើសេចក្តីត្រូវការរបស់កម្ពុជា លំដាប់ទី៣ បន្ទាប់ពីចិន និងវៀតណាម ។
ស្ថិតិបានបង្ហាញថា នៅក្នុងរយៈពេលពីខែមករា ដល់ខែកុម្ភៈ កម្ពុជាបានបញ្ជាទិញទំនិញផ្សេងៗពីសិង្ហបុរី មានតម្លៃដល់ទៅ ៣២២,៥លានដុល្លារ កើនឡើងរហូតដល់ទៅ ២០៩,៣ភាគរយឯណោះ បើធៀបនឹងរយៈពេលដដែល កាលពីឆ្នាំ២០២៥ ។
នៅក្នុងរយៈពេល២ខែនេះ កម្ពុជានាំចូលពីចិន ប្រមាណជា ៣.២៨២លានដុល្លារ កើនឡើង ៣៤,២ ភាគរយ ប៉ុន្តែគេដឹងថា ភាគច្រើន នៃការនាំចូលពីចិន គឺជាវត្ថុធាតុដើមសម្រាប់ឧស្សាហកម្មកាត់ដេរនៅក្នុងប្រទេស។ វៀតណាម គឺជាប្រទេសនាំចូលលំដាប់ទី២ ដែលកម្ពុជាបញ្ជាទិញទំនិញមានតម្លៃសរុប ៦៥១លានដុល្លារ ធ្លាក់ចុះប្រមាណជា ៨,៦ភាគរយ ។
នៅក្នុងរយៈពេល២ខែនេះ កម្ពុជានាំចូលទំនិញសរុបមានតម្លៃដល់ទៅ ៥,៨៨ពាន់លានដុល្លារ កើនឡើង១៨ភាគរយ ហើយនាំចេញសរុបមានតម្លៃជាង ៥,២២ពាន់លានដុល្លារ កើនឡើង១៧,២ភាគរយ ៕
ចែករំលែកព័តមាននេះ