ខេត្តកំពង់ស្ពឺ ៖ សេចក្តីរាយការណ៍បន្តឱ្យដឹងថា ក្រោយពេលដែលជំនាញបានយកគ្រាប់បែកចេញផុតទៅ បានធ្វើឱ្យពលរដ្ឋក្នុងភូមិនានា ក្នុងឃុំព្រៃវិហារ មានសេចក្តីត្រេកអរឥតឧបមា ព្រោះពួកគាត់លែងមានការភ័យព្រួយរឿងគ្រាប់បែកយក្សនេះផ្ទុះទៀតហើយ ។ គួររំលឹកថា ៖ រកឃើញថ្មីទៀតហើយ គ្រាប់បែកអាមេរិកបន្សល់ពីសម័យសង្គ្រាម
គ្រាប់បែកធុនយក្សមួយគ្រាប់ ដែលត្រូវពលរដ្ឋបានប្រទះឃើញ និងរាយការណ៍បន្តទៅអាជ្ញាធរ និងជំនាញសុីម៉ាក់ ដើម្បីមកនាំយកទៅរក្សាទុកនៅកន្លែងសុវត្ថិភាព
បើតាមមន្ត្រីនគរបាលមូលដ្ឋានបានប្រាប់ទៀតថា គ្រាប់បែកដែលពលរដ្ឋប្រទះឃើញនេះ គឺក្នុងខណៈកាយដីបឹងមួយកន្លែង ដែលគ្រាប់បែកនេះធុន១១៧ មានទម្ងន់ជាង៣០០គ.ក្រ ។ បន្ទាប់ពីទទួលសេចក្តីរាយការណ៍អំពីការប្រទះឃើញនេះរួចមក ត្រូវបានមន្ត្រីស៊ីម៉ាក់យកចេញដោយសុវត្ថិភាពហើយ នៅព្រឹកថ្ងៃទី១២ កុម្ភៈ នេះ នៅបឹងកាជោតិ ក្នុងភូមិចំការដូង ខេត្តកំពង់ស្ពឺ ។
មន្ត្រីសាលាឃុំពហរៃវិហារមួយរូប ក៏បានលើកឡើងផងដែរថា កាលពីជំនាញសុីម៉ាក់មិនទាន់សិក្សានាំយកចេញ ពលរដ្ឋក្នុងឃុំក៏ដូចជាភូមិនានាមានការបារម្ភជាខ្លាំងអំពីសុវត្ថិភាព ព្រោះមិនដឹងថា តើវានឹងផ្ទុះឡើងនៅពេលណានោះទេ ។
ចែករំលែកព័តមាននេះ