រាជធានីភ្នំពេញ ៖ មានករណីស្រីប្រកាន់ ប្រុសប្រកែក ខណៈបុរសម្នាក់ត្រូវបាននារី២នាក់ចោទថាបានចាប់គូទពួកនាង ក្នុងហាងផឹកស៊ី បង្កការភ្ញាក់ផ្អើលដល់កម្លាំងអាវុធហត្ថខណ្ឌដូនពេញចុះអន្តរាគមន៍នៅវេលាម៉ោង១១និង៣០នាទីយប់ថ្ងៃទី២៥ ខែមិនា ឆ្នាំ២០២៦ ចំនុចហាងផឹកស៊ី…
រាជធានីភ្នំពេញ ៖ មានករណីស្រីប្រកាន់ ប្រុសប្រកែក ខណៈបុរសម្នាក់ត្រូវបាននារី២នាក់ចោទថាបានចាប់គូទពួកនាង ក្នុងហាងផឹកស៊ី បង្កការភ្ញាក់ផ្អើលដល់កម្លាំងអាវុធហត្ថខណ្ឌដូនពេញចុះអន្តរាគមន៍នៅវេលាម៉ោង១១និង៣០នាទីយប់ថ្ងៃទី២៥ ខែមិនា ឆ្នាំ២០២៦ ចំនុចហាងផឹកស៊ី យីហោ The Genz’s ក្នុងបរិវេណតំបន់បឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ ។
តាមប្រភពព័ត៌មានបានអោយដឹងថា មុនពេលកើតហេតុ មាននារីមួយក្រុមមានគ្នា៤នាក់ បានចូលទៅផឹកស៊ីនៅក្នុងហាងខាងលើ ខណៈកំពុងតែផឹកសប្បាយ មានអ្នកខ្លះចេញចូលបន្ទប់ទឹកផងដែរ ។ លុះពេលរៀងយប់បន្តិច ក៍ស្រាប់តែមានបុរសម្នាក់ ផឹកស៊ីក្នុងហាងនៅតុក្បែរនោះ ស្រវឹងបានដើរទៅជល់កែវ ហើយយកដៃចាប់គូថនារីៗដែលកំពុងតែផឹកក្នុងហាងនោះ ជាបន្តបន្ទាប់ចំនួន២នាក់ ទើបបង្កជាការផ្អើលឆោឡោ បាននាំគ្នាចេញមកក្រៅ និងហៅអោយកម្លាំងអាវុធហត្ថខណ្ឌដូនពេញ ដែលប្រចាំការនៅម្តុំនោះចុះទៅអន្តរាគមន៍សួរនាំផងដែរ ។
ចំណែកភាគីខាងបុរសរូបនោះបានបដិសេធថា មិនបានចាប់គូទនារីៗនោះទេ ។
បន្ទាប់ពីកើតហេតុ កម្លាំងអាវុធហត្ថបានសម្រេចនាំភាគីទាំងសងខាងទៅមូលដ្ឋានកងរាជអាវុធហត្ថខណ្ឌដូនពេញ ដើម្បីធ្វើការសួរនាំតាមជំនាញផងដែរ ៕
ចែករំលែកព័តមាននេះ