សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំប្រកាស នាថ្ងៃទី៥ ឧសភា ផ្អាកប្រតិបត្តិការអមការពារបណ្ដានាវាឆ្លងកាត់ច្រកសមុទ្រហ័រមូស ដែលប្រតិបត្តិការនោះមានឈ្មោះថា គម្រោងសេរីភាព ទុកពេលរង់ចាំមើលកិច្ច…
សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំប្រកាស នាថ្ងៃទី៥ ឧសភា ផ្អាកប្រតិបត្តិការអមការពារបណ្ដានាវាឆ្លងកាត់ច្រកសមុទ្រហ័រមូស ដែលប្រតិបត្តិការនោះមានឈ្មោះថា គម្រោងសេរីភាព ទុកពេលរង់ចាំមើលកិច្ច ព្រមព្រៀងអាចត្រូវបង្ហើយ និងចុះហត្ថលេខាជាមួយ
អ៉ីរ៉ង់ ។ លោកត្រាំចាត់ទុកការចរចាថាកំពុងមានការរីកចម្រើនធំៗ ។
តាមបណ្ដាញសង្គម TRUTH SOCIAL លោកត្រាំសរសេរថា ដោយគិតដល់ជ័យជម្នះដ៏ធំខាងយោធា និងការរីកចម្រើនធំៗដែលសម្រេចបានសំដៅទៅរកកិច្ចព្រមព្រៀងពេញលេញ និងជាស្ថាពរមួយជាមួយបណ្ដាមេដឹកនាំអ៉ីរ៉ង់ ប្រតិបត្តិគម្រោងសេរីភាពនឹងត្រូវផ្អាកក្នុងពេលដ៏ខ្លីខាងមុខនេះដើម្បីរង់ចាំមើលថា តើកិច្ចព្រមព្រៀងមួយអាចត្រូវបង្ហើយនិងចុះហត្ថលេខា។ លោកបញ្ជាក់ថាការហ៊ុមព័ទ្ធកំពង់ផែអ៉ីរ៉ង់ ដែលមានជាធរមានពីថ្ងៃទី១៣ មេសា មក ត្រូវរក្សាទុកនិងថា ការផ្អាកប្រតិបត្តិការធ្វើឡើងតាមសំណើប៉ាគីស្ថាន និងរបស់ប្រទេសដទៃៗទៀត ។
ប្រទេសអេមីរ៉ាត់អារ៉ាប់រួមប្រកាសថា រងការវាយប្រហារជាច្រើនរបស់អ៉ីរ៉ង់ កាលពីថ្ងៃទី៤ ឧសភា ជាថ្ងៃដំបូងនៃប្រតិបត្តិការរបស់អាមេរិក សំដៅស្ដារឡើងវិញចរាចរណ៍របស់បណ្ដានាវាកាត់ច្រកសមុទ្រហ័រមូស ពិសេសវាយប្រហារទីតាំងប្រេងសំខាន់បំផុតមួយរបស់ខ្លួន បណ្ដាលឲ្យមានភ្លើងឆាបឆេះ ។ ក្រុងតេហេរ៉ង់បានត្រួតត្រា និងបិទខ្ទប់ច្រកសមុទ្រហ័រមូស ជាច្រកដឹកប្រេងឆ្លងកាត់សំខាន់មួយ។ តាមអ្នកទទួលខុសត្រូវជាន់ខ្ពស់ម្នាក់របស់ទីភា្នក់ងារសន្តិសុខសមុទ្រអង់គ្លេស UKMTO ថា មាននាវិកប្រមាណជា២០.០០០នាក់ ជាប់នៅជាមួយនាវារបស់ពួកគេ នៅមាត់ច្រក
សមុទ្រសំខាន់នោះ។
ប្រធានាធិបតីអាមេរិកប្រកាសថា ចាប់ពីថ្ងៃទី៤ ឧសភា ទៅអាមេរិកបើកធ្វើប្រតិបត្តិការមួយមានឈ្មោះថាប្រតិបត្តិការគម្រោងសេរីភាព ក្នុងគោលបំណងស្ដារឡើងវិញចរាចរណ៍កាត់ច្រកសមុទ្រហ័រមូស។ ប្រតិបត្តិការនេះ គឺអមការពារ បណ្ដានាវារបស់ប្រទេសទី៣ ដែលជាប់គាំងនៅច្រកសមុទ្រហ័រមូស។ សហគ្រាសឯកទេសក្នុងការតាមដាននាវាចរណ៍តាមសមុទ្រAXSMARINE គូសបញ្ជាក់ថា ចំនួននាវាពាណិជ្ជកម្មគ្រប់ប្រភេទដែលជាប់គាំងនៅឈូងសមុទ្រពែរ្ស៍ មានដល់៩១៣គ្រឿងគិតត្រឹមថ្ងៃទី២៩ មេសា ៕
ចែករំលែកព័តមាននេះ