ខេត្តបន្ទាយមានជ័យ ៖ ជនសង្ស័យ២នាក់ជាជនជាតិប៉ាគីស្ថានដែលធ្វើសកម្មភាពប្លន់យកកាបូបលុយបុគ្គលិកចាក់សាំងនៅក្រុងប៉ោយប៉ែត ត្រូវបានសមត្ថកិច្ចឃាត់ខ្លួន រួចបញ្ជូនមកកាន់អគ្គនាយកដ្ឋាននគរបាលជាតិ ដើម្បីធ្វើការសាកសួរកាលពីថ្ងៃទី៥ ខែឧសភា ឆ្នាំ២០២៦។ គួររំលឹកថា ជនសង្ស័យ…
ខេត្តបន្ទាយមានជ័យ ៖ ជនសង្ស័យ២នាក់ជាជនជាតិប៉ាគីស្ថានដែលធ្វើសកម្មភាពប្លន់យកកាបូបលុយបុគ្គលិកចាក់សាំងនៅក្រុងប៉ោយប៉ែត ត្រូវបានសមត្ថកិច្ចឃាត់ខ្លួន រួចបញ្ជូនមកកាន់អគ្គនាយកដ្ឋាននគរបាលជាតិ ដើម្បីធ្វើការសាកសួរកាលពីថ្ងៃទី៥ ខែឧសភា ឆ្នាំ២០២៦។ គួររំលឹកថា ជនសង្ស័យ ២នាក់ កាន់អាវុ.ធខ្លីចុះពីឡានព្រូសភ្ជ.ង់ប្ល.ន់ឆ.ក់យកកាបូបលុយពីបុគ្គលិកចាក់សាំងអស់ជាង ៣ពាន់ដុល្លារ
លោកឧត្តមសេនីយ៍ឯក ង៉េង ជូ ប្រធាននាយកដ្ឋាននគរបាលព្រហ្មទណ្ឌបានឱ្យដឹងថា ជនសង្ស័យ២នាក់ជាជនជាតិប៉ាគីស្ថានរួមមាន ១-ឈ្មោះ ណូម៉ាន ភេទប្រុស ២-ឈ្មោះ អាលី ហាសាន ភេទប្រុស ត្រូវបានបញ្ជូនមកកាន់អគ្គនាយកដ្ឋាននគរបាលជាតិដើម្បីធ្វើការសាកសួរបន្ថែម។
សូមរំលឹកឡើងវិញថា កាលពីយប់រំលងអធ្រាត្រឈានចូលថ្ងៃទី២៦ ខែមេសា ឆ្នាំ២០២៦ នៅចំណុចស្ថានីយប្រេងឥន្ទៈស៊ីភីភី ស្ថិតភូមិប៉ាលិលេយ្យមួយ សង្កាត់ប៉ោយប៉ែត ក្រុងប៉ោយប៉ែត មានជនសង្ស័យ១ក្រុម ក្នុងនោះមានជនសង្ស័យម្នាក់ជាអ្នកបើកបររថយន្តម៉ាកព្រូស ពណ៌ស និងជនសង្ស័យ២នាក់ប្រដាប់ដោយអាវុធខ្លី បានធ្វើសកម្មភ្ជង់ប្លន់ឆក់យកកាបូបបុគ្គលិកលក់សាំង និងមានការប្រវាយប្រតប់គ្នាផងដែរ បន្ទាប់ពីធ្វើសកម្មភាពរួច រថយន្តក្រុមជនសង្ស័យបានបើកគេចបាត់ ។
ក្រោយការស្រាវជ្រាវស្វែងរកមុខសញ្ញាខាងលើ កម្លាំងជំនាញបានធ្វើការស្រាវជ្រាវហើយកំណត់មុខសញ្ញារហូតដល់នាយកដ្ឋាននគរបាលព្រហ្មទណ្ឌបង្ហាញថា ឃាត់បានហើយជនសង្ស័យ២នាក់ជាជនជាតិប៉ាគីស្ថានដែលធ្វើសកម្មភាពប្លន់បុគ្គលិកចាក់សាំង ដោយពួកគេសារភាពថាពិតជាបានប្លន់យកបានកាបូបលុយបុគ្គលិកចាក់សាំង ។ ដោយឡែកបក្ខពួកម្នាក់ទៀតកំពុងគេចខ្លួន ៕
ចែករំលែកព័តមាននេះ