ខេត្តបន្ទាយមានជ័យ ៖ ជនសង្ស័យ ២នាក់ មានអវុធខ្លី ២ដើម បានចុះពីលើរថយន្តម៉ាកព្រូសមួយគ្រឿង ធ្វើសកម្មភាពភ្ជង់ប្លន់ឆក់យកកាបូបលុយពីបុគ្គលិកចាក់សាំងស៊ីភីភី អស់ជាង ៣ពាន់ដុល្លារ…
ខេត្តបន្ទាយមានជ័យ ៖ ជនសង្ស័យ ២នាក់ មានអវុធខ្លី ២ដើម បានចុះពីលើរថយន្តម៉ាកព្រូសមួយគ្រឿង ធ្វើសកម្មភាពភ្ជង់ប្លន់ឆក់យកកាបូបលុយពីបុគ្គលិកចាក់សាំងស៊ីភីភី អស់ជាង ៣ពាន់ដុល្លារ កាលពីយប់រំលងអធ្រាត្រឈានចូលថ្ងៃទី ២៦ ខែមេសា ឆ្នាំ ២០២៦ នៅភូមិប៉ាលិលេយ្យមួយ សង្កាត់ប៉ោយប៉ែត ក្រុងប៉ោយប៉ែត ។
ជនរងគ្រោះដែលជាអ្នកលក់សាំងបានឱ្យដឹងថា គាត់បានទៅដាក់ពាក្យបណ្តឹងហើយ ក្រោយមានជនសង្ស័យ ៣នាក់ជិះរថយន្តមួយគ្រឿង ម៉ាកព្រូស ពណ៌ស ស៊េរីឆ្នាំ ២០១២ ចំនួន ១គ្រឿង ហើយមានជនសង្ស័យ ២នាក់ប្រដាប់ដោយអាវុធខ្លី ២ដើម បានចុះពីលើរថយន្តនោះ មកភ្ជង់ និងឆក់យកកាបូបលុយឡើងរថយន្តចេញទៅបាត់ ។ ដោយជនល្មើសធ្វើសកម្មភាពឆក់ប្លន់យកលុយអស់ជាង ៣០០០ដុល្លារ ។
ពាក់ព័ទ្ធករណីភ្ជង់ប្លន់ឆក់យកកាបូបលុយបុគ្គលិកចាក់សាំងស្ថានីយ៍ប្រេងស៊ីភីភី ក្រុងប៉ោយប៉ែត កម្លាំងប៉ុស្តិ៍នគរបាលរដ្ឋបាលសង្កាត់ប៉ោយប៉ែតបានឱ្យដឹងថា ពេលនេះទទួលបានមុខសញ្ញាហើយជនសង្ស័យដែលធ្វើសកម្មភាពភ្ជង់ប្លន់បុគ្គលិកចាក់សាំងនៅពេលយប់ទាបភ្លឺជាជនបរទេសដែលធ្វើសកម្មភាពប្លន់មានអាវុធខ្លីនចំនួន ២ដើម ពេលនេះកម្លាំងជំនាញកំពុងស្រាវជ្រាវតាមរយៈស្លាកខរថយន្តនៅខេត្តស្វាយរៀងកំពុងតាមចាប់ខ្លួន ៕
ចែករំលែកព័តមាននេះ