ខេត្តកំពង់ស្ពឺ ៖ តាមរយៈកោះសន្តិភាពដែលបានផ្សាយពីជីវិតតស៊ូរបស់លោកយាយពិការភ្នែកទាំងសងខាងតាំងពីអាយុ៣ឆ្នាំ រហូតបច្ចុប្បន្នជាង៧០ឆ្នាំហើយរួចមក ធ្វើឱ្យសប្បុរសជនដែលមានក្តីមេត្តាករុណាក្នុងខ្លួនកើតក្តីអាណិតអាសូរចំពោះលោកយាយជាពន់ពេកក៏បានចែករំលែកថវិកាផ្ទាល់ខ្លួនដើម្បីលោកយាយបានប្រើប្រាស់តាមតម្រូវការប្រចាំជីវិតចុងក្រោយ និងជារដូវបុណ្យចូលឆ្នាំផងដែរ ។
ក្នុងឱកាសទទួលថវិកាសប្បុរសជនតាមរយៈកោះសន្តិភាពនៅព្រឹកថ្ងៃទី១១ មេសា នៅភូមិបឹងងោង ឃុំទឹកល្អក់ ស្រុកគងពិសីខេត្តកំពង់ស្ពឺ លោកយាយបានសម្តែងនូវក្តីរំភើបឥតឧបមា ព្រោះថាពេលនេះលោកយាយកំពុងត្រូវការថវិកាចាំបាច់ដើម្បីទ្រទ្រង់ជីវភាពរបស់លោកយាយ ។ ដោយក្តីត្រេកអរលោកយាយបានលើកដៃបួងសួងដល់វត្ថុស័ក្តិសិទ្ធិក្នុងលោកជាពិសេសបារមីទេវតាឆ្នាំថ្មីតាមជួយបីបាច់ថែ រក្សាសប្បុរសជនឱ្យជួបតែសុខចម្រើន ។
នាមសប្បុរសជនដែលបានបរិច្ចាគថវិកាជូនលោកយាយ៖
១-លោកឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្តខេត្តកំពង់ស្ពឺថវិកា២០០.០០០រៀល ។
២-លោកថោង រង្ស៊ី សាស្ត្រាចារ្យសាកលវិទ្យាល័យភូមិន្ទភ្នំពេញ និងភរិយាថវិកា៨០.០០០រៀល ។
៣-លោក សេង គី ផ្ទះលក់ទាខ្វៃផ្សារច្បារអំពៅខណ្ឌច្បារអំពៅថវិកា១០០.០០០រៀល ។
៤-លោកស្រី ផូ លក្ខិណា និងស្វាមី ព្រមទាំងបុត្រប្រជាពលរដ្ឋនៅភូមិបឹងងោងថវិកា៥០.០០០រៀល ។
៥-លោកស្រី កុយ រតនា ហៅនួន និងស្វាមី រស់នៅភូមិបើន ឃុំដងទង់ ស្រុកឈូក ខេត្តកំពតថវិកា៥០.០០០រៀល ។
៦-យុវតី ត្រា សុខេធីតា រៀននៅសាលាសុវណ្ណភូមិសាខាទួលគោកថវិកា២០.០០០រៀល៕
គួររំលឹកថា ៖
សូមសប្បុរសជនមេត្តាជួយលោកយាយ ក្នុងក្តីសង្ឃឹមចុងក្រោយផង
ចែករំលែកព័តមាននេះ