ខេត្តបន្ទាយមានជ័យ ៖ សង្កេតឃើញទឹកនៅតែបន្តឡើងជារៀងរាល់ថ្ងៃ បង្កឱ្យមានផលប៉ះពាល់ដល់ប្រជាពលរដ្ឋស្រុកភ្នំស្រុក និងស្រុកព្រៈនេត្រព្រៈ ។ ដូច្នេះ សូមបងប្អូនត្រូវប្រុងប្រយ័ត្នពីសុវត្ថិភាព ។ ទឹកជំនន់បានហូរធ្លាក់ពីស្ពានតាម៉ុក…
ខេត្តបន្ទាយមានជ័យ ៖ សង្កេតឃើញទឹកនៅតែបន្តឡើងជារៀងរាល់ថ្ងៃ បង្កឱ្យមានផលប៉ះពាល់ដល់ប្រជាពលរដ្ឋស្រុកភ្នំស្រុក និងស្រុកព្រៈនេត្រព្រៈ ។ ដូច្នេះ សូមបងប្អូនត្រូវប្រុងប្រយ័ត្នពីសុវត្ថិភាព ។
ទឹកជំនន់បានហូរធ្លាក់ពីស្ពានតាម៉ុក ស្រុកអន្លង់វែង ខេត្តឧត្តរមានជ័យ មកជន់លិចឃុំស្ពានស្រែង ជាប់ព្រំប្រទល់ក្រឡាញ់ ស្រុកក្រលាញ់ និងស្រុកស្រីស្នំ ខេត្តសៀមរាប និងស្រុកមង្គលបូរី និងក្រុងសិរីសោភ័ណ ទឹកជំនន់ធ្លាក់ពីស្រុកបវេល ខេត្តបាត់ដំបង ក្នុងចំណោម៥ស្រុក/ក្រុង ដែលទឹកកំពុងជន់លិចប៉ះពាល់ប្រជាពលរដ្ឋ គឺទឹកនៅតែបន្តឡើងរាល់ថ្ងៃ។
យ៉ាងណា វត្តមានរបស់ឯកឧត្តម អ៊ុំ រាត្រី បានចុះពិនិត្យ និងនាំយកអំណោយសម្តេចតេជោ ហ៊ុន សែន សម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុន សែន ចែកជូនប្រជាពលរដ្ឋដែលរងផលប៉ះពាល់ដោយសារទឹកជំនន់ដល់លំនៅឋានស្ថិតនៅស្រុកព្រះនេត្រព្រះ និងស្រុកភ្នំស្រុក នៅថ្ងៃទី២៧ ខែកញ្ញា ឆ្នាំ២០២២ រយៈពេល២ថ្ងៃជាប់គ្នា ។
កាលពីថ្ងៃទី២៦ ខែកញ្ញា ឆ្នាំ២០២២ នៅឃុំទឹកជោស្រុកព្រៈនេត្រព្រៈ ឯកឧត្តម អ៊ុំ រាត្រី បាននាំយកអំណោយសម្តេចតេជោ ចែកជូនដល់លំនៅឋានរបស់ប្រជាពលរដ្ឋដែលលិចលង់ ដោយទឹកជំន់ចំនួន៣៧គ្រួសារ និងថ្ងៃទី២៧ ខែកញ្ញា ឆ្នាំ២០២២ ស្ថិតក្នុងឃុំស្ពានស្រែង ស្រុកភ្នំស្រុក បាននាំយកអំណោយចែកជូនដល់លំនៅដ្ឋានប្រជាពលរដ្ឋចំនួន៤៥គ្រួសារ ។
អំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ដែលនាំយកចែកជូន គឺក្នុង១គ្រួសារទទួលបានអង្ករ១០គីឡូក្រាម មី១០កញ្ចប់ ត្រីខ៥យួរ ទឹកស៊ីអ៊ីវ៣យួរ ទឹកត្រី៣យួរ និងថវិកា ។ ឯកឧត្តម អ៊ុំ រាត្រី បានប្រាប់ថា នៅខេត្តបន្ទាយមានជ័យ មាន៩ស្រុក/ក្រុងក្នុងនោះ មាន៥ស្រុក/ក្រុងដែលរងផលប៉ៈពាល់ដោយទឹកជំនន់មានចំនួន៥.១៩៦គ្រួសារស្មើ២៣.៦៦០នាក់ ស្រី៦.៩១៦នាក់ជម្លៀសរកទីទួលសុវត្ថិភាពមាន២៩២គ្រួសារស្មើ១.០២៦នាក់ និងទឹកលិចស្រូវមានផ្ទៃដី២០.៩៣១ហិកតា ផ្លូវលិចទឹកនិងហូរកាត់មានប្រវែង៧៨.៣២៦ម៉ែត្រ។
ចែករំលែកព័តមាននេះ