ADផ្ទាំងផ្សព្វផ្សាយពាណិជ្ជកម្ម

Picture

ពិការ​ដើរ​សុំទាន​គេ តែ​​ថៃ​គេអត់​ជឿ​និង​ចោទ​ថា បោក​ប្រាស់​ចាប់​បញ្ជូន​ឱ្យ​កម្ពុជា​វិញ

1 ឆ្នាំ មុន
  • បន្ទាយមានជ័យ

ខេត្តបន្ទាយមានជ័យ ៖ បុរស​ជា​ជន​ពិការដើរ​គម​​ខ្នង​​សុំទាន​គេ​នៅ​ប្រទេស​ថៃ ​រយៈពេល​ជិត​២០​ឆ្នាំ​​មកហើយ​ ​ត្រូវ​បាន​ភាគី​ថៃ​ចាប់​បញ្ជូន​មក​កម្ពុជា​វិញ ក្រោយពី​​បណ្តាញ​សង្គម ​និង​សារព័ត៌មាន​ថៃ​បានចុះ​ថា គឺជា​ការ​បោកប្រាស់ ។ ជាក់ស្តែង…

ខេត្តបន្ទាយមានជ័យ ៖ បុរស​ជា​ជន​ពិការដើរ​គម​​ខ្នង​​សុំទាន​គេ​នៅ​ប្រទេស​ថៃ ​រយៈពេល​ជិត​២០​ឆ្នាំ​​មកហើយ​ ​ត្រូវ​បាន​ភាគី​ថៃ​ចាប់​បញ្ជូន​មក​កម្ពុជា​វិញ ក្រោយពី​​បណ្តាញ​សង្គម ​និង​សារព័ត៌មាន​ថៃ​បានចុះ​ថា គឺជា​ការ​បោកប្រាស់ ។

ជាក់ស្តែង កោះសន្តិភាព​បាន​ជួប​ផ្ទាល់​​ ​ថ្ងៃ​ទី​១៤ កញ្ញា នេះ ស្ថិត​នៅ​ចំណុច​សួន​ស្ព័​រ ក្នុងភូមិ​ក្បាលស្ពាន​មួយ សង្កាត់​ព្រះពន្លា ក្រុង​សិរី​សោភ័ណ បានឱ្យ​ដឹងថា គាត់​មានឈ្មោះ ម៉ី ចាន់​ថា​វី អាយុ​៥៧​ឆ្នាំ និង​មាន​ប្រពន្ធ​ឈ្មោះដា អាយុ​៣០​ឆ្នាំ (​ជាមនុស្សត្រចៀកថ្លង់​) និង​មានកូន​ក្នុង​បន្ទុក​ចំនួន​២​នាក់ (​ស្រី​១​នាក់​) ។

ប្រភព​ឱ្យ​ដឹង​ទៀតថា ​ គាត់​ពិតជា​ពិការ​ពិត​មែន មាន​រយៈពេល​២១​ឆ្នាំ​មក​ហើយ ខ្នង​គម​ត្រឹម​ចង្កេះ​(៩០​ដឺ​ក្រេ) ហើយ​បាន​ទៅ​សុំទាន​តាម​ផ្សារ​នៅ​ខេត្ត​ឈុ​ន​បូ​រី ​ប្រទេស​ថៃ​ ក្នុង​១​ថ្ងៃ​អាច​រកបាន​ជិត​១.០០០​បាត តែ​ដើរ​សុំទាន​គេ​មិន​បាន​រាល់ថ្ងៃ​ទេ​ ។ គាត់បន្តថា នៅ​ក្នុង​១​ស​ប្តា​ហ៍​បាន​៣​ទៅ​៤​ថ្ងៃ​ប៉ុណ្ណោះ ព្រោះ​សុខភាព​មិនសូវជាល្អ ជួនកាល​ដើរ​សុំទាន​តាម​ផ្សារ ខ្លះ​អង្គុយ​សុំ​តាម​ជ្រុង​ផ្សារ​ផ្លូវបំបែក​ស្ពាន​ឆ្លងផ្លូវ ។

បុរស​ពិការ​ខ្នង​កោង​បាន​បញ្ជាក់​ថា នៅ​ពេល​ដែល​គាត់​សុំទាន​គេនៅ​ប្រទេស​ថៃ មាន​អ្នក​សារ​ព័ត៌មាន​ទូរទស្សន៍​និង​​​បណ្តាញ​សង្គម​ បាន​សុំ​ថត​ផ្សាយ ក្នុងនោះ មាន​សប្បុរសជន​មក​ជួយ​ មាន ដូចជា ​អង្ករ និង​គ្រឿង​ឧបភោគ បរិភោគ​ និងថវិកា​ខ្លះៗ​បាន​ជួយ ។ គាត់​បាន​ជួល​បន្ទប់ សម្រាប់​គ្រួសារ​ស្នាក់​នៅ​នៅ​ខេត្ត​ឈុ​ន​បូ​រី ប្រទេស​ថៃ ។ ប៉ុន្តែនៅ​ក្បែរនោះ មាន​អ្នក​សុំទាន​ជនជាតិ​ថៃ​ម្នាក់​​បាន​​ច្រណែន ហើយ​បាន​ប្រាប់​ទៅ​សប្បុរសជន និង​សារព័ត៌មាន​ថៃ​ថា គាត់​ដើរ​សុំទាន​បាន​១​ថ្ងៃ​៥.០០០​ទៅ​ជិត​១​ម៉ឺន​បាត​ឯណោះ ។

ក្រោយមក ក៏​ត្រូវ​បាន​សមត្ថកិច្ច​ថៃ​ចាប់​ក្នុង​ករណី​អន្តោប្រវេសន៍​ដោយ​ខុសច្បាប់ ​និង​បាន​បញ្ជូន​មកវិញតាម​ច្រក​ទ្វារ​អន្តរជាតិ​ប៉ោយប៉ែ​ត ។ ​​គាត់​ត្រឡប់​មក​ស្នាក់​នៅ​ជាមួយ​បងប្អូន ព្រោះ​គ្មាន​ដី និង​ផ្ទះ​រស់នៅទេ ហើយ​គ្មាន​លុយ​ជាប់​ខ្លួន​ រកតែ​អង្ករ​និង​លុយ​ទិញ​ម្ហូប​គ្មាន ខណៈ​ប្អូន​បាន​ឱ្យមក​ស្នាក់​នៅ​ជា​បណ្តោះអាសន្ន​នៅ​ខ្ទម​លើ​មាត់​ប្រឡាយ​សួន​ស្ព័​រ ។

ជន​ពិការ​ឈ្មោះ ម៉ី ចាន់​ថា​វី គាត់​ជា​អ្នក​ដើម​កំណើត​នៅ​ភូមិ​អង្គ​ស័​ង្ក ឃុំ​-​ស្រុក​ព្រៃ​ល្វារ ខេត្តតាកែវ ដែល​មាន​បងប្អូន​៤​នាក់ (​ប្រុស​ម្នាក់​) ហើយ​បាន​រស់នៅ​រៀនសូត្រ​ភូមិ​.​សង្កាត់​កំពង់ស្វាយ ក្រុង​សិរី​សោភ័ណ ដោយ​ហាត់​កីឡា​បាល់​ទៈ​ក្នុង​សាលា​ត្រូវ​អុកគូទ បណ្តាល​ឈឺចង្កេះ ។ គាត់​ចាប់ផ្តើម​ឈឺ​ខ្លាំង​ទៅ​ព្យាបាល​នៅ​ពេទ្យ​រុ​ស្ស៊ី និង​ពេទ្យ​អង្គការ​គ្មាន​ព្រំដែន ហើយ​គេ​បញ្ជូន​ទៅ​ពេទ្យ​មង្គល​បូ​រី​បន្ត​ទៀត ដោយ​គ្រូពេទ្យ​ប្រាប់​ថា គាត់​ខូច​សន្លាក់ឆ្អឹង​ចង្កេះ​មិន​អាច​ធ្វើ​អ្វី​បាន​ទេ ។

ប្រវត្តិ​គាត់​មាន​ប្រពន្ធ​៣​នាក់ និង​មានកូន​៥​នាក់ (​ស្រី​២​នាក់​) ។ ប្រពន្ធ​ទី​១ មានកូន​៣​នាក់ (​ស្រី​
១​នាក់​) តែ​បាន​លេង​លះ​នៅ​ឆ្នាំ​២០០៤ ។ ក្រោយមក លោក​បាន​ធ្លាក់ខ្លួន​ពិការ​រក​លុយ​មិន​បាន​ហើយ​​ទៅ​សុំទាន​នៅ​ប្រទេស​ថៃ ។ ប្រពន្ធ​ទី​២ បាន​នៅ​ប្រទេស​ថៃ នៅ​ពេល​ទៅ​សុំទាន​មានកូន​ស្រី​១ ។ គាត់​បាន​លែងលះ​គ្នា​នៅ​ឆ្នាំ​២០០៨ ហើយ​បាន​ប្រពន្ធ​ទី​៣ ជា​មនុស្ស​ថ្លង់​នេះ បានកូន​ប្រុស​ម្នាក់​និង​កូនស្រី ។ ប្រពន្ធ​ទី​២​យក​មក​រស់នៅ​ជាមួយ​ដែល​សារព័ត៌មាន​ចោទប្រកាន់​គាត់​ថា ជា​មនុស្ស​ពិការ​បោកប្រាស់​គេ ។

អត្ថបទសរសេរ ដោយ

កែសម្រួលដោយ