ប្រទេសជប៉ុន ៖ ប្រទេសជប៉ុន កាលពីថ្ងៃទី២០ មេសា បានព្រមានពីគ្រោះថ្នាក់នៃការរញ្ជួយដីចម្បងមួយមានកម្លាំងចាប់ពី៨រីស្ទ័រទៅ ក្រោយការរញ្ជួយដីខ្លាំងមួយមានកម្លាំង៧,៧រីស្ទ័រ នាភាគខាងជើងប្រទេសនាំឲ្យមានការប្រកាសអាសន្នស៊ូណាមី ដែលលុបចោលវិញប៉ុន្មានម៉ោងក្រោយមក។ យោងតាមទីភ្នាក់ងារឧតុនិយមជាតិជប៉ុនថា…
ប្រទេសជប៉ុន ៖ ប្រទេសជប៉ុន កាលពីថ្ងៃទី២០ មេសា បានព្រមានពីគ្រោះថ្នាក់នៃការរញ្ជួយដីចម្បងមួយមានកម្លាំងចាប់ពី៨រីស្ទ័រទៅ ក្រោយការរញ្ជួយដីខ្លាំងមួយមានកម្លាំង៧,៧រីស្ទ័រ នាភាគខាងជើងប្រទេសនាំឲ្យមានការប្រកាសអាសន្នស៊ូណាមី ដែលលុបចោលវិញប៉ុន្មានម៉ោងក្រោយមក។
យោងតាមទីភ្នាក់ងារឧតុនិយមជាតិជប៉ុនថា ការរញ្ជួយដីខ្លាំងមួយមានកម្លាំង៧,៧រីស្ទ័រ កើតមានកាលពីថ្ងៃទី២០ មេសា វេលាម៉ោង១៦និង៥៣នាទីម៉ោងក្នុងស្រុក ក្នុងដែនទឹកមហាសមុទ្រប៉ាស៊ីហ្វិកនៃដែនទឹកភាគខាងជើងខេត្តអ៉ីវ៉ាត ។
ការរញ្ជួយដីនោះពិតជាខ្លាំងនាំឲ្យមានការញ័ររង្គើរអគារធំៗរហូតដល់ក្រុងតូក្យូស្ថិតនៅចម្ងាយច្រើនរយគីឡូម៉ែត្រពីចំណុចកណ្ដាល រយៈពេលដល់ជាង១នាទី។ ទីភ្នាក់ងារឧតុនិយមជប៉ុនបានចេញការប្រកាសអាសន្នស៊ូណាមី ដែលរលកសមុទ្រអាចមានកម្ព្ស់ដល់៣ម៉ែត្រ។ បន្ទាប់មកការប្រកាសអាសន្ននោះបានបន្ថយមកត្រឹមរលកសមុទ្រកម្ពស់១ម៉ែត្រ។ ក្រោយមកទៀតការប្រកាសអាសន្នស៊ូណាមីត្រូវបានលុបចោលវិញ មកត្រឹមឲ្យមានការប្រុងប្រយ័ត្នខ្ពស់នៅតាមបណ្ដោយឆ្នេរសមុទ្រភាគឦសាននៃមហាសមុទ្រប៉ាស៊ីហ្វិក ។
ពុំមានសេចក្ដីរាយការណ៍ពីបណ្ដាអ្នករបួសធ្ងន់ឬការខូចខាតធំធេងណាមួយឡើយ។ នេះបើតាមអ្នកនាំពាក្យរដ្ឋាភិបាលលោកមីណូរូគីហារ៉ា ក្នុងសន្និសីទសារព័ត៌មានមួយក្រោយការរញ្ជួយដីនោះបន្តិច។ ទោះបីយ៉ាងណាទីភ្នាក់ងារឧតុនិយមជប៉ុនបានព្រមានពីការរញ្ជួយដីដ៏ខ្លាំងបំផុតមួយដែលអាចកើតមាន។
សមាជិកម្នាក់របស់ទីភ្នាក់ងារឧតុនិយមជប៉ុនលើកឡើងកាលពីថ្ងៃទី២០មេសាថា រយៈពេលប្រមាណជា១សប្ដាហ៍សូមលោកអ្នកប្រុងប្រយ័ត្ន ចំពោះការរញ្ជួយដីថ្មីៗទៀត ដែលអាចមានកម្លាំងខ្លាំងជាងមុន ។ សូមលោកអ្នកអ្នកចាកចេញភ្លាមៗ ពីបណ្ដាតំបន់ជាប់ឆ្នេរសមុទ្រ ទៅកាន់កន្លែងខ្ពស់ដែលអាចមានសន្តិសុខ៕
ចែករំលែកព័តមាននេះ