រាជធានីភ្នំពេញ ៖ ក្មេងទំនើង ដែលបានប្រើហិង្សាវាយនិងគប់បំផ្លាញរថយន្តមួយគ្រឿងបន្ទាប់ពីកើតមានគ្រោះថ្នាក់ចរាចរណ៍កាលពី ថ្ងៃចូលឆ្នាំទី៣ នៅវត្តភ្នំ ត្រូវបានកម្លាំងនគរបាលព្រហ្មទណ្ឌកំរិតស្រាលសហការជាមួយនគរបាលខណ្ឌដូនពេញ ស្រាវជ្រាវឃាត់ខ្លួនបានជាបន្តបន្ទាប់ចំនួន១១នាក់ ហើយធ្វើការបង្ហាញមុខជាសារធារណះកាលពីវេលាថ្ងៃត្រង់ទី២១ខែមេសាឆ្នាំ២០២៦នេះ។
ក្មេងទំនើងដែលបង្ហាញមុខរួមមាន ១-ឈ្មោះ ម៉ាន់ ឡុងថាជា ភេទ ប្រុស អាយុ១៨ឆ្នាំមុខរបរ ជាសិស្សវិទ្យាល័យ ព្រះស៊ីសុវត្ថិ,២-ឈ្មោះ សុខ ជា ភេទ ប្រុស អាយុ១៨ឆ្នាំ មុខរបរ កម្មករតម្លើងឧបករណ៍ហាត់ប្រាណ,៣-ឈ្មោះ ឆុន រ៉ាយុទ្ធ ភេទ ប្រុសអាយុ១៨ ឆ្នាំ មុខរបរ សិស្សវិទ្យាល័យវត្តភ្នំ,,៤-ឈ្មោះ ឯក សុខមាន ភេទ ប្រុសអាយុ១៨ ឆ្នាំមុខរបរ ដឹកម្ហូបក្រុមហ៊ុនWOWNOW,៥-ឈ្មោះ នី សាគី ហៅភ្លោះ ភេទ ប្រុស អាយុ២០មុខរបរ លក់ដូរ,៦-ឈ្មោះ នី វីវី ភេទ ប្រុស អាយុ២០ឆ្នាំមុខរបរ លក់ដូរ,៧-ឈ្មោះ មឿន ពិសី ភេទ ប្រុសអាយុ ១៨ឆ្នាំមុខរបរ កម្មកររោងចក្រ,៨-ឈ្មោះ ញី ឆាលី ភេទ ប្រុសអាយុ១៨ ឆ្នាំ មុខរបរ កម្មករសិប្បកម្មប្រេងខ្យង,៩-ឈ្មោះ សូរ្យវិសុទ្ធ ភេទប្រុសអាយុ១៨ ឆ្នាំ,១០-ឈ្មោះ ភឹមវិសាល ភេទ ប្រុសអាយុ១៧ ឆ្នាំនិង១១-ឈ្មោះ ហូសាន់ សើហ្វីអី ភេទប្រុស អាយុ១៧ឆ្នាំ។
តាមនគរបាលព្រហ្មទណ្ឌកំរិតស្រាលបានឲ្យដឹងថា ដោយអនុវត្តន៍ តាមបទបញ្ជាពីឯកឧត្តមឧត្តមសេនីយ៍ឯក ជួន ណារិទ្ធ អគ្គស្នងការរង និងជាស្នង ការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ជារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល , កម្លាំងនគរបាលព្រហ្មទណ្ឌកំរិតស្រាល រាជធានីភ្នំពេញ ដែលបញ្ជាផ្ទាល់ដោយលោកវរសេនីយ៍ឯក ម៉ម សាវន នាយការិយាល័យ បានសហការជាមួយនគរបាលព្រហ្មទណ្ឌខណ្ឌដូនពេញបានធ្វើការស្រាវជ្រាវ ចាប់ពីថ្ងៃទី១៧ រហូតដល់ថ្ងៃទី២០ ខែមេសា ឆ្នាំ២០២៦ កម្លាំងជំនាញបាន ឃាត់ខ្លួន ជនសង្ស័យជាបន្តបន្ទាប់សរុបចំនួន១១នាក់ ពាក់ព័ន្ធប្រព្រឹត្តបទល្មើស ធ្វើឲ្យខូចខាតដោយចេតនាមានស្ថានទម្ងន់ទោស (ប្រើដុំថ្ម,មួកសុវត្ថិភាព ដៃ ជើង គប់ វាយ លើរថយន្តម៉ាក AVATAR ០៧ ព៌ណខ្មៅ ពាក់ផ្លាកលេខកម្ពុជាMUSTAFA បណ្តាលឲ្យបែកកញ្ចក់រថយន្តខាងមុខ និងខាងក្រោយ, បែកកញ្ចក់ទ្វារ មុខខាងស្តាំបែកកញ្ចក់ទ្វារក្រោយខាងឆ្វេង,បាក់កញ្ចក់មើលក្រោយខាងឆ្វេង,បែកស្តុបខាងក្រោយសងខាង កំពិត និងឆ្កួតចំហៀងរថយន្ត និង ពីក្រោយ បាត់ផ្លាកលេខរថយន្តកម្ពុជា MUSTAFA ចំនួន ០១ បន្ទះ) ដែលបានប្រព្រឹត្តនៅចំណុចមុខ ហាងម៉ាស្សាយីហោម៉ាយូរ៉ា ផ្លូវលេខ៤៧ ក្រុម១៥ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី១៦ ខែមេសា ឆ្នាំ២០២៦ វេលាម៉ោង ១៩ និង ៣០ នាទីយប់។បន្ទាប់ពីឃាត់ខ្លួនសមត្ថកិច្ចដករហូតវត្ថុតាងរួមមាន ដុំថ្ម(ការ៉ូឡា)ចំនួន០៤ដុំ និងផ្លាកលេខរថយន្តចំនួន០១បន្ទះនិងផ្លែដូងចំនួន១។
តាមនគរបាល ព្រហ្មទណ្ឌបានឲ្យដឹងទៀតថា ជនដៃដល់ដែលបង្កហិង្សានៅមានបក្សពួកនៅសេសសល់ជាច្រើននាក់ទៀត សមត្ថកិច្ចកំពុងតែបន្តស្វែងរកអត់ខ្លួន។បន្ទាប់ពីបង្ហាញមុខសមត្ថកិច្ចក៏បានបញ្ជូនជនសង្ស័យជាក្រុមក្មេងទំនើងខាងលើទៅកាន់សាលាដំបូងរាជធានីភ្នំពេញដើម្បីចាត់ការតាមនីតិវិធី៕
ចែករំលែកព័តមាននេះ