ខេត្តកំពង់ស្ពឺ៖ យោងតាមផេកផ្លូវការរបស់ស្នងការដ្ឋាននគរបាលខេត្តកំពង់ស្ពឺ បានឲ្យដឹងកាលពីល្ងាចថ្ងៃទី២៨ ខែមីនា ឆ្នាំ២០២៦ ថា ស្មៀនឃុំតាសាល ដែលរកឃើញមានជាតិស្រវឹង ០,៩២ mg/Lហើយបើករថយន្តបុកម៉ូតូពីក្រោយ…
ខេត្តកំពង់ស្ពឺ៖ យោងតាមផេកផ្លូវការរបស់ស្នងការដ្ឋាននគរបាលខេត្តកំពង់ស្ពឺ បានឲ្យដឹងកាលពីល្ងាចថ្ងៃទី២៨ ខែមីនា ឆ្នាំ២០២៦ ថា ស្មៀនឃុំតាសាល ដែលរកឃើញមានជាតិស្រវឹង ០,៩២ mg/Lហើយបើករថយន្តបុកម៉ូតូពីក្រោយ បណ្តាលឱ្យស្លាប់ម្នាក់ របួសម្នាក់ នៅក្រុងច្បារមន ត្រូវសមត្ថកិច្ចជំនាញបានកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពង់ស្ពឺ នឹងរៀបចំកសាងសំណុំរឿងបញ្ជូនទៅកាន់សាលាដំបូងខេត្តកំពង់ស្ពឺរួចរាល់ហើយ ។ គួររំលឹកថា ស្មៀនឃុំតាសាល បើករថយន្តបុ.ករះម៉ូតូ២គ្រឿង ស្លា.ប់ម្នាក់ របួសម្នាក់
សូមរំលឹកឡើងវិញថា ករណីគ្រោះថ្នាក់ចរាចរណ៍កណ្ដាលក្រុងច្បារមន បណ្ដាលមនុស្សម្នាក់បានស្លាប់ភ្លាមៗនៅនឹងកន្លែង ចំណែកម្នាក់ទៀតរបួសស្រាល ក្នុងករណីរថយន្តបុកម៉ូតូពីរគ្រឿងពីក្រោយកាលពីវេលាម៉ោង៦និង៣០នាទីព្រលប់ ថ្ងៃទី២៧ ខែមីនា ឆ្នាំ២០២៦ នៅលើផ្លូវក្រាលកៅស៊ូលេខ១៤៣ ខាងត្បូងរង្វង់មូលវិមានឯករាជ្យ ស្ថិតនៅក្នុងភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
តាមការបញ្ជាក់ពីសមត្ថកិច្ចនគរបាល ៖ មុនពេលកើតហេតុរថយន្តម៉ាក HILUX REVO (RALLY) ពណ៌ស ពាក់ផ្លាកលេខ ភ្នំពេញ 2BX-9781 អ្នកបើកបរឈ្មោះ មិន ហេង ភេទប្រុស អាយុ៥៦ឆ្នាំ រស់នៅក្នុងភូមិគោក ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ មុខរបរ ស្មៀនឃុំ បើកបរពី ទិសខាងត្បូង ទៅទិសខាងជើង លុះមកដល់ចំណុចកើតហេតុបានទៅបុកពីក្រោយម៉ូតូពីរគ្រឿង ម៉ូតូទី១÷ ម៉ាកហុងដាសេ១២៥( HONDA DREAM 125CC) ពណ៌ខ្មៅ ពាក់ផ្លាកលេខ កំពង់ស្ពឺ 1F-6117 អ្នកបើកបរឈ្មោះ ទឹម សារ៉េត ភេទប្រុស អាយុ ៤៥ឆ្នាំ ស្លាប់នៅនឹងកន្លែងកើតហេតុ រស់នៅក្នុងភូមិអំពែភ្នំ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ និងម៉ូតូទី២÷ ម៉ាក ហុងដាប៊ីត (HONDA BEAT 110CC) ពណ៌ខ្មៅ ពាក់ផ្លាកលេខភ្នំពេញ 1KG-2661 អ្នកបើកបរឈ្មោះ សែម ស្រីទី ភេទស្រី អាយុ២៧ឆ្នាំ រងរបួសស្រាល រស់នៅក្នុងភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ដែលកំពុងតែបើកបរនៅពីមុខស្របទិសគ្នា បុកពេញទំហឹង។
ក្រោយហេតុការណ៍សមត្ថកិច្ចនគរបាលចរាចរណ៍ បានចុះទៅដល់កន្លែងកេីតហេតុ និងបានចំណាត់ការឃាត់អ្នកបេីកបររថយន្ដខាងលេី បញ្ជូនមកការិយាល័យចរាចរណ៍ខេត្ដកំពង់ស្ពឺ ដេីម្បី ចាត់ការតាមនីតិវិធី រីឯអ្នករបួសជួយសង្គ្រោះបញ្ជូនទៅមន្ទីរពេទ្យ អ្នកស្លាប់បានប្រគល់ជូនសាច់ញាតិក្រុមគ្រួសារដេីម្បីយកទៅធ្វេីបុណ្យតាមប្រពៃណី ៕
ចែករំលែកព័តមាននេះ