រាជធានីភ្នំពេញ ៖ គិតត្រឹមវេលាម៉ោង២រសៀលថ្ងៃទី ២៤ ខែមីនា ឆ្នាំ២០២៦ នេះសមត្ថកិច្ចចម្រុះបានបន្តរុករកសពដែលលិចបាត់នៅក្នុងទន្លេមេគង្គនិងរកឃើញសព ស្ត្រីពីរនាក់ទៀតហើយនៅក្នុងករណីលិចទូកស្មាច់នៅឃុំពុកឬស្សីស្រុកខ្សាច់កណ្ដាលខេត្តកណ្ដាលកាលពីវេលាព្រឹកថ្ងៃទី២៣ខែមីនាឆ្នាំ២០២៦។ គួររំលឹកថា ស្លា.ប់២នាក់…
រាជធានីភ្នំពេញ ៖ គិតត្រឹមវេលាម៉ោង២រសៀលថ្ងៃទី ២៤ ខែមីនា ឆ្នាំ២០២៦ នេះសមត្ថកិច្ចចម្រុះបានបន្តរុករកសពដែលលិចបាត់នៅក្នុងទន្លេមេគង្គនិងរកឃើញសព ស្ត្រីពីរនាក់ទៀតហើយនៅក្នុងករណីលិចទូកស្មាច់នៅឃុំពុកឬស្សីស្រុកខ្សាច់កណ្ដាលខេត្តកណ្ដាលកាលពីវេលាព្រឹកថ្ងៃទី២៣ខែមីនាឆ្នាំ២០២៦។ គួររំលឹកថា ស្លា.ប់២នាក់ បា.ត់ខ្លួន៦នាក់ ជួយសង្គ្រោះបាន៥នាក់ ករណីលិ.ចទូកស្មាច់ដឹកភ្ញៀវមកកម្សាន្តរមណីយដ្ឋានឆ្នេរខ្សាច់កោះដាច់
សពពីរនាក់ដែលរកឃើញ គឺនារីទាំង២នាក់ ក្នុងនោះវ័យក្មេងម្នាក់និងវ័យចំណាស់ម្នាក់។នេះបើតាមសមត្ថកិច្ចដែលជាក្រុមរុករកដែលបានផ្ដល់ព័ត៌មានអោយ ដឹងមុននេះបន្តិច។
សរុបទាំងអស់បានរកឃើញសពចំនួន៥នាក់ហើយដែលភ្លាមៗរកសពឃើញ២នាក់ជាស្ត្រី ។លុះនៅវេលាល្ងាចរកឃើញក្មេងប្រុសម្នាក់ និងនៅវេលាម៉ោងប្រមាណជាង១រសៀលថ្ងៃទី២៤ ខែមិនា នេះ រកឃើគនារី២នាក់ទៀត នៅសល់តែចំនួន៣នាក់ទៀតកំពុងតែបន្តរុករក។ទោះបីជាយ៉ាងណាគេពុំទាន់ដឹងច្បាស់ពីអត្តសញ្ញាណសពនៅឡើយ។
គួរបញ្ជាក់ថា កាលពីវេលាម៉ោង១០និង៣០ព្រឹក ថ្ងៃទី ២៣ខែមីនាឆ្នាំ២០២៦ មានសោកនាកម្មមួយបានកើតឡើងដោយសារតែលិចទូកស្មាច់អ្នកដែលជិះទៅលេងរម្មណីយដ្ឋានឆ្នេរខ្សាច់កោះដាច់បង្ក អោយក្មេងប្រុសស្រីចំនួន ៨នាក់លិចបាត់នៅក្នុងទន្លេហើយចំនួន៥នាក់ត្រូវបានជួយសង្គ្រោះទាន់។
ហេតុការណ៍ដ៏រន្ធត់នេះគឺបានកើតឡើងនៅទន្លេគង្គក្នុងឃុំពុកឬស្សី ស្រុកខ្សាច់កណ្តាល ខេត្តកណ្ដាលដែលមានព្រំប្រទល់ជាប់នឹងសង្កាត់កោះដាច់ខណ្ឌជ្រោយចង្វារ រាជធានីភ្នំពេញទន្ទឹមនិងឆ្នេរខ្សាច់ក្បាល់កោះដាច់។
នៅ ព្រឹកថ្ងៃកើតហេតុជនរងគ្រោះប្រុសស្រីសរុប១៣នាក់ក្នុងនោះប្រុស៥នាក់និងស្រី៨នាក់បានធ្វើដំណើរដោយជិះទូកស្មាច់ចេញពីស្រុកខ្សាច់កណ្ដាលមកលេងរមណីយដ្ឋានកោះដាច់។ នៅពេលធ្វើដំណើរចេញបានបន្តិចជិតដល់កណ្ដាលទន្លេស្រាប់តែទូកឃ្លោង បានក្រឡាប់ លិចភ្លាមៗនោះនគរបាល មូលដ្ឋានសង្កាត់កោះដាច់និងនគរបាលស្រុកខ្សាច់កណ្ដាលនិងអ្នកស្រុក បាននាំគ្នាជួយស្រង់សង្គ្រោះរួចបញ្ជូនមកច្រាំងទន្លេនៅក្បាលកោះដាច់។
តាមនគរបាលបានអោយដឹងថា នៅក្នុងហេតុការណ៍នោះសមត្ថកិច្ចបានជួយស្រង់សង្គ្រោះបានចំនួន ៥ នាក់និងរកឃើញសពចំនួន២នាក់និងលិចបាត់ចំនួន៦នាក់។បន្ទាប់ពីកើតហេតុកម្លាំងគណៈបញ្ជា ការឯកភាពខេត្តកណ្ដាលសហការជាមួយអាជ្ញាធរនិងនគរបាលប៉ុស្តិ៍កោះដាច់និងមានការចូលរួមពីកងប្រតិបត្តិការរុករកនិងសង្គ្រោះគ្រោះមហន្តរាយ៧១១ កងពលតូចលេខ៧០ ក៏បានរកឃើញក្មេងប្រុស ម្នាក់ទៀតនៅវេលាល្ងាចថ្ងៃកើតហេតុហើយបន្តរុករកនិងឃើញសព ២នាក់ទៀតនៅវេលារសៀលថ្ងៃទី២៤ ខែមីនានេះនិងកំពុងបន្តរុករកសពចំនួន៣នាក់ទៀតដែលនៅសេសសល់៕
ចែករំលែកព័តមាននេះ