ខេត្តកំពង់ស្ពឺ ៖ លទ្ធផលក្នុងព្រឹត្តិការណ៍កំពង់ស្ពឺសង្ក្រាន្តចូលឆ្នាំប្រពៃណីជាតិខ្មែររយៈពេល៣ថ្ងៃ នៅក្នុងខេត្តកំពង់ស្ពឺ កើតមានបទល្មើសចំនួន៦៩លើក ស្មើនឹង៥ករណី គិតចាប់ពីថ្ងៃទី១៤-១៥ និងថ្ងៃទី១៦ ខែមេសា ឆ្នាំ២០២៦។…
ខេត្តកំពង់ស្ពឺ ៖ លទ្ធផលក្នុងព្រឹត្តិការណ៍កំពង់ស្ពឺសង្ក្រាន្តចូលឆ្នាំប្រពៃណីជាតិខ្មែររយៈពេល៣ថ្ងៃ នៅក្នុងខេត្តកំពង់ស្ពឺ កើតមានបទល្មើសចំនួន៦៩លើក ស្មើនឹង៥ករណី គិតចាប់ពីថ្ងៃទី១៤-១៥ និងថ្ងៃទី១៦ ខែមេសា ឆ្នាំ២០២៦។ នេះបើយោងតាមរបាយការណ៍របស់សមត្ថកិច្ចខេត្តកំពង់ស្ពឺ ។
របាយការណ៍របស់សមត្ថកិច្ចខេត្តកំពង់ស្ពឺបានឱ្យដឹងទៀតថា បទល្មើសកើតមានឡើងចំនួន៦៩លើក ស្មើនឹង៥ករណី ៖ ទី១-ករណីចោរកម្ម(ក្រុមជនសង្ស័យបានធ្វើសកម្មភាព) -វះយកកាបូបកើតឡើងចំនួន៤០លើក -កាត់ខ្សែកាបូបបចំនួន១០លើក -លូកយកក្នុងហោប៉ៅចំនួន២លើក -យកម្សៅប៉ាតមុខហើយបន្លំលូកយកទូរស័ព្ទចំនួន៤លើក។
ទី២-ករណីគ្រោះថ្នាក់ចរាចរណ៍កើតឡើងចំនួន៥លើក បណ្តាលឱ្យមានមនុស្សស្លាប់ចំនួន០៤នាក់ រងរបួសធ្ងន់-ស្រាលចំនួន១៣នាក់ រងការខូចខាតសម្ភារៈម៉ូតូចំនួន៤គ្រឿងនិង រថយន្តចំនួន០១គ្រឿងផងដែរ។
ទី៣- ករណីហិង្សាដោយចេតនាកើតឡើងចំនួន០៥លើក នឹងហិង្សាដោយចេតនាប្រើប្រាស់អាវុធបាញ់បណ្តាលឱ្យមានរបួសកើតមានចំនួន០១លើក(កាំភ្លើងម៉ាកកា៥៩(K59) -ឃាត់ខ្លួនចំនួន៧នាក់ រងរបួសធ្ងន់-ស្រាលចំនួន៥នាក់ និងធ្វើការដកហូតវត្ថុតាង÷អាវុធខ្លីចំនួន១ដើម អ្នកបង្កហេតុជាមន្ត្រីយោធា ឈ្មោះ(អនុសេនីយ៍ឯក កង វិឈិន) នៅ{អង្គភាពអគ្គបញ្ជាការទីចាត់ការព្រំដែន}បណ្ដាលឲ្យជនរងគ្រោះត្រូវប្រអប់ជើង(បាញ់ចំនួន០២គ្រាប់)។
ទី៤-ករណីក្មេងទំនើងបង្ហោះម៉ូតូកើតមានឡើងចំនួនចំនួន០២លើក ធ្វើការឃាត់ខ្លួនបានចំនួន៦នាក់ ដកហូតម៉ូតូចំនួន០៣គ្រឿង។ និងទី៥-ករណីអគ្គិភ័យឆេះផ្ទះចំនួន០១លើក ឆេះផ្ទះដែលមាន(ទំហំ១៥ម៉ែត្រគុណនឹង ២២ម៉ែត្រ) រងការខូចខាតសម្ភារក្នុងផ្ទះមួយចំនួនច្រើន។
មូលហេតុដែលឆេះនោះ គឺបណ្ដាលមកពីម្ចាស់ផ្ទះដុតសំរាមក្បែរគុម្ពប្ញស្សី ហើយក៏បានឆេះរាលដាលដល់ផ្ទះខ្លួនឯង បណ្ដាលឲ្យឆេះសន្ធោសន្ធៅបង្កឲ្យមានការភ្ញាក់ផ្អើលដល់សមត្ថកិច្ចជួយយករថយន្តពន្លត់អគ្គីភ័យបាញ់ពន្លត់មិនឲ្យឆេះរាលដាលដល់ផ្ទះអ្នកជិតខាងទៀតទេទើបរលត់ជាស្ថាពរ ៕
ចែករំលែកព័តមាននេះ