ទីក្រុងហ្សេរុយសាឡិម៖ រដ្ឋមន្ត្រីការពារជាតិអ៊ីស្រាអែល លោក Israel Katz បានប្រកាសយ៉ាងដាច់អហង្ការនៅថ្ងៃសុក្រនេះថា កងកម្លាំងយោធាអ៊ីស្រាអែលនឹងបន្តកាន់កាប់គ្រប់តំបន់ទាំងអស់ដែលពួកគេបាន “បោសសម្អាត និងដណ្ដើមបាន” នៅក្នុងទឹកដីលីបង់ ដោយមិនមានការដកថយឡើយ។ នេះបើយោងតាមសារព័ត៌មាន Xinhua ចុះផ្សាយនៅថ្ងៃទី១៧ ខែមេសានេះ។

ទោះបីជាកិច្ចព្រមព្រៀងឈប់បាញ់ទើបតែបានចាប់ផ្ដើមអនុវត្តក៏ដោយ ក៏លោក Katz បានសង្កត់ធ្ងន់នៅក្នុងសេចក្តីថ្លែងការណ៍ថា ប្រតិបត្តិការយោធាប្រឆាំងនឹងក្រុម Hezbollah មិនទាន់ត្រូវបានបញ្ចប់ជាស្ថាពរនោះទេ ដែលការណ៍នេះបង្ហាញឱ្យឃើញថា ស្ថានការណ៍សន្តិសុខនៅតាមព្រំដែននៅតែស្ថិតក្នុងភាពប្រុងប្រយ័ត្នខ្ពស់ និងអាចប្រែប្រួលគ្រប់វិនាទី៕