រាជធានីភ្នំពេញ ៖ លោកជិន ប៊ុនធឿន ប្រធាន គណៈបញ្ជាការឯកភាពខណ្ឌឬស្សីកែវក៍បានអំពាវនាវអោយបងប្អូនប្រជាពលរដ្ឋ ក្នុងមូលដ្ឋានខណ្ឌទាំងអស់ មេត្តាប្រុងប្រយ័ត្នខ្ពស់ចំពោះប្រភពភ្លើង និងអគ្គិសនី ដោយត្រូវបិទកុងតាក់…
រាជធានីភ្នំពេញ ៖ លោកជិន ប៊ុនធឿន ប្រធាន គណៈបញ្ជាការឯកភាពខណ្ឌឬស្សីកែវក៍បានអំពាវនាវអោយបងប្អូនប្រជាពលរដ្ឋ ក្នុងមូលដ្ឋានខណ្ឌទាំងអស់ មេត្តាប្រុងប្រយ័ត្នខ្ពស់ចំពោះប្រភពភ្លើង និងអគ្គិសនី ដោយត្រូវបិទកុងតាក់ ហ្គាស និងដកឌុយភ្លើងមុនចេញពីផ្ទះ, មិនត្រូវទុកវត្ថុងាយឆេះក្បែរភ្លើង និងត្រូវមានបំពាក់ឧបករណ៍ពន្លត់អគ្គិភ័យ (បំពង់ពន្លត់ភ្លើង)នៅក្នុងផ្ទះព្រម ទាំងត្រួតពិនិត្យខ្សែភ្លើងជាប្រចាំ និងជៀសវាងការដុតសំរាម ឬស្មៅនៅក្បែរលំនៅដ្ឋានដោយគ្មានការអនុញ្ញាតិជាហេតុនាំឲ្យកើតមានអគ្គិភ័យ។
ការអំពាវនាវរបស់អាជ្ញាធរនេះត្រូវគេដឹងថា បន្ទាប់ពីនៅមូលដ្ឋានខណ្ឌឬស្សី កែវប៉ុន្មានថ្ងៃនេះភ្លើងបានឆាបឆេះជាបន្តបន្ទាប់។
លោកជិន ប៊ុនធឿន បានឲ្យដឹងទៀតថា វិធានការសំខាន់ៗដើម្បីការពារអគ្គីភ័យ៖
-សុវត្ថិភាពអគ្គិសនី÷ ពិនិត្យបណ្តាញខ្សែភ្លើងកុំឱ្យមានការកកិត ឬចាស់ជរា និងកុំប្រើប្រាស់ឧបករណ៍អគ្គិសនីច្រើនពេកលើព្រីតែមួយ។,-ការប្រើប្រាស់ហ្គាស និងភ្លើងចង្ក្រាន÷ ត្រូវបិទវ៉ាល់ហ្គាសឱ្យជិតបន្ទាប់ពីប្រើប្រាស់រួច និងមិនត្រូវទុកចង្ក្រានចោលដោយគ្មានមនុស្សមើល។,-ការទុកដាក់វត្ថុងាយឆេះ÷ កុំដាក់សាំង ប្រេង ហ្គាស ឬក្រដាសនៅជិតប្រភពភ្លើង។,
-ការដុតភ្លើង÷ជៀសវាងដុតសំរាម ឬស្មៅនៅរដូវប្រាំង។,-ឧបករណ៍សង្គ្រោះបឋម÷ គួរមាន បំពង់ពន្លត់អគ្គិភ័យចល័ត និងធុងទឹក/ខ្សាច់ទុកក្នុងផ្ទះ,។-ការរៀបចំផ្ទះ÷រៀបចំផ្ទះឱ្យមានរបៀបរៀបរយ ផ្លូវចេញចូលងាយស្រួល និងបង្រៀនសមាជិកគ្រួសារពីរបៀបគេចខ្លួនក្នុងករណីមានគ្រោះអគ្គីភ័យកើតឡើង។
លោកអភិបាលខណ្ឌ ក៍បានបញ្ជាក់ថា ប្រសិនបើមានអគ្គីភ័យកើតឡើង ត្រូវទូរស័ព្ទទៅលេខ ១១៧ ឬ ៦៦៦ របស់នគរបាលពន្លត់អគ្គិភ័យជាបន្ទាន់ ឬទាក់ទងមកអាជ្ញាធរមូលដ្ឋានដែលនៅជិតបំផុត ដើម្បីធ្វើការអន្តរាគមន៍ជួយបានទាន់ពេលវេលា៕
ចែករំលែកព័តមាននេះ