រាជធានីភ្នំពេញ ៖ ទូកស្មាច់ដឹកអ្នកមកលេងនៅរមណីយដ្ឋានកោះដាច់ បានលិចនៅកណ្ដាលទន្លេមេគង្គ បណ្ដាឲ្យស្លាប់បាត់បង់ជីវិត ២នាក់ លិចបាត់ខ្លួនចំនួន៦នាក់ និងជួយសង្គ្រោះបាន៥នាក់ ។ ហេតុការណ៍គ្រោះថ្នាក់នេះបានកើតឡើងនៅវេលាម៉ោង១០និង៣០នាទីព្រឹកថ្ងៃទី២៣…
រាជធានីភ្នំពេញ ៖ ទូកស្មាច់ដឹកអ្នកមកលេងនៅរមណីយដ្ឋានកោះដាច់ បានលិចនៅកណ្ដាលទន្លេមេគង្គ បណ្ដាឲ្យស្លាប់បាត់បង់ជីវិត ២នាក់ លិចបាត់ខ្លួនចំនួន៦នាក់ និងជួយសង្គ្រោះបាន៥នាក់ ។
ហេតុការណ៍គ្រោះថ្នាក់នេះបានកើតឡើងនៅវេលាម៉ោង១០និង៣០នាទីព្រឹកថ្ងៃទី២៣ ខែមិនា ឆ្នាំ២០២៦នៅទន្លេគង្គក្នុងឃុំពុកឬស្សី ស្រុកខ្សាច់កណ្តាល ខេត្តកណ្ដាល។
តាមនគរបាលមូលដ្ឋានសង្កាត់កោះដាច់បានឲ្យដឹងថា ជនរងគ្រោះចំនួន ៥នាក់ត្រូវបានសមត្ថកិច្ចជួយស្រង់ សង្គ្រោះនិងរកឃើញសាកសពចំនួន២នាក់។ដោយឡែកបានលិចបាត់ចំនួន៦នាក់សមត្ថកិច្ចកំពុងតែបន្តរុករក។
តាមព័ត៌មានបានឲ្យដឹងទៀតថា មួយព្រឹកថ្ងៃកើតហេតុ ជនរងគ្រោះប្រុសស្រីសរុបចំនួន១៣នាក់ (ប្រុស៥នាក់ ស្រី៨នាក់) បានធ្វើដំណើរដោយជិះទូកស្មាច់ចេញពីស្រុកខ្សាច់កណ្ដាលមកលេងរមណីយដ្ឋានកោះដាច់ ។ នៅលើទូកមានអ្នកដំណើររួមនឹងអ្នកបើកបរចំនួន១៤នាក់ ។
តាមព័ត៌មានបានឲ្យដឹងទៀតថា នៅពេលធ្វើដំណើរចេញបានបន្តិចជិតដល់កណ្ដាលទន្លេស្រាប់តែទូកបានលិច ។ ភ្លាមៗនោះនគរបាល មូលដ្ឋានសង្កាត់កោះដាច់និងនគរបាលស្រុកខ្សាច់កណ្ដាលបាននាំគ្នាជួយស្រង់សង្គ្រោះរួចបញ្ជូនមកច្រាំងទន្លេនៅក្បាលកោះដាច់។
តាមនគរបាលបានអោយដឹងថា នៅក្នុងហេតុការណ៍នោះ សមត្ថកិច្ចបានជួយស្រង់សង្គ្រោះបានចំនួន ៦ នាក់ និងរកឃើញសពចំនួន២នាក់សុទ្ធតែជាមនុស្សស្រី និងលិចបាត់ខ្លួនចំនួន៦នាក់ ៕
ចែករំលែកព័តមាននេះ