រាជធានីភ្នំពេញ ៖ ប្រជាពលរដ្ឋចំនួនជិត១២ម៉ឺននាក់ បានធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញ ដោយឥតគិតថ្លៃ ដើម្បីទៅលេងស្រុកកំណើត និងនៅរាជធានីភ្នំពេញ ក្នុងឱកាសបុណ្យចូលឆ្នាំថ្មីប្រពៃណីជាតិ ក្នុងរយៈពេល៦ថ្ងៃ ពោលគឺចាប់ពីថ្ងៃទី១២…
រាជធានីភ្នំពេញ ៖ ប្រជាពលរដ្ឋចំនួនជិត១២ម៉ឺននាក់ បានធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញ ដោយឥតគិតថ្លៃ ដើម្បីទៅលេងស្រុកកំណើត និងនៅរាជធានីភ្នំពេញ ក្នុងឱកាសបុណ្យចូលឆ្នាំថ្មីប្រពៃណីជាតិ ក្នុងរយៈពេល៦ថ្ងៃ ពោលគឺចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៦ ។ នេះបើតាមការបញ្ជាក់របស់លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញ ។
លោកស្រី ដោ សម្ផស្ស បានឲ្យដឹងនៅថ្ងៃទី១៨ ខែមេសា ឆ្នាំ២០២៦ ថា តួលេខនេះ បានមានចំនួនកើនឡើងប្រមាណ៣៩% បើប្រៀបធៀបជាមួយនឹងឆ្នាំ២០២៥ ។ លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញ គួរជម្រាបជូនថា ក្នុងឱកាសពិធីបុណ្យចូលឆ្នាំខ្មែរ រដ្ឋបាលរាជធានីភ្នំពេញ បានបញ្ចេញរថយន្តក្រុងប្រមាណ៦០០គ្រឿង ប្រតិបត្តិការដឹកជញ្ជូនប្រជាពលរដ្ឋទៅកាន់ស្រុកកំណើត នៅតាមបណ្តាខេត្ត និងនៅក្នុងរាជធានីភ្នំពេញ ដោយឥតគិតថ្លៃ ។
ក្នុងចំណោមរថយន្តក្រុងចំនួន៦០០គ្រឿងនេះ គឺអាជ្ញាធរបានប្រើសម្រាប់សេវាដឹកជញ្ជូនប្រជាពលរដ្ឋតាមតម្រាយខ្សែរត់នៅក្នុងរាជធានីភ្នំពេញចំនួន១០០គ្រឿង និងសម្រាប់សេវាដឹកជញ្ជូនប្រជាពលរដ្ឋ ធ្វើដំណើរពីរាជធានីភ្នំពេញទៅស្រុកកំណើតតាមបណ្តាខេត្ត និងពីបណ្តាខេត្តត្រលប់មករាជធានីភ្នំពេញវិញចំនួន៥០០គ្រឿង ។
នៅរៀងរាល់អំឡុងពេលចូលឆ្នាំខ្មែរ និងភ្ជុំបិណ្ឌម្តងៗ រដ្ឋបាលរាជធានីភ្នំពេញតែងតែបញ្ចេញរថយន្តក្រុងសាធារណៈដឹកពលរដ្ឋ ទៅកាន់ស្រុកកំណើតដោយឥតគិតថ្លៃ គឺដើម្បីជួយពលរដ្ឋសន្សំថវិកាលើចំណាយធ្វើដំណើរទៅស្រុកកំណើត ៕
ចែករំលែកព័តមាននេះ