ខេត្តបន្ទាយមានជ័យ ៖ កម្លាំងនគរបាលឃាត់ខ្លួនជនសង្ស័យ១០នាក់ ពីបទជួញដូរ និងប្រើប្រាស់គ្រឿងញៀនជាង២០ថង់ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី១៥ ខែឧសភា ឆ្នាំ២០២៦ ។…
ខេត្តបន្ទាយមានជ័យ ៖ កម្លាំងនគរបាលឃាត់ខ្លួនជនសង្ស័យ១០នាក់ ពីបទជួញដូរ និងប្រើប្រាស់គ្រឿងញៀនជាង២០ថង់ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី១៥ ខែឧសភា ឆ្នាំ២០២៦ ។
លោកឧត្តមសេនីយ៍ត្រី ធិន ស៊ីនដេត ស្នងការរងទទួលការងារប្រឆាំងបទល្មើសគ្រឿងញៀនខេត្តបន្ទាយមានជ័យបានប្រាប់ថា ជាការណែនាំពីលោកឧត្តមសេនីយ៍ត្រី សឿម សារិទ្ធ ស្នងការ
នគរបាលខេត្តបន្ទាយមានជ័យ ដើម្បីលុបបំបាត់បទល្មើសគ្រឿងញៀន កម្លាំងជំនាញបានបើកការស្រាវជ្រាវ និងកំណត់មុខសញ្ញាបង្ក្រាបបទល្មើសគ្រឿងញៀនជាបន្តបន្ទាប់បាន២ករណី ឃាត់ខ្លួនជនសង្ស័យ១០នាក់ ។
លោកបានបញ្ជាក់ថា កម្លាំងជំនាញបានដកហូតវត្ថុតាងគ្រឿងញៀនចំនួន២៤ថង់ មានថ្នាំកញ្ចប់ពណ៌ខៀវរូបសេះចំនួន៦ថង់ ថ្នាំរូបនាគពណ៌មាសចំនួន១កញ្ចប់ ថ្នាំពណ៌ខ្មៅចំនួន១ថង់ ថ្នាំពណ៌ផ្កាឈូកចំនួន៦៥គ្រាប់ ម្សៅក្រាមសថ្លាចំនួន១៧ថង់ ថ្នាំគ្រាប់ពណ៌ក្រហមចំនួន៥គ្រាប់ និងជញ្ជីងថ្លឹងគ្រឿងញៀន១គ្រឿង ដែលបង្ក្រាបកាលពីថ្ងៃទី១៣ ខែឧសភា ឆ្នាំ២០២៦ នៅភូមិសាស្គ្រក្រុងប៉ោយប៉ែត ។
លោកឧត្តមសេនីយ៍ត្រី ធិន ស៊ីនដេត បានបញ្ជាក់ថា ក្រោយឃាត់ខ្លួនជនសង្ស័យចំនួន១០នាក់និងដកហូតវត្ថុតាងគ្រឿងញៀន ត្រូវបាននាំយកសាកសួរនៅការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តបន្ទាយមានជ័យហើយអនុវត្តន៍តាមនីតិវិធីបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ ៕
ចែករំលែកព័តមាននេះ