ខេត្តស្វាយរៀង ៖ បុណ្យចូលឆ្នាំថ្មី ប្រពៃណីជាតិខ្មែរ រយៈពេល០៣ថ្ងៃ ខេត្តស្វាយរៀង មានភ្ញៀវទេសចរ និងប្រជាពលរដ្ឋមកលេងកម្សាន្ត តាមគោលដៅទេសចរសំខាន់ៗក្នុងកម្មវិធីសង្ក្រាន្តនានា ក្នុងខេត្តស្វាយរៀង…
ខេត្តស្វាយរៀង ៖ បុណ្យចូលឆ្នាំថ្មី ប្រពៃណីជាតិខ្មែរ រយៈពេល០៣ថ្ងៃ ខេត្តស្វាយរៀង មានភ្ញៀវទេសចរ និងប្រជាពលរដ្ឋមកលេងកម្សាន្ត តាមគោលដៅទេសចរសំខាន់ៗក្នុងកម្មវិធីសង្ក្រាន្តនានា ក្នុងខេត្តស្វាយរៀង មានចំនួន ៤០៧,៩៦៩នាក់ ក្នុងនោះ ក៏មានភ្ញៀវបរទេសមួយចំនួនផងដែរ ។
យោងតាមមន្ទីរទេសចរណ៍ខេត្តស្វាយរៀង បានបញ្ជាក់ថា ក្នុងឱកាសពិធីសង្ក្រាន្តចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស ២៥៧០ គ.ស ២០២៦ គឺក្នុងថ្ងៃចូលឆ្នាំទី១(ថ្ងៃទី១៤ ខែមេសា ឆ្នាំ២០២៦) ចំនួនភ្ញៀវទេសចរ និងប្រជាពលរដ្ឋមកលេងកម្សាន្តនៅតាមគោលដៅទេសចរណ៍សំខាន់ៗ និងកម្មវិធីសង្ក្រាន្តនានាក្នុងខេត្តស្វាយរៀង មានចំនួនសរុបប្រមាណ១០០,៨៣៩នាក់ ក្នុងនោះបរទេសចំនួន៨៥នាក់ ។
មន្ទីរទេសចរណ៍ខេត្តស្វាយរៀង បានឲ្យដឹងទៀតថា នៅថ្ងៃទី២ ថ្ងៃទី១៥ ខែមេសា ឆ្នាំ២០២៦ មានភ្ញៀវទេសចរ និងប្រជាពលរដ្ឋមកលេងកម្សាន្តនៅតាមគោលដៅទេសចមេរណ៍សំខាន់ៗ និងកម្មវិធីសង្ក្រាន្តនានាក្នុងខេត្តស្វាយរៀង មានចំនួនសរុបប្រមាណ១២០,៥៤០នាក់ ក្នុងនោះ បរទេសចំនួន២៥០នាក់។
សម្រាប់ថ្ងៃទី១៦ ខែមេសា ឆ្នាំ២០២៦ដែលជាថ្ងៃចុងក្រោយ នៃពិធីបុណ្យចូលឆ្នាំថ្មីប្រពៃណីជាតិខ្មែរ ចំនួនភ្ញៀវទេសចរ និងប្រជាពលរដ្ឋមកលេងកម្សាន្ត នៅតាមគោលដៅទេសចរសំខាន់ៗ និងកម្មវិធីសង្ក្រាន្តនានាក្នុងខេត្តស្វាយរៀង មានចំនួនសរុបប្រមាណ ១៨៦,៥៩០នាក់ ក្នុងនោះ បរទេសចំនួន៣៩០នាក់។ហើយនៅតាមវត្តអារាមទូទាំងខេត្តស្វាយរៀងមានប្រជាពុទ្ធបរិសទ័ជាច្រើនអញ្ជើញទៅវត្តយកចង្ហាន់និងទេយ្យទានទៅប្រគេនព្រះសង្ឃនិងសមាទានសិល ប័ង្សុកូលឧទ្ទឹសជូនបុព្វការីជននិងវរៈកងទ័ពដែលបានពលីជីវិតក្នុងសមរភូមិដើម្បីការពារជាតិមាតុភូមិគ្រប់ជំនាន់ ៕
ចែករំលែកព័តមាននេះ