រាជធានីភ្នំពេញ ៖ ករណីផ្ទះពីរល្វែងរបស់ថៅកែធ្វើនំខេក យីហោ អេចអ័រ២ នៅឬស្សីកែវ ត្រូវបានអគ្គីភ័យឆាបឆេះយ៉ាងសន្ធោសន្ធៅអស់រយៈពេលជាច្រើនម៉ោង បណ្ដាឲ្យភរិយា ព្រមទាំងកូនប្រុស ស្រីពីរនាក់និងបុគ្គលិក១នាក់…
រាជធានីភ្នំពេញ ៖ ករណីផ្ទះពីរល្វែងរបស់ថៅកែធ្វើនំខេក យីហោ អេចអ័រ២ នៅឬស្សីកែវ ត្រូវបានអគ្គីភ័យឆាបឆេះយ៉ាងសន្ធោសន្ធៅអស់រយៈពេលជាច្រើនម៉ោង បណ្ដាឲ្យភរិយា ព្រមទាំងកូនប្រុស ស្រីពីរនាក់និងបុគ្គលិក១នាក់ សរុបទាំងអស់៤នាក់ជាប់ក្នុងផ្ទៈបានស្លាប់បាត់បង់ជីវិតយ៉ាងអាណោចអធម៌។ គួររំលឹកថាឆេះផ្ទះស្តុកសំភារៈធ្វើនំខេក នៅឫស្សីកែវ យប់មិញ សមត្ថកិច្ចសន្និដ្ឋានបឋមអាចមានអ្នកស្លា.ប់ និងរបួ.សច្រើននាក់
ហេតុការណ៍នេះបានកើតឡើងនៅវេលាម៉ោង ១០និង២០នាទីយប់ ថ្ងៃទី១៩ ខែកុម្ភៈ ឆ្នាំ២០២៦ នៅចំណុចផ្ទះលេខ 8D-9D ផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ។
ជនរងគ្រោះទាំង៤នាក់ដែលបានស្លាប់បាត់បង់ជីវិតក្នុងករណីខាងលើរួមមាន ១-ឈ្មោះ ហូ ម៉ារ៉ា ភេទស្រី អាយុ ៣៧ឆ្នាំ ម្ចាស់ហាងនំខេក ២-ឈ្មោះ ហេន សុខហេង ភេទប្រុស អាយុ៨ឆ្នាំ ត្រូវជាកូន ៣-ឈ្មោះ ហេន ស្រីពេជ្រ ភេទស្រី អាយុ៤ឆ្នាំ ត្រូវជាកូន និង៤-ឈ្មោះភ័ក្រ ស្រីកា ភេទស្រី អាយុ១៤ឆ្នាំ ជាបុគ្គលិក មានទីលំនៅ ឃុំរការប្រាំ ខេត្ត ត្បូងឃ្មុំ ។
តាមសាក្សីបានឲ្យដឹងថា នៅមុនពេលកើតហេតុ គេឃើញភ្លើងបានឆាបឆេះយ៉ាងសន្ធោសន្ធៅនៅចំណុចផ្ទះ ២ល្វែងនៅជាប់គ្នាយ៉ាងសន្ធោសន្ធៅ និងបុគ្គលិកហាងនំខេកខាងលើជាច្រើននាក់នៅជាន់លើ បានស្រែកឲ្យសមត្ថកិច្ចជួយ ។ នៅក្នុងហេតុការណ៍នោះដែរអាជ្ញាធរនិងសមត្ថកិច្ចបានទាក់ទងហៅរថយន្តពន្លត់អគ្គីភ័យជាច្រើនគ្រឿងទៅអន្តរាគមន៍បាញ់ពន្លត់និងជួយសង្គ្រោះជនរងគ្រោះ ។ ខណៈនោះដែរគេឃើញវត្តមានលោកជិន ប៊ុនធឿន អភិបាលខណ្ឌឬស្សីកែវ ក៏បានដឹកនាំកម្លាំង និងចេញរថយន្តពន្លត់អគ្គីភ័យចុះទៅជួយអន្តរាគមន៍ផងដែរ។
តាមនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នោះរថយន្តពន្លត់អគ្គីភ័យចំនួន ២៩ គ្រឿងបានចុះទៅជួយអន្តរាគមន៍បាញ់ពន្លត់ ក្នុងនោះរថយន្តការិយាល័យអគ្គិភ័យ ចំនួន ២២គ្រឿង ប្រើប្រាស់ទឹកអស់ចំនួន ១៧៦ឡាន ស្មើនឹង ១០៥៦ម៉ែត្រគូប ,រថយន្តជំនួយ: រថយន្តក្រសួងមហាផ្ទៃ ចំនួន០៣គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប,រថយន្តសាលាខណ្ឌឬស្សីកែវ ចំនួន០៣គ្រឿង ប្រេីប្រាស់ទឹកអស់ចំនួន០៤ឡាន ស្មើនឹង១៦ម៉ែត្រគូបនិងរថយន្តក្រុមហ៊ុនស្រាបៀរកម្ពុជាចំនួន០១គ្រឿង ប្រេីប្រាស់ទឹកអស់០២ឡាន ស្មើនឹង១២ម៉ែត្រគូបហើយភ្លើងបានរលត់ទៅវិញនៅវេលាម៉ោ ២និង០០នាទីយប់រំលងអាធ្រាតឈានចូលថ្ងៃទី២០ ខែឆ្នាំដដែល។
តាមនគរបាលការិយាល័យបង្កាបពន្លត់អគ្គីភ័យនិងសង្គ្រោះបានឲ្យដឹងទៀតថា អគ្គីភ័យនេះបណ្ដាលឲ្យផ្ទះ៣ ល្វែងបានរងការខូចខាត ក្នុងនោះផ្ទះល្វែង ២ល្វែង ថ្មបេតុង ម្ចាស់ឈ្មោះ: សន សុខឃីម ភេទប្រុស អាយុ៣៨ឆ្នាំ ជនជាតិ ខ្មែរ មុខរបរ: លក់នំខេក ត្រូវបានភ្លើងឆាប់ឆេះរងការខូចខាតទាំងស្រុងនិងឆេះរាលដាលទៅផ្ទះមួយល្វែងទៀតនៅជាប់នោះ។
តាមនគរបាលបានអោយដឹងទៀតថានៅក្នុងហេតុការណ៍នោះបណ្ដាឲ្យមនុស្សចំនួន៤ នាក់បានស្លាប់និងរបួសមនុស្ស ចំនួន០៥នាក់ (ស្រី០១នាក់រងរបួសធ្ងន់, ប្រុស០៣នាក់ ជាក្រុមជំនួយស្ម័គ្រចិត្ត)។ ទោះបីជាយ៉ាងណាគេពុំទាន់ដឹងពីមូលហេតុអ្វីឡើយ។
បើតាមម្ចាស់ផ្ទះមានការសង្ស័យថា បណ្ដាលមកពីឆ្លងចរន្ត ទុស្សេខ្សែភ្លើង ឆាបឆេះនៅជាន់ក្រោមហើយឆេះរាលដាលទៅគ្រឿងដេគ័រនំខេកយ៉ាងឆាប់រហ័ស។
គួរបញ្ជាក់ថា ផ្ទះដែលកើតមានអគ្គិភ័យជាផ្ទះ២ល្វែង ជាប់គ្នាដែលថៅកែនំអេចអ័រ២ជួលស្នាក់នៅជាន់ខាងលើអោយបុគ្គលិកស្នាក់នៅប្រមាណ២០នាក់និងជាន់ឡៅតឿថៅកែស្នាក់នៅ ។ ដោយឡែកនៅជាន់ក្រោមទុកសុទ្ធតែគ្រឿងដេគ័រនំខេកដែលងាយនឹងឆាបឆេះ ។ ចំណែកខាងកើតម្ចាស់បានជួលទីតាំងដើម្បីផលិតំខេកពុំត្រូវភ្លើងឆេះនោះទេ។
នៅព្រឹកនេះដែលលោកជិន ប៊ុនធឿន អភិបាលរងខណ្ឌឬស្សីកែវព្រមទាំងលោកមូល វីរៈ ចៅសង្កាត់ក៍បាននាំបច្ច័យមួយចំនួនទៅចូលរូមរំលែកទុក្ខផងដែរ ៕
ចែករំលែកព័តមាននេះ