ទីក្រុងតេអេរ៉ង់៖ ប្រទេសអ៊ីរ៉ង់ និងអូម៉ង់កំពុងរៀបចំច្បាប់លក្ខន្តិកៈថ្មីមួយដើម្បីមើលការខុសត្រូវលើច្រកសមុទ្រហ័រម៉ូស។ ខាងលើនេះជាការអះអាងរបស់មន្ត្រីជាន់ខ្ពស់ម្នាក់។ អនុរដ្ឋមន្ត្រីការបរទេសអ៊ីរ៉ង់ លោកកាហ្សេម ហ្ការីបាបាឌី (Kazem Gharibabadi) ដែលទទួលបន្ទុកខាងវិស័យច្បាប់…
ទីក្រុងតេអេរ៉ង់៖ ប្រទេសអ៊ីរ៉ង់ និងអូម៉ង់កំពុងរៀបចំច្បាប់លក្ខន្តិកៈថ្មីមួយដើម្បីមើលការខុសត្រូវលើច្រកសមុទ្រហ័រម៉ូស។ ខាងលើនេះជាការអះអាងរបស់មន្ត្រីជាន់ខ្ពស់ម្នាក់។ អនុរដ្ឋមន្ត្រីការបរទេសអ៊ីរ៉ង់ លោកកាហ្សេម ហ្ការីបាបាឌី (Kazem Gharibabadi) ដែលទទួលបន្ទុកខាងវិស័យច្បាប់ និងកិច្ចការបរទេសថ្លែងថាយើងកំពុងរៀបចំពិធីសារមួយដើម្បីឱ្យអ៊ីរ៉ង់ និងអូម៉ង់គ្រប់គ្រងច្រកចេញចូលហ័សម៉ូស។
លោកថ្លែងថាការធ្វើចលនារបស់កប៉ាល់ត្រូវបានសម្របសម្រួលនៅពេលមានសន្តិភាពដោយអ៊ីរ៉ង់ និងអូម៉ង់ដែលជាប្រទេសជាប់មាត់សមុទ្រ។ សេចក្ដីតម្រូវនេះមិនមែនមានន័យថាជាការដាក់កំហិតទេ។ ប៉ុន្តែជាការដាក់គោលដៅជួយសម្រួល និងជួយធានាការបើកកប៉ាល់ឆ្លងកាត់ច្រកនេះដោយសុវត្ថិភាព ហើយនឹងផ្ដល់សេវាកាន់តែប្រសើរសម្រាប់កប៉ាល់។
ការដឹកជញ្ជូនកាត់ច្រកហ័រម៉ូសថយចុះខ្លាំងបំផុតចាប់តាំងពីអាមេរិក និងអ៊ីស្រាអែលវាយប្រហារអ៊ីរ៉ង់។ ហេតុនេះប្រទេសខ្លះដែលកំពុងទ័លច្រកខ្លាំងគិតរកផ្លូវទឹក និងផ្លូវគោកផ្សេងដើម្បីដឹកជញ្ជូន។ កាលពីមិនទាន់មានបញ្ហា ប្រេងប្រហែលម្ភៃលានបារ៉ែលដឹកកាត់ច្រកសមុទ្រនេះជារៀងរាល់ថ្ងៃ។ ហេតុនេះការបិទខ្ទប់ច្រកសមុទ្រនេះជិតឈឹងដូចសព្វថ្ងៃធ្វើឱ្យតម្លៃប្រេង និងហ្គាសចេះតែហក់ឡើងខ្ពស់ពីមួយថ្ងៃទៅមួយថ្ងៃ។
ទោះបីពិភពលោកទទួលស្គាល់ទាំងអស់គ្នាថាច្រកសមុទ្រនេះបិទស្ទើរតែជិតឈឹងក៏ដោយ ក៏មន្ត្រីអ៊ីរ៉ង់រូបនេះនៅតែអះអាងថាច្រកនេះបើកដំណើរយ៉ាងទូលាយ ហើយការដឹកជញ្ជូនឆ្លងកាត់ទីនេះប្រព្រឹត្តទៅដោយរលូន។ លោកថានៅពេលយើងទទួលរងអំពើឈ្លានពាន ការធ្វើដំណើររបស់កប៉ាល់ត្រូវរងការរំខានខ្លាំងបន្តិចហើយ។ នៅពេលនេះយើងកំពុងស្ថិតនៅក្នុងស្ថានភាពសង្គ្រាម។ ហេតុដូច្នេះ ស្ថានភាពនៅក្នុងពេលមានសង្គ្រាមមិនអាចគ្រប់គ្រងដោយច្បាប់ដូចសម័យសន្តិភាពនោះទេ៕ ប្រភពអាល់ចាស៊ីរ៉ា
ចែករំលែកព័តមាននេះ