ខេត្តស្វាយរៀង ៖ ថៅកែកាស៊ីណូមួយកន្លែងដែលមានស្លាក យីហោ ស៊ីភីស៊ី(CPC)បើកសង្វៀនបញ្ជល់មាន់ផ្គើនប្រមុខរាជរដ្ឋាភិបាល ហើយអោយ ប្រជាពលរដ្ឋ ខ្មែរ ចូលលេងភ្នាល់ដាក់ប្រាក់ចាញ់រាប់លាន និងជនជាតិវៀតណាម…
ខេត្តស្វាយរៀង ៖ ថៅកែកាស៊ីណូមួយកន្លែងដែលមានស្លាក យីហោ ស៊ីភីស៊ី(CPC)បើកសង្វៀនបញ្ជល់មាន់ផ្គើនប្រមុខរាជរដ្ឋាភិបាល ហើយអោយ ប្រជាពលរដ្ឋ ខ្មែរ ចូលលេងភ្នាល់ដាក់ប្រាក់ចាញ់រាប់លាន និងជនជាតិវៀតណាម ខ្លះមានប៉ាស្ព័រ ខ្លះទៀតពុំមានប៉ាស្ព័រ បានឆ្លងដែនចេញចូលលេងល្បែងស៊ីសងខុសច្បាប់យ៉ាងគគ្រឹកគគ្រេង ចំណែកអាជ្ញាធរ និងសមត្ថកិច្ចមូលដ្ឋានមិនទាន់ចាតវិធានការបង្ក្រាបនោះទេ នាំគ្នារក្សាភាពស្ងៀមស្ងាត់ ។ ករណីនេះបានកើតឡើងនៅវេលាម៉ោង១១និង០០នាទីព្រឹករហូតដល់ម៉ោង៥និង០០នាទីល្ងាចថ្ងៃទី២ មេសា ឆ្នាំ២០២៦ នៅទល់មុខប៉ុស្តិ៍ច្រកទ្វារព្រំដែនទ្វេភាគីសំរោង ស្ថិតនៅភូមិចេក ឃុំសំរោង ស្រុកចន្ទ្រា។
បើតាមប្រភពពីប្រជាពលរដ្ឋរស់នៅក្នុងភូមិចេក ឃុំសំរោង បានឲ្យដឹងថា កាស៊ីណូមួយកន្លែងដែលមានស្លាកយីហោស៊ីភីស៊ី(CPC) កំពុងបើកឲ្យប្រជាពលរដ្ឋខ្មែរ និងជនជាតិវៀតណាមឆ្លងដែន ខ្លះ មានប៉ាស្ព័រ ខ្លះទៀតពុំមានប៉ាស្ព័រចេញចូលលេងល្បែង ដោយសេរីចាក់ភ្នាល់ដាក់លុយស៊ីសងខុសច្បាប់ ជល់មាន់ បៀរ អាប៉ោង យូគីយ៉ាងគគ្រឹកគគ្រេង អាជ្ញាធរ និងសមត្ថកិច្ច មូលដ្ឋាន ស្រុក . ខេត្ត មិនហ៊ានធ្វើការទប់ស្កាត់ និងបង្ក្រាបនោះទេ បែរជានាំគ្នាបំភ្លេច គោលនយោបាយភូមិ ឃុំ សង្កាត់មានសុវត្ថិភាព៧ចំណុច ដែលរាជរដ្ឋាភិបាលបានដាក់ចេញ ដោយក្រសួងមហាផ្ទៃហាមជនជាតិខ្មែរចូលលេង។
ប្រភពបន្តថា អាជ្ញាធរថ្នាក់ ឃុំ និងសមត្ថកិច្ច ថ្នាក់ស្រុក មិនគួរបណ្តែតបណ្តោយឲ្យបុគ្គលជាម្ចាស់កា ស៊ីណូ ស៊ីភីស៊ី(CPC) បើកអោយក្រុមញៀនល្បែង ជាពលរដ្ឋខ្មែរចូលលេងល្បែង គឺជល់មាន់បៀរ អាប៉ោង និងល្បែងផ្សេងៗជាច្រើន ប្រភេទទៀតយ៉ាងគគ្រឹកគគ្រេងដូច្នេះទេ ធ្វើអោយប្រជាពលរដ្ឋ ដែលរស់នៅក្បែរទីតាំងនោះមានការព្រួយបារម្ភភ័យខ្លាច បញ្ហាអសន្តិសុខសង្គម និងអំពើចោរកម្ម ចោរលួច ចោរឆក់ ចោរប្លន់ ចោរគាស់ ផ្ទះប្រើអំពើហិង្សាក្នុងគ្រួសារ ជាដើម ចមចេញពីល្បែងស៊ីសង នេះ ដោយសារចាញ់ល្បែង ។
ទាក់ទិននឹងករណីខាងលើនេះដែរកោះសន្តិភាពបានព្យាយាមទូរសព្ទទៅ លោក សុក ម៉ក នាយប៉ុស្ដិ៍នគរបាលច្រកទ្វារ ព្រំដែន ទ្វេភាគីសំរោងដែរតែតេចូលគ្មានអ្នកទទូល។
ចំណែក លោកអធិការស្រុកចន្ទ្រា បានប្រាប់ថា កាស៊ីណូដែលនៅជាប់ព្រំដែន បើមានប្រជាពលរដ្ឋខ្មែរចូលលេង នឹងឲ្យខាងប៉ុស្តិ៍នគរបាលចុះទៅមើល ហើយជាគោលការណ៍ គណៈបញ្ជាការឯកភាពខេត្ត អនុញ្ញាតអោយតែជនបរទេសចូលលេងល្បែងក្នុងកាស៊ីណូ គឺហាមមិនឲ្យពលរដ្ឋខ្មែរចូលលេងក្នុងកាស៊ីណូនោះទេ។
មហាជនបានលើកឡើងថា លោក ពេជ្រ វិរះ ស្នងការដ្ឋាន នគរបាលខេត្តស្វាយរៀង មិនគួរមើល រំលងភាពអសកម្មរបស់លោក សុក ម៉ក នាយប៉ុស្ដិ៍នគរបាលច្រកទ្វារព្រំដែន ទ្វេភាគីសំរោង ដែល បណ្តោយឲ្យម្ចាស់កាស៊ីណូ ស៊ីភីស៊ី(CPC) បើកអោយប្រជាពលរដ្ឋខ្មែរចូលលេងល្បែងជល់មាន់ ទ្រង់ទ្រាយធំ នៅក្នុងកាស៊ីណូ ក្នុងមូលដ្ឋានរបស់ខ្លួនគ្រប់គ្រងនោះទេ គឺទីតាំងកាស៊ីណូស៊ីភីស៊ី(CPC)នៅទល់មុខប៉ុស្តិ៍ច្រកទ្វាព្រំដែនទ្វេភាគីសំរោងតែម្តងមិនព្រមទប់ស្កាត់ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ