សង្គ្រាមអ៊ុយក្រែន ៖ តាមទិន្នន័យរបស់វីទ្យាស្ថានសិក្សាសង្គ្រាម ISWថា កងទ័ពរុស្ស៊ី កាលពីក្នុងខែមីនា មិនអាចវាយរុលដណ្ដើមយកដែនដីអ៊ុយក្រែនបានថែមទៀតឡើយ ។ បែបនេះជាលើកដំបូង ចាប់តាំងពីខែកញ្ញា…
សង្គ្រាមអ៊ុយក្រែន ៖ តាមទិន្នន័យរបស់វីទ្យាស្ថានសិក្សាសង្គ្រាម ISWថា កងទ័ពរុស្ស៊ី កាលពីក្នុងខែមីនា មិនអាចវាយរុលដណ្ដើមយកដែនដីអ៊ុយក្រែនបានថែមទៀតឡើយ ។ បែបនេះជាលើកដំបូង ចាប់តាំងពីខែកញ្ញា ឆ្នាំ២០២៣ មក។ មិនតែប៉ុណ្ណោះ នៅតាមកន្លែងខ្លះ កងទ័ពរុស្ស៊ីរងការវាយបករបស់កងទាហានអ៊ុយក្រែនឲ្យដកថយផង ។
ចាប់តាំងពីដំណាច់ឆ្នាំ២០២៥ មកទ័ពរុស្ស៊ីពិបាកក្នុងការវាយរុលទៅមុខ ដោយសារការវាយបករបស់កងទ័ពអ៊ុយក្រែននៅភាគអាគ្នេយ៍ប្រទេស ជាមួយការរុលទៅមុខយកបានដែនដីមកវិញ១២៣គីឡូម៉ែត្រក្រឡា កាលពីខែកុម្ភៈដែលនោះបង្ហាញថា ការវាយរុលទៅមុខរបស់រុស្ស៊ីបានចុះថមថយតាំងពីខែមេសាឆ្នាំ២០២៤មក ។ នៅលើរណសិរ្សទាំងមូលក្នុងខែមីនា កងទ័ពអ៊ុយក្រែនរហូតដេល់អាចដណ្ដើមយកបានដែនដីមកវិញទំហំ៩គីឡូម៉ែត្រក្រឡា។
៤ឆ្នាំក្រោយ ការលុកលុយរបស់រុស្ស៊ី ក្រុងមូស្គូ អាចកាន់កាប់ដែនដីអ៊ុយក្រែនជាង១៩% ។ នាថៃ្ងទី២មេសាកងទ័ពរុស្ស៊ីបានប្រើដ្រូនដល់ជាង៣៦០គ្រឿង ប្រឆាំងអ៊ុយក្រែន។ នោះជាការវាយប្រហារតាមអាកាសដ៏ធំមួយរបស់រុស្ស៊ីប្រឆាំងអ៊ុយក្រែនទាំងថ្ងៃ ដោយការវាយប្រហារបែបនោះតែងធ្វើនាពេលយប់ ។ កងទ័ពអាកាសអ៊ុយក្រែនបញ្ជាក់តាមតេឡេក្រាមថា បានកម្ទេចដ្រូនរុស្ស៊ី៣៤៥គ្រឿង ក្នុងចំណោមដ្រូនទាំងជាង៣៦០គ្រឿងដែលបញ្ជូនមក ។
ការវាយប្រហារដោយដ្រូនរុស្ស៊ីនោះ បណ្ដាលឲ្យមនុស្សស្លាប់៥នាក់ ក្នុងនោះ៤នាក់ ក្នុងតំបន់ឈ័រកាស៊ីភាគកណ្ដាលអ៊ុយក្រែន ។ ចំណែកការខូចខាតខាងសម្ផារក៏ធ្ងន់ធ្ងរដែរ។ ការវាយប្រហារបណ្ដាលជាពិសេស មានការឆេះក្នុងមជ្ឈមណ្ឌលប៉ុសិ៍្តប្រៃសណីយមួយ និងឃ្លាំងស្បៀងមួយនៅក្រុងលូតស្ក៍ភាគខាងលិចប្រទេស ។ បណ្ដាហេដ្ឋារចនាសម្ព័ន្ធអគ្គិសនីក៏រងការខូចខាតដែរក្នុងបណ្ដាតំបន់ភាគខាងលិចប្រទេស ។
ចំណែកនៅឧបទ្វីបគ្រីមេដែលរុស្ស៊ីបញ្ចូលជាឧបសម្ព័ន្ធ ការធ្លាក់យន្តហោះដឹកជញ្ជូនយោធាមួយគ្រឿងរបស់រុស្ស៊ី បណ្ដាលឲ្យមនុស្សស្លាប់២៩នាក់កាលពីថ្ងៃទី៣១ មីនា ៕
ចែករំលែកព័តមាននេះ