រាជធានីភ្នំពេញ ៖ ផ្ទះធ្វើនំនិងស្តុកសំភារៈនំខេក២ល្វែងជាប់គ្នាបានឆេះសន្ធោសន្ធៅ ខណៈសមត្ថកិច្ចសន្និដ្ឋានបឋម អាចមានអ្នកស្លាប់៣នាក់ និងរងបួសច្រើននាក់ផងដែរ ។ ហេតុការណ៍ខាងលើនេះ បង្កការភ្ញាក់ផ្អើលកើតឡើងនៅវេលាម៉ោង១០និង៣០នាទីយប់ថ្ងៃទី១៩ខែកុម្ភៈឆ្នាំ២០២៦ នៅចំនុចផ្ទះល្វែងធ្វើនំខេក…
រាជធានីភ្នំពេញ ៖ ផ្ទះធ្វើនំនិងស្តុកសំភារៈនំខេក២ល្វែងជាប់គ្នាបានឆេះសន្ធោសន្ធៅ ខណៈសមត្ថកិច្ចសន្និដ្ឋានបឋម អាចមានអ្នកស្លាប់៣នាក់ និងរងបួសច្រើននាក់ផងដែរ ។
ហេតុការណ៍ខាងលើនេះ បង្កការភ្ញាក់ផ្អើលកើតឡើងនៅវេលាម៉ោង១០និង៣០នាទីយប់ថ្ងៃទី១៩ខែកុម្ភៈឆ្នាំ២០២៦ នៅចំនុចផ្ទះល្វែងធ្វើនំខេក និងស្តុបសំភារៈផ្សេងៗ ផ្លូវ៧៧៧ ភូមិទួលថ្ងាន់ សង្កាត់ឬស្សីកែវ ខណ្ឌឬស្សីកែវ ។
ប្រភពព័ត៌មានបានអោយដឹងថា មុនពេលកើតហេតុ ផ្ទះខាងលើត្រូវបានបិទទ្វារមានកម្មករប្រុសស្រី រូបទាំងថៅកែ សរុប១៥នាក់ កំពុងតែសំរាន និងអ្នកខ្លះមិនទាន់សំរាននោះទេ ។ ពេលកើតហេតុមិនដឹងថាមូលហេតុអ្វីនោះទេ ក៍ស្រាប់តែមានភ្លើងឆេះចេញពីផ្នែកខាងក្រោម ដែលជាកន្លែងស្តុកសំភារៈនិងធ្វើនំខេកឡើងសន្ធោសន្ធៅតែម្តងទៅ ។ បន្ទាប់ពីដឹងថាមានភ្លើងឆេះហើយ អ្នកនៅខាងក្នុងមិនអាចចេញមកក្រៅបាននោះទេ គឺមានអ្នកខ្លះរត់ឡើងទៅជាន់លើដំបូលអោយគេជួយ និងមានអ្នកខ្លះជាប់ក្នុងបន្ទប់ មិនដឹងថាស្លាប់ឬរស់នោះទេ។
ប្រភពដដែលបន្តទៀតថា ហេតុការណ៍នេះបន្តិចក្រោយមកក៍មានកម្លាំងសមត្ថកិច្ចមូលដ្ឋាននិងជំនាញបានចេញរថយន្តពន្លត់អគ្គីភ័យចេញតាមអង្គភាពជាច្រើនគ្រឿងទៅជួយអន្តរាគមន៍បាញ់ពន្លត់ រហូតដល់ម៉ោង២រំលងអធ្រាត្រ ទើបទប់ស្កាត់ស្ថានការណ៍បាន ។
សមត្ថកិច្ចបានបង្ហើបបឋមឲ្យដឹងថា អាចមានមនុស្សស្លាប់ចំនួន៣នាក់ និងរបួសបុគ្គលិកនិងក្រុមពន្លត់អគ្គិភ័យជាច្រើននាក់ដោយសារឈ្លក់ផ្សែង។ ការឆេះខូចខាតអស់សំភារៈទាំងស្រុងក្នុងផ្ទះចំនួន២ល្វែង ចំពោះមូលហេតុសមត្ថកិច្ចកំពុងបន្តធ្វើការស្រាវជ្រាវ ៕
ចែករំលែកព័តមាននេះ