រាជធានីភ្នំពេញ ៖ អ្នកលក់ដូរប្រុសស្រី​ចំនួន៥នាក់ ដែលនាំគ្នាប្រើហិង្សាព្រួតវាយទៅលើ​បុរស​ម្នាក់ព្រមទាំងចាប់សម្រាតខោ ដោយសារតែបុរសរូបនោះហូបប្រហិតចៀន និងផឹកស្រាបៀរ ហើយមិនអោយលុយ បង្កការភ្ញាក់ផ្អើលនៅខាងមុខព្រះបរមរាជវាំង ប៉ែកខាងជើង សង្កាត់ជ័យជំនះ ​កាល​ពីយប់ថ្ងៃទី២៤ វិច្ឆិកា ឆ្នាំ២០២៥ ពេលនេះ ត្រូវបានសមត្ថកិច្ចហៅមកអប់រំ និង​ធ្វើកិច្ចសន្យាហើយ ។ គួររំលឹកថា ផឹកស្រា​បៀ​ក្លែម​ប្រហិត​អត់ឱ្យ​លុយ អ្នកលក់​វា​.​យ​ស្រា​.​ត​ខោ

ជាក់ស្តែងនៅព្រឹកថ្ងៃទី ២៥ ខែវិច្ឆិកា ឆ្នាំ២០២៥ នេះ អាជ្ញាធរខណ្ឌដូនពេញ បានកោះហៅអ្នកលក់ដូរប្រុសស្រី​ទាំង៥នាក់ខាងលើ​ មកអប់រំ និង​ធ្វើកិច្ចសន្យា បញ្ឈប់កុំអោយមានការប្រើ​ករណីហិង្សាបែបនេះបន្តទៀត ។

អាជ្ញាធរមានសមត្ថកិច្ចបានអោយដឹងថា ក្រោយពី​ទទួលបានសេចក្តីរាយការណ៍ពីករណីខាងលើ​ភ្លាមៗ កម្លាំងសមត្ថកិច្ច​បានចុះទៅឃាត់អ្នកលក់ដូរ​ប្រុសស្រី​ទាំង៥នាក់ យកមកសួរនាំនៅប៉ុស្តិ៍នគរបាលរដ្ឋបាលជ័យជំនះ ។ ក្រោយបញ្ចប់ការសួរនាំរួចរាល់ សមត្ថកិច្ចបានធ្វើកំណត់ហេតុ រួចអោយសា​ម៉ីខ្លួនទាំង៥នាក់ ផ្តិតមេដៃ នឹង​ធ្វើកិច្ចសន្យា ដើម្បីបញ្ចប់រឿង និង​បញ្ឈប់ការប្រើ​ករណីហិង្សាបែបនេះទៀត ៕