សម្ដេចព្រះឧត្តមវង្សា គូ សុភាព បានមានថេរដិការថា ព្រះពុទ្ធសាសសនាបានអប់រំ និងប្រៀនប្រដៅពុទ្ធសាសនិកតាំងពីដើមរៀងមកថា ឪពុកម្តាយមានតួនាទីសំខាន់ណាស់ សម្រាប់ការរីកចម្រើនរបស់កូន ។ តាមរយៈមានថេរដិការដែលចែករំលែកនៅលើបណ្តាញសង្គម…
សម្ដេចព្រះឧត្តមវង្សា គូ សុភាព បានមានថេរដិការថា ព្រះពុទ្ធសាសសនាបានអប់រំ និងប្រៀនប្រដៅពុទ្ធសាសនិកតាំងពីដើមរៀងមកថា ឪពុកម្តាយមានតួនាទីសំខាន់ណាស់ សម្រាប់ការរីកចម្រើនរបស់កូន ។
តាមរយៈមានថេរដិការដែលចែករំលែកនៅលើបណ្តាញសង្គម នៅថ្ងៃទី១៦ ខែមករា ឆ្នាំ២០២៦នេះ សម្ដេចព្រះឧត្តមវង្សា គូ សុភាព បានមានថេរដិការថា ព្រះពុទ្ធសាសនាមិនគាំទ្រឲ្យឪពុកម្តាយប្រើមុសា និងអំពើហិ.ង្សាអប់រំកូនៗរបស់ពួកគេឡើយ ។
សម្ដេចព្រះឧត្តមវង្សា គូ សុភាព បានចែករំលែកថា ដើម្បីឲ្យកូនរីកចម្រើនឪពុកម្តាយត្រូវអប់រំកូនឲ្យល្អ ធ្វើជាគំរូរឲ្យកូនពីព្រោះមុនចូលសាលា គឺឪពុកម្តាយនេះឯង ដែលអប់រំកូនៗរបស់ពួកគេមុនគេ ។
សម្ដេចព្រះឧត្តមវង្សា គូ សុភាព បានបន្តទៀតថា ជាតួនាទី ឪពុកម្តាយត្រូវតែថែរក្សាទំនុកបម្រុងកូនៗរបស់ពួកគេឲ្យបានគ្រប់គ្រាន់ ហើយឪពុកម្តាយក៏ជាស្រែបុណ្យរបស់កូនៗផងដែរ ។
សម្ដេចព្រះឧត្តមវង្សា គូ សុភាព បានបន្ថែមទៀតថា ព្រះពុទ្ធមានដិការថា ឪពុកម្តាយដូចជាព្រះព្រហ្មដូច្នេះដែរ ពីព្រោះ ឪពុកម្តាយជាអ្នកបង្កើតកូន និងមានព្រហ្មវិហារធម៌ទាំង៤ ចំពោះកូនៗ ពោល គឺ មេត្តា គឺត្រូវផ្តល់ក្តីស្រលាញ់ស្មើៗគ្នា , ករុណាវិញ គឺថាពេលកូនកើតទុក្ខឪពុកម្តាយត្រូវជួយសម្រាលទុក្ខនោះ, មុទិតាវិញ នោះ គឺពេលកូនៗធ្វើល្អ គឺត្រូវសប្បាយរីករាយលើកទឹកចិត្តកូន, រីឯឧបេក្ខាវិញ គឺត្រូវស្រលាញ់កូនឲ្យស្មើៗគ្នា ហើយចេះព្រលែងកូនឲ្យរៀនរស់ ចេះរឹងប៉ឹង និងឯករាជ្យ តម្រែតម្រង់ពេលកូនធ្វើខុស ។ល។
ចែករំលែកព័តមាននេះ