ខេត្តព្រះវិហារ ៖ រដ្ឋបាលខេត្តព្រះវិហារ បានរៀបចំពិធីប្រកាសតែងតាំងមុខតំណែង លោក សោន ចាន់ដារ៉ា ជាអភិបាលរងនៃគណៈអភិបាលក្រុងព្រះវិហារ កាលពីថ្ងៃទី១៦ ខែមករា…
ខេត្តព្រះវិហារ ៖ រដ្ឋបាលខេត្តព្រះវិហារ បានរៀបចំពិធីប្រកាសតែងតាំងមុខតំណែង លោក សោន ចាន់ដារ៉ា ជាអភិបាលរងនៃគណៈអភិបាលក្រុងព្រះវិហារ កាលពីថ្ងៃទី១៦ ខែមករា ឆ្នាំ២០២៦ ក្រោមអធិបតីភាពលោក គីម រិទ្ធី អភិបាលនៃគណៈអភិបាលខេត្តព្រះវិហារ ។
ពិធីនេះ មានការចូលរួមពីថ្នាក់ដឹកនាំមន្ទីរ អង្គភាពជុំវិញខេត្ត មន្ត្រីរាជការ និងអាជ្ញាធរពាក់ព័ន្ធយ៉ាងច្រើនកុះករ ក្នុងស្មារតីសាមគ្គីភាព និងការទទួលខុសត្រូវខ្ពស់។ លោក គីម រិទ្ធី បានសង្កត់ធ្ងន់ថា ការតែងតាំងនេះ គឺជាយន្តការមួយក្នុងការបន្តពង្រឹងប្រសិទ្ធភាពការងាររដ្ឋបាលនៅថ្នាក់មូល ដ្ឋាន ។
លោកអភិបាលបានផ្តល់អនុសាសន៍សំខាន់ៗដល់លោកអភិបាលរងថ្មី រួមមាន៖ ពង្រឹងការផ្តល់សេវាសាធារណៈជូនប្រជាពលរដ្ឋឱ្យបានរហ័ស ត្រឹមត្រូវ និងមានតម្លាភាព។ បង្កើនកិច្ចសហការ និងសាមគ្គីភាពជាមួយសហការី និងថ្នាក់ដឹកនាំគ្រប់លំដាប់ថ្នាក់។ យកចិត្តទុកដាក់លើការកែលម្អហេដ្ឋារចនាសម្ព័ន្ធ សន្តិសុខសណ្តាប់ធ្នាប់ និងការលើកកម្ពស់ជីវភាពរស់នៅរបស់ពលរដ្ឋ។ ការបំពេញភារកិច្ចត្រូវប្រកាន់ខ្ជាប់នូវច្បាប់លិខិតបទដ្ឋានគតិយុត្តិនិងតម្កល់ ផលប្រយោជន៍ប្រជាជនជាធំ ។
ប្រសាសន៍លោក គីម រិទ្ធី ការប្តេជ្ញាចិត្តរបស់អភិបាលរងថ្មីជាការឆ្លើយតប លោក សោន ចាន់ដារ៉ា បានសម្តែងនូវការដឹងគុណចំពោះការទុកចិត្តពីថ្នាក់ដឹកនាំ និងបានធ្វើការប្តេជ្ញាចិត្តយ៉ាងមុតមាំថា៖បំពេញតួនាទីឱ្យអស់ពីសមត្ថភាព និងភាពស្មោះត្រង់។ អនុវត្តតាមគោលនយោបាយរបស់រាជរដ្ឋាភិបាល និងការណែនាំរបស់រដ្ឋបាលខេត្ត។ ចូលរួមជំរុញការអភិវឌ្ឍក្រុងព្រះវិហារឱ្យមានការរីកចម្រើនលើគ្រប់វិស័យ ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ៕
ចែករំលែកព័តមាននេះ