រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងនគរបាលប៉ុស្តិ៍ទឹកលក់ទី៣ ស្រាវជ្រាវឃាត់ខ្លួន បន្ទាប់ពីធ្វើសកម្មភាពលួចកង់ហើយគេចខ្លួនបាន២ថ្ងៃ ។ ជនសង្ស័យរូបនោះឈ្មោះ អូន រត្តនា…
រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងនគរបាលប៉ុស្តិ៍ទឹកលក់ទី៣ ស្រាវជ្រាវឃាត់ខ្លួន បន្ទាប់ពីធ្វើសកម្មភាពលួចកង់ហើយគេចខ្លួនបាន២ថ្ងៃ ។
ជនសង្ស័យរូបនោះឈ្មោះ អូន រត្តនា ហៅដំ ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ ម្តុំបូរីកីឡា សង្កាត់វាលវង់ ខណ្ឌ៧មករា រាជធានីភ្នំពេញ ។
តាមនគរបាលខណ្ឌទួលគោក បានឲ្យដឹងថា ជនសង្ស័យរូបនោះ ត្រូវបានកម្លាំងប៉ុស្តិ៍នគរបាលរដ្ឋបាលទឹកល្អក់ទី៣ ឃាត់ខ្លួននៅថ្ងៃទី០១ ខែមេសា ឆ្នាំ២០២៦ វេលាម៉ោងប្រហែល១៩និង២០នាទីយប់ នៅចំណុចបណ្តោយផ្លូវលេខ២៦១ សង្កាត់បឹងសាឡាង ខណ្ឌទួលគោក រាជធានីភ្នំពេញ ពីបទលួច (លួចកង់០១គ្រឿង) នៅចំណុចផ្ទះលេខJH៤០ ផ្លូវលេខ២៦៥ ភូមិ១៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ កាលពីថ្ងៃទី៣០ ខែមីនា ឆ្នាំ២០២៦ វេលាម៉ោង២១និង៣០នាទីយប់ ។
ជនរងគ្រោះឈ្មោះ លេង ម៉ាលីន ភេទស្រី អាយុ៤២ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខJH៤០ ផ្លូវលេខ២៦៥ ភូមិ១៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
បន្ទាប់ពីឃាត់ខ្លួន សមត្ថកិច្ចដករហូតសម្ភារៈ រួមមាន ៖ កង់០១គ្រឿង (ជារបស់ជនរងគ្រោះ ដែលជនសង្ស័យបានលួចទៅ),កូនកាំបិត ចំនួន០១, កូនកន្ត្រៃ ចំនួន០២, បំពង់កែច្នៃសម្រាប់ជក់គ្រឿងញៀន ចំនួន០១ (ចាប់យកពីជនសង្ស័យ) ។
បច្ចុប្បន្ន ជនសង្ស័យកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី ៕
ចែករំលែកព័តមាននេះ