រាជធានីភ្នំពេញ ៖ គិតត្រឹមនៅរសៀលថ្ងៃទី២៨ កញ្ញា ឆ្នាំ២០២៥នេះ មានរយៈពេល២២ម៉ោងហើយបុរសដែលជិះម៉ូតូទឹកលេង ហើយធ្លាក់ពីលើម៉ូតូទឹកចូលទន្លេ មិនទាន់រកឃើញនៅឡើយទេ ខណៈទូករបស់កងទ័ពជើងទឹក នឹងម៉ូតូទឹកចំនួន១០គ្រឿង…
រាជធានីភ្នំពេញ ៖ គិតត្រឹមនៅរសៀលថ្ងៃទី២៨ កញ្ញា ឆ្នាំ២០២៥នេះ មានរយៈពេល២២ម៉ោងហើយបុរសដែលជិះម៉ូតូទឹកលេង ហើយធ្លាក់ពីលើម៉ូតូទឹកចូលទន្លេ មិនទាន់រកឃើញនៅឡើយទេ ខណៈទូករបស់កងទ័ពជើងទឹក នឹងម៉ូតូទឹកចំនួន១០គ្រឿង កំពុងបន្តរុករកសពបុរសរងគ្រោះ ដែលបានធ្លាក់ពីលើម៉ូតូទឹកចូលទឹកទន្លេ នៅចំណុចក្បែរស្ពានកោះនរា ក្នុងបរិវេនកោះពេជ្រ កាលពីរសៀលម្សិលមិញ ។ គួររំលឹកថា រកមិនទាន់ឃើញនៅឡើយទេ ករណីបុរសម្នាក់ធ្លា.ក់ពីលើម៉ូតូទឹកលិចបា.ត់ខ្លួន ក្បែរស្ពានកោះនរា កាលពីល្ងាចម្សិលមិញ
ជនរងគ្រោះឈ្មោះ ផល សុផេង អាយុ៤៥ឆ្នាំ មានទីលំនៅ បុរីប៉េងហួត បឹងស្នោ ។
បើតាមការបញ្ជាក់ពីមន្ត្រីមូលដ្ឋាន បានអោយដឹងថា ចាប់តាំងពីថ្ងៃកើតហេតុ កាលពីវេលាម៉ោង ៤រសៀល ថ្ងៃទី២៧ ខែ កញ្ញា ឆ្នាំ ២០២៥ រហូតមកដល់វេលាម៉ោង ២ នឹង ៥០នាទីរសៀលថ្ងៃទី ២៨ ខែកញ្ញា ឆ្នាំ២០២៥នេះ មានរយៈពេលជិត ២៤ម៉ោងហើយ ប៉ុន្តែសពបុរសខាងលើ នៅមិនទាន់ស្វែងរុករកឃើញនៅឡើយទេ ។
ប្រភពដដែលបន្តថា ដោយសារលំហូរទឹកលឿនខ្លាំង ធ្វើអោយរាងពិបាក នឹងការល្បាត រាវរក ក៏ប៉ុន្តែកងទ័ពជើងទឹក នឹង ក្រុមម៉ូតូទឹក កំពុងបន្តអោយអស់ពីសមត្ថភាព ក្នុងការចេញរុករក នូវសាកសពជនរងគ្រោះ ដែលបានលិចបាត់ខ្លួន ។
សូមរំលឹកឡើងវិញថា មានករណីបុរសវ័យ៤០ឆ្នាំម្នាក់ បានបើករថយន្ត១គ្រឿង និងមានសណ្ដោងម៉ូតូទឹកពីខាងក្រោយរថយន្ត បើកមកកំពង់ដរកោះពេជ្រចាស់ ក្នុងគោលបំណងយកម៉ូតូទឹកនោះមកជិះលេងនៅទន្លេបាសាក់ លុះជិះបានបន្តិច មិនដឹងមានមូលហេតុអ្វីនោះទេ ស្រាប់តែបុរសរូបនោះធ្លាក់ពីលើម៉ូតូទឹក ហែលលើកដៃអោយគេជួយបានបន្តិចក៏លិចបាត់អស់ច្រើនម៉ោង ហើយម៉ូតូទឹករសាត់ទៅដល់ស្ពានព្រះមុនីវង្សចាស់ ។ ចំណែកបុរសរងគ្រោះ ត្រូវបានគេសង្ស័យថា អាចហូរទៅដល់ក្រុងតាខ្មៅ ដោយសារទឹកហូរខ្លាំងពេក ។
ហេតុការណ៍ខាងលើនេះបង្កការភ្ញាក់ផ្អើល កាលវេលាម៉ោង៤រសៀលថ្ងៃទី២៧ ខែកញ្ញា ឆ្នាំ២០២៥ នៅចំណុចក្បែរស្ពានកោះនរាបរិវេនកោះពេជ្រ ក្រុម៧៨ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បច្ចុប្បន្ន កម្លាំងនគរបាលជើងទឹក កំពុងបន្តស្វែងរកជនរងគ្រោះដែលបានបាត់ខ្លួនខាងលើនោះ ៕
ចែករំលែកព័តមាននេះ