ខេត្តពោធិ៍សាត់៖ មន្ទីរសុខាភិបាលខេត្តពោធិ៍សាត់ ទទួលបានជំនួយជាឱសថកុមារប្រមាណជិត២០មុខ ពីសប្បុរសអាណិកជនខ្មែរ​នៅអាម៉េរិក សម្រាប់ប្រើប្រាស់តាមការចាំបាច់។

យោងតាមការចុះផ្សាយរបស់រដ្ឋបាលខេត្ត​ពោធិ៍សាត់ បានឱ្យដឹងថាឯកឧត្តម ខូយ រីដា អភិបាលខេត្តពោធិ៍សាត់ នៅព្រឹកថ្ងៃទី២០ ខែតុលា ឆ្នាំ២០២៥នេះ ក្នុងបរិវេណអគាររដ្ឋបាលខេត្ត បានទទួលអំណោយពីតំណាង Mr. Michael P.Eng Din និង Mrs. Michael Eng Kolyan Ros ដែលជាអាណិកជនខ្មែរ រស់នៅសហរដ្ឋអាម៉េរិក តាមរយៈលោក ឆែ វណ្ណសូដា ប្រធានមន្ទីរឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ខេត្ត បានជួយឧបត្ថម្ភឱសថកុមារ ចំនួន១៦មុខ ដល់មន្ទីរសុខាភិបាលនៃរដ្ឋបាលខេត្ត សម្រាប់ប្រើប្រាស់តាមការចាំបាច់៕