រាជធានីភ្នំពេញ ៖ សពបុរសម្នាក់ ដែលបានជិះម៉ូតូកង់បីដឹកទំនិញមួយគ្រឿង ទៅលោតទឹកពីលើស្ពានខ្សែកាបឫស្សីកែវ ហើយលិចបាត់បន្សល់ទុកតែម៉ូតូកង់៣ បានអណ្ដែតឡើងហើយ កាលពីវេលាម៉ោង១០និង៣០នាទីព្រឹកថ្ងៃទី១៩ ខែតុលា ឆ្នាំ២០២៥…
រាជធានីភ្នំពេញ ៖ សពបុរសម្នាក់ ដែលបានជិះម៉ូតូកង់បីដឹកទំនិញមួយគ្រឿង ទៅលោតទឹកពីលើស្ពានខ្សែកាបឫស្សីកែវ ហើយលិចបាត់បន្សល់ទុកតែម៉ូតូកង់៣ បានអណ្ដែតឡើងហើយ កាលពីវេលាម៉ោង១០និង៣០នាទីព្រឹកថ្ងៃទី១៩ ខែតុលា ឆ្នាំ២០២៥ និងបានរសាត់ទៅដល់ចំណុចស្ពានព្រែកសំរោង ទន្លេបាសាក់ ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ។
បុរសរូបនោះឈ្មោះ ស៊ី ធាន ភេទប្រុស អាយុ១៤ឆ្នាំ ស្នាក់នៅភូមិចំការយាយផែង ឃុំវាំងចាស់ ស្រុកឧដុង្គ ខេត្តកំពង់ស្ពឺ មុខរបរ ដឹកជញ្ជូនក្រុមហ៊ុន ។
បើតាមឈ្មោះ ម៉ាត់ ឡាវី ភេទប្រុស អាយុ៤២ឆ្នាំ ត្រូវជាឪពុកជនរងគ្រោះ បានអោយដឹងថា កូនរបស់គាត់ បានមកធ្វើការខាងបើកម៉ូតូកង់បីដឹកអីវ៉ាន់ រយៈពេលកន្លះខែមកហើយ និងបានជួលបន្ទប់ស្នាក់នៅ ជាមួយសង្សារ ។ កន្លងមក កូនប្រុសរបស់គាត់ តែងតែប្រាប់គាត់ថា មានការពិបាកចិត្តរឿងសង្សារ តែពុំដឹងថា មានរឿងអ្វីឡើយ ។ ស្រាប់តែនៅព្រឹកថ្ងៃទី១៧ ខែតុលា ឆ្នាំ២០២៥ ក៏ជិះម៉ូតូកង់បីទៅលោតទឹកនៅលើស្ពានខ្សែកាបឫស្សី កែវស្ថិតក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។ លុះរំលងបានពីរថ្ងៃ ស.ពក៏បានអណ្ដែតរសាត់រហូតទៅផ្ដល់ស្ពានព្រែកសំរោង នៅក្នុងក្រុងតាខ្មៅ ខេត្តកណ្ដាល ។
សាកសពត្រូវបានសមត្ថកិច្ចចាត់ចែងអូសឡើងគោក រួចធ្វើការត្រួតពិនិត្យ។ បន្ទាប់ពីត្រួតពិនិត្យរួច លោកគ្រូពេទ្យ និងនគរបាល ជំនាញ ក៏បានសន្និដ្ឋានថា ជនរងគ្រោះបានស្លាប់ដោយសារលង់ទឹក។ ស.ពត្រូវបានក្រុមគ្រួសារនាំយកទៅធ្វើបុណ្យតាមប្រពៃណី ៕
ចែករំលែកព័តមាននេះ