ខេត្តស្ទឹងត្រែង ៖ អភិបាលខេត្តលោក សរ សុពុត្រា នាវេលាថ្ងៃត្រង់ទី២០ខែ តុលា ឆ្នាំ២០២៥ បានអញ្ជើញជាអធិបតីក្នុងការប្រគល់នូវម៉ូតូចំនួន២គ្រឿងជូនដល់ប្រជាពលរដ្ឋវិញក្រោយបាត់រយៈពេលកន្លងមក និងរកឃើញមកវិញដោយកម្លាំងកងរាជអាវុធហត្ថខេត្ត។…
ខេត្តស្ទឹងត្រែង ៖ អភិបាលខេត្តលោក សរ សុពុត្រា នាវេលាថ្ងៃត្រង់ទី២០ខែ តុលា ឆ្នាំ២០២៥ បានអញ្ជើញជាអធិបតីក្នុងការប្រគល់នូវម៉ូតូចំនួន២គ្រឿងជូនដល់ប្រជាពលរដ្ឋវិញក្រោយបាត់
រយៈពេលកន្លងមក និងរកឃើញមកវិញដោយកម្លាំងកងរាជអាវុធហត្ថខេត្ត។
ក្រោយទទួលបទបញ្ជាពីអភិបាលខេត្តកម្លាំងកងរាជអាវុធហត្ថខេត្តស្ទឹងត្រែង បានសម្រេចប្រតិបត្តិការបង្ក្រាបបទល្មើសប្រកបដោយជោគជ័យ ដោយបានដកហូតយកម៉ូតូចំនួន ២គ្រឿង ដែលបាត់បង់កន្លងមក ប្រគល់ជូនម្ចាស់ដើមវិញ ដើម្បីស្តារផលប្រយោជន៍របស់ប្រជាពលរដ្ឋ។
ជាមួយគ្នានេះ ជនល្មើស២នាក់ ដែលពាក់ព័ន្ធ ត្រូវបានបញ្ជូនទៅកាន់តុលាការដើម្បីអនុវត្តទោសតាមច្បាប់ជាធរមាន។
លោក សរ សុពុត្រា អភិបាល ខេត្តបានមានប្រសាសន៍ថា៖ក្នុងនាមប្រធានគណៈបញ្ជាការឯកភាពរដ្ឋបាលខេត្តស្ទឹងត្រែង ខ្ញុំសូមសម្ដែងនូវការកោតសរសើរ និងអំណរគុណយ៉ាងជ្រាលជ្រៅ ចំពោះមេបញ្ជាការ មេបញ្ជាការរង និងកងកម្លាំងទាំងអស់នៃបញ្ជាការដ្ឋានកងរាជអាវុធហត្ថខេត្ត ដែលបានបំពេញភារកិច្ចដោយភាពម៉ឺងម៉ាត់ ស្មារតីទទួលខុសត្រូវខ្ពស់ និងលទ្ធផលគួរជាទីមោទកៈ ក្នុងការធានាសុវត្ថិភាពជូនសង្គមជាតិ។
ប្រជាពលរដ្ឋបានសម្តែងការអរគុណដល់អជ្ញាធរ និងសមត្ថកិច្ចដែលបានរកឃើញម៉ូតូរបស់ពួកគេមកវិញ។ រីឯជនសង្ស័យពីរនាក់ ក៏ត្រូវបានបញ្ជូនទៅតុលាការដើម្បីផ្តន្ទាទោសតាមច្បាប់៕
ចែករំលែកព័តមាននេះ