ខេត្តកំពង់ធំ ៖ មហាជនកំពុងតែរង់ចាំមើលថាតើថ្នាក់លើមានចំណាត់ការយ៉ាងណានៅក្នុងមន្ទីរព័ត៍មានខេត្តកំពង់ធំ ក្រោមការដឹកនាំធុំក្លិនឈួលបែកផ្សែងរបស់អ្នកស្រី ង៉ែត ណារីន ដែលមន្ត្រីថ្នាក់ក្រោមឱវាទនិយាយថា អ្នកស្រីដឹកនាំមានការរើសអើង ប្រកាន់បក្សពួកនិយម រាល់ការងារណាដូចជា…
ខេត្តកំពង់ធំ ៖ មហាជនកំពុងតែរង់ចាំមើលថាតើថ្នាក់លើមានចំណាត់ការយ៉ាងណានៅក្នុងមន្ទីរព័ត៍មានខេត្តកំពង់ធំ ក្រោមការដឹកនាំធុំក្លិនឈួលបែកផ្សែងរបស់អ្នកស្រី ង៉ែត ណារីន ដែលមន្ត្រីថ្នាក់ក្រោមឱវាទនិយាយថា អ្នកស្រីដឹកនាំមានការរើសអើង ប្រកាន់បក្សពួកនិយម រាល់ការងារណាដូចជា ការចុះបេសកកម្មដែលអាចបានចំណូលខ្លះនោះ អ្នកស្រីប្រធានប្រើតែខ្សែខាងអ្នកស្រីតែប៉ុណ្ណោះ ដោយផ្តាច់ផ្លូវពួកគាត់មួយចំនួនធំនៅក្នុងមន្ទីរមិនអាចរកចំណូលបានអ្វីទាំងអស់ ។ គួររំលឹកថា មានក្លិនមិនសូវល្អកំពុងជះចំហាយក្នុងមន្ទីរព័ត៌មានខេត្តកំពង់ធំ
ចំណែករឿងថវិកាដែលផ្នែកសោទស្សន៍ទទួលបានពីការប្រមូលចំណូលការដាក់តាំងស្លាកសញ្ញាធំៗរបស់ក្រុមហ៊ុនផ្សេងៗរួមនិងការជួលបង្គោលអង់តែវិទ្យុទៅឱ្យក្រុមហ៊ុនផ្សេងទៀតយកអង់តែនរបស់គេទៅបំពាក់ជាមួយនឹងអង់តែនវិទ្យុផង ដោយក្នុង១ឆ្នាំៗ ទទួលបានរាប់ម៉ឺនដុល្លានោះ អ្នកស្រីបែងចែកតែជាមួយនឹងបក្សពួកមួយចំនួនតូចតែប៉ុណ្ណោះ ហើយមន្ត្រីជាច្រើនទៀតពុំដែលបានទទួលនោះទេ ។
បន្ទាប់ពីករណីខាងលើផ្ទុះដូចភ្នំភ្លើង សង្ស័យជារឿងស៊ីដាច់នេះ សារព័ត៍មានយើងបានទទួលតំណឹងមកថានៅថ្ងៃច័ន្ទទី២៨ ខែកក្កដា ឆ្នាំ២០២៦នេះ លោកអភិបាលរងខេត្តកំពង់ធំម្នាក់ត្រូវអញ្ជើញមកបើកកិច្ចប្រជុំនៅមន្ទីរព័ត៍មានខេត្ត តែបានលើកពេលទៅវិញ ។ ពលរដ្ឋក៏ដូចជាមន្ត្រីរាជការមួយចំនួនកំពុងតែបើកភ្នែកផ្ទៀងត្រចៀកចាំស្តាប់ថា តើអាជ្ញាធរខេត្ត នឹងក្រសួងញាក់ព័ន្ធលោកមានវិធានការយ៉ាងណាដែរជុំវិញករណីខាងលើនេះ ក្រោយពីការចុះផ្សាយរួចមកខាងសារព័ត៍មានយើងកំពុងរង់ចាំបកស្រាយជូន ប្រសិនបើមានខាងប្រធានមន្ទីរឆ្លើយតប ដោយសារតែមុនពេលផ្សាយលើកមុនយើងបានព្យាយាមសុំការបំភ្លឺដែរ តែមិនអាចទំនាក់ទំនងនឹងលោកស្រីប្រធានបាន ។
ពេលនេះ អ្នកណាក៏ដឹងដែរ រឿងសង្ស័យមានអាស្រូវចែកគ្នាមិនស្មើ ដែលយើងរង់ចាំផ្សាយ ក្រោយពេលមានព័ត៌មានច្បាស់ការបន្ត។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ