រាជធានីភ្នំពេញ ៖ កាលពីរសៀលថ្ងៃទី៣១ ខែកក្កដា ឆ្នាំ២០២៥ សាលាដំបូងរាជធានីភ្នំពេញ បានលើកយកសំណុំរឿងអតីតចៅសង្កាត់ចោមចៅ២ ខណ្ឌពោធិសែនជ័យ មកបើកសវនាការជុំជម្រះទោស ដែលជាប់ពាក់ពន្ធពីបទ.គំរាមកំហែង…
រាជធានីភ្នំពេញ ៖ កាលពីរសៀលថ្ងៃទី៣១ ខែកក្កដា ឆ្នាំ២០២៥ សាលាដំបូងរាជធានីភ្នំពេញ បានលើកយកសំណុំរឿងអតីតចៅសង្កាត់ចោមចៅ២ ខណ្ឌពោធិសែនជ័យ មកបើកសវនាការជុំជម្រះទោស ដែលជាប់ពាក់ពន្ធពីបទ.គំរាមកំហែង ដោយមានបញ្ជាឲ្យបំពេញលក្ខខណ្ឌអ្វីមួយ និងបទមិនប្តឹងបរិហារពីបទឧក្រិដ្ឋ ឬបទមជ្ឈិមដោយអ្នករាជការសាធារណៈ (ពោលគឺគំរាមកំហែងយកប្រាក់១លានរៀលពីស្ត្រីលក់គ្រឿងញៀន) ដែលបទល្មើសមានចែងតាមបញ្ញត្តិមាត្រា ២៣២ និងមាត្រា ៥២៨ នៃក្រមព្រហ្មទណ្ឌ ។
ជនត្រូវចោទ២នាក់ ម្នាក់ឈ្មោះ វ៉ា សារ៉ង ភេទប្រុស អតីតចៅសង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ និងម្នាក់ទៀត ឈ្មោះ ស៊ុយ ជីវ៉ា ភេទស្រី ជាប់ពាក់ពន្ធពីបទ ប៉ុនប៉ងជួញដូរដោយខុសច្បាប់នូវសារធាតុញៀន តាមមាត្រា ២៧ នៃក្រមព្រហ្មទណ្ឌ និងមាត្រា ៤០ នៃច្បាប់ស្តីពីការត្រួតពិនិត្យគ្រឿង ញៀន ។
ក្រោយពីបញ្ចាប់ការសាកសួរដេញដោល តុលាការបានសម្រេចលើកពេលប្រកាលសាលក្រម ដោយកំណត់យកថ្ងៃទី១៤ ខែសីហា ឆ្នាំ២០២៥ ដើម្បីផ្តន្ទាទោសលើជនជាប់ចោទ ។
សូមជម្រាបថា ៖ កាលពីថ្ងៃទី៣០ ខែវិច្ឆិកា ឆ្នាំ២០២៥ លោក ប៉េង ម៉េងគ័ង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា តំណាងអយ្យការអមសាលាដំបូងរាជធានីភ្នំពេញ បានសម្រេចធ្វើការចោទប្រកាន់លើបុគ្គល ២ រូប ៖
១.ឈ្មោះ វ៉ា សារ៉ង ភេទប្រុស ជាចៅសង្កាត់ចោមចៅទី២ ពីបទ.គំរាមកំហែងដោយមានបញ្ជាឲ្យបំពេញលក្ខខណ្ឌអ្វីមួយ និងបទ.មិនប្តឹងបរិហារពីបទឧក្រិដ្ឋ ឬបទមជ្ឈិមដោយអ្នករាជការសាធារណៈ តាមមាត្រា ២៣២ និងមាត្រា ៥២៨ នៃក្រមព្រហ្មទណ្ឌ ។
២.ចោទប្រាន់ឈ្មោះ ស៊ុយ ជីវ៉ា ភេទស្រី ពីបទ.ប៉ុនប៉ងជួញដូរដោយខុសច្បាប់នូវសារធាតុញៀន តាមមាត្រា ២៧ នៃក្រមព្រហ្ម ទណ្ឌ និងមាត្រា ៤០ នៃច្បាប់ស្តីពីការត្រួតពិនិត្យគ្រឿងញៀន ។
ក្រោយពីតំណាងអយ្យការចោទប្រកាន់បុគ្គលទាំង២ រួចមក សំណុំរឿងត្រូវបានចាត់បញ្ជូនទៅខាងចៅក្រមស៊ើបសួរ ដើម្បីបន្តនីតិវិធី និងឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ។
សូមជម្រាបទៀតថា ឈ្មោះ វ៉ា សារ៉ង ចៅសង្កាត់ចោមចៅទី២ ខណ្ឌពោធិ៍សែនជ័យ និងស្ត្រីម្នាក់ឈ្មោះ ស៊ុយ ជីវ៉ា ហៅកុត ដែលត្រូវបានកម្លាំងសមត្ថកិច្ចនគរបាលការិយាល័យប្រឆាំងគ្រឿងញៀន នៃស្នងការនគរបាលរាជធានីភ្នំពេញ ឃាត់ខ្លួន និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមច្បាប់ នៅព្រឹកថ្ងៃទី២៩ ខែវិច្ឆិកា ឆ្នាំ២០២៤ បន្ទាប់ពីបែកធ្លាយសារសំឡេងចរចាទារប្រាក់ចំនួន១ លានរៀល ជាថ្នូរ នឹងការមិនចាប់ខ្លួន ពាក់ព័ន្ធបទល្មើសគ្រឿងញៀន ។
លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរ បាលរាជធានីភ្នំពេញបានឱ្យដឹងថា ជនសង្ស័យទាំងពីរនាក់ ត្រូវ បានកម្លាំងជំនាញនៃស្នងការដ្ឋាននគបាលរាជធានីភ្នំពេញ ឃាត់ ខ្លួន កាលពីថ្ងៃទី២៧ ខែវិច្ឆិកា ឆ្នាំ២០២៤ ។ លោក វរសេនីយ៍ ឯក សំ វិច្ឆិកា បន្តទៀតថា ការឃាត់ខ្លួនជនសង្ស័យទាំងពីរនាក់ គឺធ្វើឡើងតាមបញ្ជារបស់លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការដ្ឋាននគរបាលរាជធានីភ្នំពេញ និងលោក ឃួង ស្រេង អភិបាលរាជធានីភ្នំពេញ ។
បន្ទាប់ពីឃាត់ខ្លួនលោក វ៉ា សារ៉ង ចៅសង្កាត់ចោមចៅទី២ បានសារភាពកំហុស និងបញ្ជាក់ថា សារសំឡេងនោះពិតជាសំឡេងរបស់លោកប្រាកដមែន។ ចំណែកស្ត្រីជាម្ចាស់សំឡេង ដែលនិយាយចរចាជាមួយចៅសង្កាត់ចោមចៅទី២ ក៏បានសារភាពដែរថា ខ្លួនធ្លាប់ចែកចាយគ្រឿងញៀនចំនួនពីរលើកមកហើយ ។
ជនសង្ស័យឈ្មោះ ស៊ុយ ជីវ៉ា បានបំភ្លឺថា កាលពីថ្ងៃទី៣០ ខែតុលា ឆ្នាំ២០២៤ ខ្លួនត្រូវបានសមត្ថកិច្ចចាប់ខ្លួន និងដោះលែងវិញ ដោយសារមិនពាក់ព័ន្ធនឹងបទល្មើសគ្រឿងញៀន។ ប៉ុន្តែបន្ទាប់ពីដោះលែង បើជាចៅសង្កាត់ចោមចៅទី២ បានទូរសព្ទមកគំរាមកំហែងទារប្រាក់ពីខ្លួន ចំនួន១លានរៀល ជាច្រើនលើកច្រើនសារ ហើយខ្លួនមានការភិតភ័យ ក៏លួចថតសំឡេងលោកចៅសង្កាត់ទុក រួចផ្ញើទៅអ្នកស្គាល់គ្នា ហើយគេក៏យកទៅបង្ហោះលើបណ្តាញសង្គមTikToK ។
សូមបញ្ជាក់ថា នៅថ្ងៃទី២៦ ខែវិច្ឆិកា ឆ្នាំ២០២៤ ក៏បានបែកធ្លាយវីឌីអូរសារសម្លេងឆ្លងឆ្លើយគ្នាតាមទូរសព្ទរវាងលោក វ៉ា សាវ៉ង ចៅសង្កាត់ចោមចៅទី២ ខណ្ឌពោធិ៍សែនជ័យ ជាមួយស្ត្រីម្នាក់ចរចាគ្នារឿងលុយកាក់ពាក់ព័ន្ធនិងគ្រឿងញៀន។ នៅក្នុងសារសំឡេងនោះ លោកចៅសង្កាត់ចោមចៅ២ បានចរចាទារប្រាក់ពីស្ត្រីជាមុខសញ្ញាគ្រឿងញៀនជាច្រើន ហើយស្ត្រីរូបនោះថាមានតែ១០, ២០ម៉ឺនរៀលទេ ក្រោយមកលោកចៅសង្កាត់បង្ខំឱ្យយក១០០ ដុល្លារសិន ដែលគាត់នឹងចេញឲ្យគេហូបបាយ១៥០ដុល្លារ ជាថ្នូរនឹងការមិនចាប់ខ្លួនពាក់ព័ន្ធបទល្មើសគ្រឿងញៀន ។
បន្ទាប់ពីបែកធ្លាយសារសម្លេងនោះ ត្រូវបានអ្នកលេងបណ្តាញសង្គមបង្ហោះចែកចាយបន្តគ្នាព្រោងព្រាត។ ទន្ទឹមនឹងនោះលោកចៅសង្កាត់ចោមចៅទី២ ក៏បានធ្វើការបំភ្លឺដែរថា ជាសារសំឡេងរបស់គាត់ពិតប្រាកដមែន។ តែនៅក្នុងសារសំឡេងនោះ លោក ចៅសង្កាត់បញ្ជាក់ថា ទំនងលោកស្ថិតក្នុងស្ថានភាពស្រវឹងផងដែរ៕
ចែករំលែកព័តមាននេះ