ខេត្តកំពង់ធំ ៖ លោកស្រីប្រធានមន្ទីរព័ត៍មានខេត្តកំពង់ធំ រងការិះគន់ឥតសំចៃពីមន្ត្រីក្រោមឱសាទមួយចំនួនធំនាំគ្នាខ្សឹបប្រាប់ដល់អ្នកសារព័ត៍មានថា! បច្ចុប្បន្ននេះមន្ទីរព័ត៍មានខេត្តកំពង់ធំ ដែលដឹកនាំដោយអ្នកស្រី ង៉ែត ណារីន កំពុងតែរងការរិះគន់ថា ក្នុងនាមអ្នកស្រីជាប្រធានមន្ទីរព័ត៍មានមួយរូបដែលមានមន្ត្រីក្រោមឱវាទរាប់ទាំងមន្ត្រីកិច្ចសន្យា៩រូបផងនោះ…
ខេត្តកំពង់ធំ ៖ លោកស្រីប្រធានមន្ទីរព័ត៍មានខេត្តកំពង់ធំ រងការិះគន់ឥតសំចៃពីមន្ត្រីក្រោមឱសាទមួយចំនួនធំនាំគ្នាខ្សឹបប្រាប់ដល់អ្នកសារព័ត៍មានថា! បច្ចុប្បន្ននេះមន្ទីរព័ត៍មានខេត្តកំពង់ធំ ដែលដឹកនាំដោយអ្នកស្រី ង៉ែត ណារីន កំពុងតែរងការរិះគន់ថា ក្នុងនាមអ្នកស្រីជាប្រធានមន្ទីរព័ត៍មានមួយរូបដែលមានមន្ត្រីក្រោមឱវាទរាប់ទាំងមន្ត្រីកិច្ចសន្យា៩រូបផងនោះ សរុបមានចំនួនជិត៤០នាក់។
ក្រោមការដឹកនាំរបស់លោកស្រីប្រធាន ត្រូវបានមន្ត្រីថ្នាក់ក្រោមឱវាទនិយាយថា លោកស្រីដឹកនាំមានការរើសអើង ប្រកាន់បក្សពួកនិយមហួសហេតុពេក ។ ការងារចុះបេសកកម្មដែលអាចបានចំណូលខ្លះៗលោកស្រីប្រើតែខ្សែខាងខ្លួនឯងតែប៉ុណ្ណោះ សូម្បីតែអស់លោកជាអនុប្រធានមន្ទីរដែលទទួលផ្នែកជំនាញក៏លោកស្រីផ្តាច់ផ្លូវពួកគាត់ដែរ ។ នៅពេលមានអ្វីកើតឡើង លោកស្រីរំលងអនុប្រធានមន្ទីរហើយទៅទំនាក់ទំនងជាមួយប្រធានការិយាល័យដោយផ្ទាល់ ។ ពួកអ្នករិះគន់ថា រឿងរបបសាំងវិញនោះចែកឱ្យតិចតួចស្ទើរតែអត់ ដោយក្នុងមន្ត្រីថ្នាក់ក្រោមបានទទួលសាំងចំនួន១០លីត្រ ថ្នាក់អនុប្រធានការិយាល័យ១៥លីត្រ ប្រធានការិយាល័យម្នាក់២០លីត្រ និងអនុប្រធានមន្ទីរចំនួនពីរនាក់ក្នុងម្នាក់ៗទទួលបានសាំង២៥លីត្រក្នុងរយៈពេល១ឆ្នាំ ខណៈរបបសាំងក្នុង១ឆ្នាំៗខាងមន្ទីរទទួលបានប្រមាណជិត២០០០លីត្រ ឃើញថាក្រោយពីបែងចែកដល់មន្ទ្រីថ្នាក់ក្រោមហើយនោះ សាំងមិនទាន់អស់ពាក់កណ្តាលផងនោះ ។
ចំណែករឿងដែលសំខាន់នោះ ក្រោមការដឹកនាំរបស់លោកស្រី គឺគ្មានទេវប្បធម៍នៃការចែករំលែកដល់កូនចៅថ្នាក់ក្រោមបានគ្រប់ៗគ្នា នូវករណីថវិកាដែលផ្នែកសោទស្សន៍ទទួលបានពីការប្រមូលចំណូលការដាក់តាំងស្លាកសញ្ញាធំៗរបស់ក្រុមហ៊ុនផ្សេងៗរួមនិងការជួលបង្គោលអង់តែនវិទ្យុទៅឱ្យក្រុមហ៊ុនផ្សេងទៀតយកអង់តែនរបស់គេទៅបំពាក់ជាមួយនឹងអង់តែនវិទ្យុផងនោះ ដោយក្នុង១ឆ្នាំៗ ទទួលបានមិនក្រោម២ម៉ឺនដុល្លានោះទេ ។ ពួកគេថា ចំពោះថវិកាទាំងនេះ លោកស្រីប្រធានបែងចែកតែជាមួយនឹងបក្សពួកមួយចំនួនតូចតែប៉ុណ្ណោះ ហើយមន្ត្រីជាច្រើនទៀតពុំដែលបានទទួលនោះទេ ធ្វើឱ្យមានការខកចិត្ត និងបែកបាក់គ្នាយ៉ាងធំស្ទើរពេញមន្ទីរទៅហើយ ។
ម្យ៉ាងវិញទៀតនៅរៀងរាល់ពិធីបុណ្យដែលជាបុណ្យជាតិធំៗ មានដូចជាបុណ្យភ្ជុំបិណ្ឌ បុណ្យចូលឆ្នាំប្រពៃណីជាតិខ្មែរជាដើម ។ល។…មន្ត្រីក្រោមឱវាទមិនដែលបានទទួលប្រាក់លើកទឹកចិត្តពីមេដែលជាប្រធានមន្ទីរចំនួន៤ឬក៏១០ម៉ឺនរៀលទេ ជួនពេលខ្លះយូរៗមន្ត្រីក្រោមឱវាទធ្លាប់បានទទួលស្រោមសំបុត្រម្តងម្កាលដែរ ដោយនៅក្នុងស្រោមសំបុត្រនោះបើកទៅពួកគាត់ឃើញមានប្រាក់ចំនួន២០០០០៛(ពីរម៉ឺនរៀល)ប៉ុណ្ណោះ ។ ស្របជាមួយនឹងស្រោមសំបុត្រនេះផងដែរ លោកស្រីប្រធានមន្ទីរក៏មិនភ្លេចពោលពាក្យប្រាប់ដល់មន្ត្រីថ្នាក់ក្រោមផងដែរថា ប្រាក់បន្តិចបន្តួចនេះគឺជាថវិការផ្ទាល់ខ្លួនរបស់លោកស្រី ក្រោមចម្ងល់ថាចុះថវិកាដែលបានមកពីផ្នែកសោទស្សន៍ក្នុង១ឆ្នាំៗរាប់ម៉ឺនដុល្លាបាត់ទៅណាអស់?
ពាក់ព័ន្ធនឹងបញ្ហាខាងលើ លោកស្រី សេក សាវ៉េត ប្រធានការិយាល័យវិទ្យុនៃមន្ទីរព័ត៍មានប្រាប់ថាសព្វថ្ងៃនេះខាងវិទ្យុរបស់លោកស្រីអត់មានចំណូលចូលអញ្ចឹងហ្មង ហើយរឿងថវិការដែលបានមកពីផ្នែកសោទស្សន៍លោកស្រីអត់ដឹងទេ ។
លោកស្រី អ៊ូជ សុជាតិ ប្រធានការិយាល័យរដ្ឋបាលមន្ទីរ នៅពេលខាងសារព័ត៍មានយើងសូមសួរពីរឿងរបបសាំង និងរឿងថវិការដែលបានមកពីខាងសោទស្សន៍ លោកស្រីប្រាប់ថា អត់ដឹងទេ ។
ចំណែកលោក អ៊ុំ ញ៉ឹប ប្រធានការិយាល័យផ្នែកទូរទស្សន៍បានប្រាប់ថាបញ្ហាករណីថវិកាសោទស្សន៍ លោកបានទទួលជាភាគរយខ្លះដែរ ហើយវាជាការងាររបស់មេអ្នកណាបាន អ្នកណាអត់ លោកអត់ដឹងទេ ។
លោក សូហ៊ាន ឆេងអាន អនុប្រធានមន្ទីរព័ត៍មានប្រាប់ថា ករណីរឿងថវិកាដែលបានមកពីផ្នែកសោទស្សន៍ និងការជួលអង់តែនវិទ្យុឱ្យគេបំពាក់អង់តែនផ្សេងៗនោះ រូបលោកមិនដែលបានទទួលនោះទេ បច្ចុប្បន្នលោកកំពុងជាប់សិក្សានៅសាលាខេមរៈភូមិន្តបន្ត ។
លោក ប៉ាត ពន្នរាយ អនុប្រធានមន្ទីរប្រាប់ថា ក្នុងនាមអនុប្រធានមន្ទីរ១រូបទទួលខាងជំនាញនឹងគេដែរ មានការងារអីពាក់ព័ន្ធ ត្រូវបានមេ រំលងលោកចោល បែរជាមេមកជួបនឹងប្រធានការិយាល័យផ្ទាល់ទៅវិញ ហើយចំពោះថវិការបានមកពីផ្នែកសោទស្សន៍រូបលោកក៏មិនដែលបានទទួលនោះដែរ។
ជុំវិញរកណីខាងលើ លោកស្រី លឹម ពីយ៉ាលីន ប្រធានការិយាល័យផ្នែកសោទស្សន៍ នៅពេលអ្នកសារព័ត៍មានយើងខលសុំសួរតាមទូរស័ព្ទអំពីរឿងថវិការដែលទទួលបានពីខាងសោទស្សន៍កាលពីរសៀលថ្ងៃទី២៤ ខែកក្កដា ឆ្នាំ២០២៥ អ្នកស្រីប្រាប់ថា អ្នកស្រីជាប់ទៅវត្តជាមួយសាច់ញាតិស្តាប់អត់បានទេ
រហូតដល់ព្រឹកថ្ងៃទី២៥ ខែកក្កដា នៅពេលខាងសារព័ត៍មានយើងសួរសំនួរដដែល អ្នកស្រីមានប្រសាន៍ថា អ្នកស្រីជាប់រវល់ហើយជាប់ណាត់ជាមួយពេទ្យទៀត សូមបងអញ្ជើងមកជួបនៅមន្ទីរមក ។
ជុំវិញបញ្ហាដ៏ចម្រូងចម្រាសខាងលើនេះ កាលពីរសៀលថ្ងៃទី២៤ ខែកក្កដា ឆ្នាំ២០២៥ អ្នកសារព័ត៍មានយើងបានសុំប្រសាសន៍បំភ្លឺពីលោកស្រី ង៉ែត ណារីន ប្រធានមន្ទីរព័ត៍មានខេត្តតាមទូរស័ព្ទដែរ តែត្រូវបានលោកស្រីប្រាប់ថា ជាប់រវល់នៅសៀមរាបស្តាប់អត់បានទេ ហើយក៏បិទទូរស័ព្ទទៅ ។ លុះដល់ព្រឹកថ្ងៃទី២៥ ខែកក្កដា នៅពេលអ្នកសារព័ត៍មានយើងខលចូលអ្នកស្រីទទួលថាអាឡូហើយក៏បិទទូរស័ព្ទទៅ ខាងសារព័ត៍មានយើងព្យាយាមខលទៅលោកស្រីទៀត តែគ្មានអ្នកទទួល ពុំអាចសុំសេចក្តីបំភ្លឺបាននោះទេ ទើបសារព័ត៍មានយើងសម្រេចផ្សាយត្រឹមតែម៉ាដឹងប៉ុណ្ណោះ ។ ប្រសិនលោកស្រីសុំបំភ្លឺនៅពេលណាមួយ យើងនឹងសម្រេចចុះផ្សាយតាមក្រោយទៀត ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ