ខ្មែរសាមគ្គីខ្មែរ អភិបាលរងខណ្ឌ៧មករា នាំយកស្បៀងចែកជូន វីរកងទ័ពជួរមុខ
រាជធានីភ្នំពេញ ៖ លោក កេត ឧត្តម អភិបាលរង ដឹកនាំប្រតិភូខណ្ឌ៧មករា នាំយកនូវស្បៀង ពីសប្បុរសជនទូទាំងខណ្ឌ សម្រាប់ចែកជូនវីរកងទ័ពជួរមុខ…
រាជធានីភ្នំពេញ ៖ លោក កេត ឧត្តម អភិបាលរង ដឹកនាំប្រតិភូខណ្ឌ៧មករា នាំយកនូវស្បៀង ពីសប្បុរសជនទូទាំងខណ្ឌ សម្រាប់ចែកជូនវីរកងទ័ពជួរមុខ នៅឯខេត្តព្រះវិហារ ។
នារសៀលថ្ងៃទី០១ ខែសីហា ឆ្នាំ២០២៥ ប្រតិភូខណ្ឌ៧មករា ដឹកនាំដោយលោក កេត ឧត្តម អភិបាលរងខណ្ឌ៧មករា អ្នកតំណាងលោក ថេង សុថុល អភិបាលខណ្ឌ៧មករា បាននាំយកអំណោយសប្បុរសធម៌ ចែកជូនដល់កងទ័ពជួរមុខកម្លាំងកងពលតូចអន្តរាគមន៍លេខ៣៩៣ ស្ថិតនៅក្នុងភូមិរុងរឿងមួយ ឃុំទឹកក្រហម ស្រុកជាំក្សាន្ត ខេត្តព្រះវិហារ ។
ក្នុងឱកាសនេះដែរ លោក កេត ឧត្តម បានសម្តែងការគោរពដ៏ខ្ពង់ខ្ពស់ខ្ពស់ និងផ្ញើសារសួរសុខទុក្ខពីលោក ថេង សុថុល អភិបាលខណ្ឌ៧មករា ជូនដល់ កងកម្លាំងវីរកងទ័ពជួរមុខទាំងអស់ សូមជូនពរ ឲ្យកងទ័ពទាំងអស់ប្រកបដោយសុខភាពល្អ កម្លាំងរឹងមាំ មានទឹកចិត្តក្លាហាន ដើម្បីបន្តបម្រើភារកិច្ចការពារព្រំដែនជាតិ ឈ្នះមារសត្រូវ ដោយជោគជ័យ និងសុវត្ថិភាពពេញលេញ ។
សូមបញ្ជាក់ថា សកម្មភាពនេះ គឺជាការចងសម្ព័ន្ធមេត្រីភាព រវាងរដ្ឋបាលខណ្ឌ៧មករា និងរដ្ឋបាលខណ្ឌទួលគោក ដែលបានសហការគ្នានាំយក គ្រឿងឧបភោគបរិភោគ និងសម្ភារៈប្រើប្រាស់ ជាច្រើនប្រភេទ ជួយដល់វីរកងទ័ពជួរមុខ ដើម្បីលើកទឹកចិត្ត របស់កងកម្លាំងដ៏អង់អាចខ្លាហាន ពលីជីវិតការពារដែនអធិបតេយ្យភាពកម្ពុជា ៕
ចែករំលែកព័តមាននេះ