ADផ្ទាំងផ្សព្វផ្សាយពាណិជ្ជកម្ម

Picture

មន្ត្រី​​បរិស្ថាន​ខេត្ត​ប៉ៃលិន ចាត់វិធានការលើរោងចក្រ​កែ​ច្នៃ​ដំណាប់​ស្វាយ​មួយ​កន្លែង ដែល​បញ្ចេញ​សំណល់​រាវ​ប៉ះពាល់​ដល់​ប្រភព​ទឹក​សាធារណៈ

1 ថ្ងៃ មុន

រាជធានី​ភ្នំពេញ ​៖ ដោយ​ទទួល​បានការ​រាយការណ៍​ពី​ប្រជាពលរដ្ឋ និង​បណ្តាញ​ព័ត៌មាន «ទឹក​មាន​ក្លិនស្អុយ ហូរ​ពី​ផ្នែក​ខាងលើ​ចូល​ក្នុង​អូរ បណ្តាល​ឲ្យ​ងាប់​ត្រី និង​ប៉ះពាល់​ដល់​ការ​ប្រើប្រាស់​របស់​ប្រជាពលរដ្ឋ​ច្រើន​គ្រួសារ» ក្រុមការងារ​ជំនាញ ​នៃ​មន្ទីរ​បរិស្ថាន​ខេត្ត​ប៉ៃលិន…

រាជធានី​ភ្នំពេញ ​៖ ដោយ​ទទួល​បានការ​រាយការណ៍​ពី​ប្រជាពលរដ្ឋ និង​បណ្តាញ​ព័ត៌មាន «ទឹក​មាន​ក្លិនស្អុយ ហូរ​ពី​ផ្នែក​ខាងលើ​ចូល​ក្នុង​អូរ បណ្តាល​ឲ្យ​ងាប់​ត្រី និង​ប៉ះពាល់​ដល់​ការ​ប្រើប្រាស់​របស់​ប្រជាពលរដ្ឋ​ច្រើន​គ្រួសារ» ក្រុមការងារ​ជំនាញ ​នៃ​មន្ទីរ​បរិស្ថាន​ខេត្ត​ប៉ៃលិន ​សហការ​ជាមួយ​រដ្ឋបាល​ស្រុក​សាលា​ក្រៅ និង​ប្រជាពលរដ្ឋ​ក្នុង​មូលដ្ឋាន នៅ​ថ្ងៃ​ទី​១៦ ខែមីនា ឆ្នាំ​២០២៥ បាន​រក​ឃើញ​មាន​ករណី​ត្រី​ងាប់ ក្នុង​អូរ​នៅ​ចំណុច​ក្បាល​ឡាន ស្ថិត​នៅ​ភូមិ​ភ្នំ​ស្ពង់ ឃុំ​សាលា​ក្រៅ ស្រុក​សាលា​ក្រៅ ខេត្ត​ប៉ៃលិន​ ។

ក្រុមការងារ បាន​ចុះ​ត្រួតពិនិត្យ និង​បាន​រក​ឃើញ​ថា ទីតាំង​ក្រុមហ៊ុន​កាង​ស៊ិ​ន​ឡុ​ង​ហ្វូ​ត ដែល​មាន​រោងចក្រ​កែ​ច្នៃ​ដំណាប់​ស្វាយ​ ស្ថិតនៅ​ភូមិ​អូរ​រអិល ឃុំ​ស្ទឹង​កាច់ ស្រុក​សាលា​ក្រៅ​បាន​បញ្ចេញ​សំណល់​រាវ​មិន​ត្រឹមត្រូវ​តាម​ច្បាប់ ហើយ​សំណល់​រាវ​របស់​រោងចក្រ​ ត្រូវ​បាន​រក​ឃើញ​មាន​សភាព​ល្អក់ មាន​ក្លិន​ជូ ផ្អូម​ខ្លាំង ចេញ​តាម​លូ​របស់​រោងចក្រ ទៅ​ក្នុង​ប្រភព​លូ​ទឹក​សាធារណៈ ដែល​បង្ក​ឱ្យ​ត្រី​ក្នុង​អូរ​ធម្មជាតិ​ ក្បាល​ឡាន​មាន​ក្លឹ​ន​ជូ ផ្អូម​ខ្លាំង នៅ​ក្បែរ​នោះ​ងាប់​ ។

ប្រជាពលរដ្ឋ​ទទួល​រង​ផល​ប៉ះពាល់​ផ្ទាល់​ខ្វះខាត​ទឹក​ប្រើប្រាស់ នៅ​ចំណុច​ក្បាល​ឡាន ភូមិ​ភ្នំ​ស្ពង់ ឃុំ​សាលា​ក្រៅ មានចំនួន ៤៧​គ្រួសារ​។ ជាមួយ​គ្នា​នេះ ក្រុមការងារ​បាន​ត្រួតពិនិត្យ​ឃើញ​ថា​ ក្រុមហ៊ុន ត្រូវ​បាន​បើក​ដំណើរការ​ផលិតកម្ម​កែ​ឆ្នៃ​ដំណាប់​ស្វាយ បាន​រយៈពេល​១៥​ថ្ងៃ ហើយ​អាង​ប្រព្រឹត្តិកម្ម​របស់​រោងចក្រ​ មិន​បាន​ដំណើរការ​នោះ​ឡើយ ​។

សូម​បញ្ចា​ក់ថា ក្រុមការងារ​ជំនាញ​បរិស្ថាន បាន​ចុះ​ពិនិត្យ​លើ ​៤​ទីតាំង ​នៅ​ជុំវិញ​រោងចក្រ ​នៃ​ទីតាំង​ក្រុមហ៊ុន​កាង​ស៊ិ​ន​ឡុ​ង​ហ្វូ​ត និង​ ១​ទីតាំង​នៅ​ក្នុង​រោងចក្រ​ផ្ទាល់​តែ​ម្តង​ ។

ដើម្បី​ឆ្លើយ​តប​ចំពោះ​ការ​ប្រព្រឹត្ត​ជាក់ស្តែង​របស់​ក្រុមហ៊ុន​កាង​ស៊ិ​ន​ឡុ​ង​ហ្វូ​ត ក្រុមការងារ​បាន​ធ្វើការ​ណែនាំ​ និង​អនុវត្ត​ច្បាប់​ដូច​ខាងក្រោម​៖
-តម្រូវ​ឱ្យ​ក្រុមហ៊ុន​ត្រូវ​បញ្ឈប់​ការ​បញ្ចេញ សំណល់​រាវ ចូល​ទៅ​ប្រភព​ទឹក​សាធារណៈ​ ដោយ​មិន​បាន​ឆ្លងកាត់​ការ​ធ្វើ​ប្រតិកម្ម​ត្រឹមត្រូវ​តាម​បច្ចេកទេស ទោះ​ក្នុង​រូបភាព ​ឬ​គោលបំណង​ណា​ក៏​ដោយ​ ។
-ត្រូវ​រៀបចំ​កែសម្រួល​អាង​ប្រព្រឹត្តិកម្ម​ចំណ​ល់​រាវ​ឲ្យ​បាន​ត្រឹមត្រូវ ​។
-ត្រូវ​រៀបចំ​របាយការណ៍​វាយតម្លៃ​ផង​ប៉ះពាល់​បរិស្ថាន និង​សង្គម ឲ្យ​បាន​ត្រឹមត្រូវ​ ។
-រាល់​ដំណើរការ​រោងចក្រ ត្រូវ​អនុវត្ត​ឱ្យ​បាន​ត្រឹមត្រូវ​តាម​ច្បាប់ លិខិត​បទដ្ឋាន​នានា ជៀសវាង​បង្ក​ផល​ប៉ះពាល់​ដល់​បរិស្ថាន សង្គម ជា​ពិសេស​សុខភាព និង​ការ​រស់នៅ​របស់​ប្រជាពលរដ្ឋ ​។

ក្រុមការងារ​ ក៏បាន​ចុះ​យក​សំណាក​ទឹក មក​ពិនិត្យ​នៅ​មន្ទីរពិសោធន៍​ក្រសួងបរិស្ថាន ដើម្បី​ចាត់ការ​នីតិវិធី​ច្បាប់​បន្ត​។ ដោយឡែក​ ក្រុមហ៊ុន​បាន​បញ្ចេញ​សំណល់​រាវ ល្មើស​នឹង​ច្បាប់​ពាក់ព័ន្ធ​ការ​គ្រប់គ្រង​ការ​បំពុល​ទឹក ជា​ពិសេស​ក្រម​បរិស្ថាន​ និង​ធនធានធម្មជាតិ ដែល​បាន​អនុម័ត​ឱ្យ​ប្រើប្រាស់​នៅ​ឆ្នាំ​២០២៣ បាន​កំណត់​នៅ​ក្នុង​មាត្រា​២៨០ មាត្រា​២៨៤ បាន​កំណត់​ការ​រៀបចំ​ផែនការ​សកម្មភាព​គ្រប់គ្រង​ការ​បំពុល​ទឹក​សាធារណៈ ការ​ចាត់វិធានការ​ក្នុង​ករណី​មានការ​បំពុល​ទឹក​សាធារណៈ និង​ត្រង​ចំណុច​ការ​ត្រួតពិនិត្យ​ការ​បំពុល​ទឹក​ពី​ប្រភព​ជាក់លាក់ ​៖ មាត្រា​២៨៦ មាត្រា​២៨៧ ដែល​បាន​កំណត់​អំពី​ការ​ស្នើ​សុំ​លិខិតអនុញ្ញាត​បញ្ចេញ​សំណល់​រាវ របស់​ប្រភព​បំពុល​ជាក់លាក់ ព្រមទាំង​ការ​ទទួលខុសត្រូវ​របស់​ម្ចាស់​ប្រភព​បំពុល​ទាំងនោះ​ ៕

អត្ថបទសរសេរ ដោយ

អត្ថបទសរសេរ ដោយ

កែសម្រួលដោយ