រាជធានីភ្នំពេញ ៖ បន្ទាប់ពីមានការរិះគន់ពីសាធារណជន អ្នកលេងបណ្តាញសង្គមលើក្រុមអ្នកសារព័ត៌មានអនឡាញមួយចំនួន ចំពោះសកម្មភាពរាយការណ៍ព័ត៌មាន ហួសព្រំដែនកំណត់ មន្ត្រីជាន់ខ្ពស់ក្រសួងព័ត៌មាន បានស្នើឲ្យអ្នកសារព័ត៌មានអនឡាញ ដែលកំពុងបំពេញភារកិច្ចនៅលើដងផ្លូវក្នុងរាជធានីភ្នំពេញ ដើម្បីលើកកម្ពស់…
រាជធានីភ្នំពេញ ៖ បន្ទាប់ពីមានការរិះគន់ពីសាធារណជន អ្នកលេងបណ្តាញសង្គមលើក្រុមអ្នកសារព័ត៌មានអនឡាញមួយចំនួន ចំពោះសកម្មភាពរាយការណ៍ព័ត៌មាន ហួសព្រំដែនកំណត់ មន្ត្រីជាន់ខ្ពស់ក្រសួងព័ត៌មាន បានស្នើឲ្យអ្នកសារព័ត៌មានអនឡាញ ដែលកំពុងបំពេញភារកិច្ចនៅលើដងផ្លូវក្នុងរាជធានីភ្នំពេញ ដើម្បីលើកកម្ពស់ «ក្រមសីលធម៌វិជ្ជាជីវៈ»និងការគោរព «សិទ្ធិ
បុគ្គល»។
លោក អ៊ុក គឹមសេង អនុរដ្ឋលេខាធិការក្រសួងព័ត៌មានបានសរសេលើបណ្តាញសង្គម នៅថ្ងៃទី២ ខែឧសភា ឆ្នាំ២០២៦ ថា សីលធម៌!ខ្ញុំសូមចូលរួមណែនាំ និងរំលឹកស្មារតីក្នុងន័យស្ថាបនា ផ្ញើជូនដល់បងប្អូនអ្នកសារព័ត៌មានអនឡាញ ដែលកំពុងបំពេញភារកិច្ចនៅលើដងផ្លូវក្នុងរាជធានីភ្នំពេញ ដើម្បីលើកកម្ពស់ «ក្រមសីលធម៌វិជ្ជាជីវៈ» និងការគោរព «សិទ្ធិបុគ្គល» ។
លោកអនុរដ្ឋលេខាបានលើកឡើងថា ការផ្សាយព័ត៌មានដោយការទទួលខុសត្រូវ ។ ក្នុងនាមជាអ្នកនាំសារទៅកាន់សាធារណជន ល្បឿននៃព័ត៌មានគឺជារឿងសំខាន់ ប៉ុន្តែ «តម្លៃនៃសេចក្តីថ្លៃថ្នូរ និងសីលធម៌» គឺជារឿងដែលមិនអាចខ្វះបានឡើយ ។ ដើម្បីឱ្យវិជ្ជាជីវៈសារព័ត៌មានអនឡាញទទួលបានការគាំទ្រ និងគោរពពីមហាជន ។
ជាមួយគ្នានោះដែរ លោកអ៊ុក គឹមសេង បានស្នើឲ្យអ្នកសារព័ត៌មានអនឡាញថា សូមបងប្អូនមេត្តាពិចារណានូវចំណុចសំខាន់ៗដូចខាងក្រោម ៖
១-គោរពសិទ្ធិឯកជនភាព និងសេចក្តីថ្លៃថ្នូរ។ កុំថតរូបភាពបង្ហាញមុខជនរងគ្រោះ ៖ក្នុងករណីគ្រោះថ្នាក់ចរាចរណ៍ ឬហិង្សា សូមចៀសវាងការផ្សាយបន្តផ្ទាល់ (Live) ដោយបង្ហាញមុខជនរងគ្រោះក្នុងស្ថានភាពអាណោចអាធម ឬស្លាប់បាត់បង់ជីវិត ។ វាគឺជាការមិនផ្តល់កិត្តិយសដល់សាកសព និងបង្កើតការឈឺចាប់បន្ថែមដល់ក្រុមគ្រួសារសាច់ញាតិ។ ការបិទបាំងអត្តសញ្ញាណ៖ បើទោះបីជាស្ថិតក្នុងទីសាធារណៈ ប៉ុន្តែការបង្ហាញមុខមាត់អ្នកពាក់ព័ន្ធក្នុងជម្លោះ ឬកំហុសឆ្គងបន្តិចបន្តួច ដោយគ្មានការអនុញ្ញាត អាចប៉ះពាល់ដល់កិត្តិយស និងជីវិតឯកជនរបស់គេយូរ
អង្វែង។
២-ចៀសវាងការកាត់សេចក្តីដោយខ្លួនឯង។ អ្នកសារព័ត៌មានមានតួនាទីរាយការណ៍ហេតុការណ៍មិនមែនជាចៅក្រមកាត់សេចក្តីឡើយ ។ សូមកុំប្រើសម្តីវាយប្រហារ បង្អាប់បង្អោន ឬប្រើពាក្យអសុរោះទៅកាន់ភាគីណាមួយនៅចំពោះមុខកាមេរ៉ា ។
៣-សុវត្ថិភាព និងការបង្កការរំខាន
សូមកុំដណ្តើមគ្នាថតរូបភាពរហូតដល់រំខានដល់ប្រតិបត្តិការរបស់សមត្ថកិច្ច ឬក្រុមគ្រូពេទ្យសង្គ្រោះបន្ទាន់ ។ ការចោមរោមថតជិតពេក ឬការសួរដេញដោលជនរងគ្រោះដែលកំពុងតក់ស្លុត គឺជាទង្វើខ្វះមនុស្សធម៌។
៤-មាតិកាសារព័ត៌មានដែលមានគុណតម្លៃ ។ព័ត៌មានដែលល្អ មិនមែនជាព័ត៌មានដែលផ្ដោតតែលើ “ឈាម និងទឹកភ្នែក” ដើម្បីទាញយក View នោះទេ។ ព័ត៌មានដែលល្អ គឺជាព័ត៌មានដែលផ្ដល់ចំណេះដឹង ការដាស់តឿនឱ្យប្រុងប្រយ័ត្ន និងការគោរពច្បាប់។
លោកបានបន្ថែមថា កាមេរ៉ានៅក្នុងដៃរបស់បងប្អូន គឺជាអាវុធមុខពីរ។ បើប្រើវាដោយសីលធម៌ វាគឺជាពន្លឺនៃយុត្តិធម៌ ប៉ុន្តែបើប្រើវាដោយខ្វះការពិចារណា វាអាចនឹងក្លាយជាឧបករណ៍បំផ្លាញជីវិតអ្នកដទៃ។ មន្ត្រីជាន់ខ្ពស់ក្រសួងព័ត៌មានក៏សង្ឃឹមថា បងប្អូនអ្នកសារព័ត៌មានអនឡាញទាំងអស់ នឹងរួមគ្នាលើកកម្ពស់តម្លៃវិជ្ជាជីវៈ ដើម្បីសង្គមមួយដែលមានសណ្ដាប់ធ្នាប់ និងការយោគយល់
គ្នា ៕
ចែករំលែកព័តមាននេះ