កាលពីត្រីមាសទី១នៃឆ្នាំ២០២៥កម្ពុជាធ្លាប់នាំចូលម៉ាស៊ូតពីថៃតម្លៃដល់ទៅជិត១០៣លានដុល្លារ សាំងជាង៦៧លានដុល្លារ នៅត្រីមាសទី១នៃឆ្នាំ២០២៦គឺមិនមាននៅក្នុងបញ្ជីនាំចូលទៀតឡើយ ។ ប្រភពមួយបានបង្ហើបថា សម្រាប់ម៉ាស៊ូតនៅក្នុងអំឡុងត្រីមាសទី១ឆ្នាំនេះ កម្ពុជានាំចូលសរុបដល់ទៅជិត៣៦៦លានដុល្លារ នៅក្នុងនោះកម្ពុជានាំចូលពីសិង្ហបុរីដល់ទៅជាង ២៥៣,៥ លាដុល្លារ…
កាលពីត្រីមាសទី១នៃឆ្នាំ២០២៥កម្ពុជាធ្លាប់នាំចូលម៉ាស៊ូតពីថៃតម្លៃដល់ទៅជិត១០៣លានដុល្លារ សាំងជាង៦៧លានដុល្លារ នៅត្រីមាសទី១នៃឆ្នាំ២០២៦គឺមិនមាននៅក្នុងបញ្ជីនាំចូលទៀតឡើយ ។
ប្រភពមួយបានបង្ហើបថា សម្រាប់ម៉ាស៊ូតនៅក្នុងអំឡុងត្រីមាសទី១ឆ្នាំនេះ កម្ពុជានាំចូលសរុបដល់ទៅជិត៣៦៦លានដុល្លារ នៅក្នុងនោះកម្ពុជានាំចូលពីសិង្ហបុរីដល់ទៅជាង ២៥៣,៥ លាដុល្លារ ក្រៅពីនោះមានពីម៉ាឡេស៊ីជាង៣៩,៨លានដុល្លារ ។
ប្រភពដដែលបានបន្តថា ដើម្បីធានាការផ្គត់ផ្គង់នៅក្នុងស្រុកនៅត្រីមាសនេះកម្ពុជាបាននាំចូលម៉ាស៊ូតតាំងពីចិន ៣៩,៦លានដុល្លារ កូរ៉េខាងត្បូងជិត១៤លានដុល្លារ ជប៉ុនជិត១០លានដុល្លារ និងប្រុយណេជាង៩លានដុល្លារ ។
សម្រាប់ប្រេងសាំងវិញនៅត្រីមាសនេះកម្ពុជានាំចូលសរុបជិត២៥៨លានដុល្លារ ដោយនាំចូលពីសិង្ហបុរីដល់ទៅ ជាង ២១៨ លានដុល្លារ ម៉ាឡេស៊ី២៦,៦ លានដុល្លារ អារ៉ាប៊ីសាអូឌីតជាង៩លានដុល្លារ និងពីវៀតណាមជិត៤លានដុល្លារ ៕
ចែករំលែកព័តមាននេះ