ពិធីគោរពវិញ្ញាណក្ខន្ធ និងរំលែកទុក្ខដ៏ក្រៀមក្រំចំពោះវីរយុទ្ធជនពលី លោកអនុសេនីយ៍ឯក សុក ណាវុន
- ព្រះវិហារ
ខេត្តព្រះវិហារ៖ នៅរសៀលថ្ងៃទីព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា…
ខេត្តព្រះវិហារ៖ នៅរសៀលថ្ងៃទីព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ ឧត្តមសេនីយ៍ទោ ឈឺន វណ្ណី មេបញ្ជាការរង កងពលធំអន្តរាគមន៍លេខ៣ តំណាងដ៏ខ្ពង់ខ្ពស់ ឯកឧត្តម ឧត្ដមសេនីយ៍ឯក ស្រី ឌឹក មេបញ្ជការរង កងទ័ពជើងគោក មេបញ្ជាការ កងពលធំអន្តរាគមន៍លេខ៣ បានអញ្ជើញដឹកនាំជំនាញ ការិយាល័យទី៥ កងពលធំអន្តរាគមន៍លេខ៣ និងជំនាញ ការិយាល័យទី៥ កងពលតូចអន្តរាគមន៍លេខ៧,លេខ៨,លេខ៩ និងប្រតិភូអមតំណើរ បានអញ្ជើញចូលរួមគោរពវិញ្ញាណក្ខន្ធ វីរៈយុទ្ធជន លោក អនុសេនីយ៍ឯក សុក ណាវុន ដែលបានពលីជីវិតនាថ្ងៃទី១៧ ខែធ្នូ ឆ្នាំ២០២៥ ។ សពបានតម្កលធ្វើបុណ្យទៅតាមប្រពៃណីនៅក្នុងវត្តគោកបេង ស្ថិតនៅក្នុងភូមិគោកបេង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
ក្នុងឱកាសដ៏ក្រៀមក្រំបំផុតនេះ ឯកឧត្តម មេបញ្ជាការរង បានពាំនាំពាក្យផ្តាំផ្ញើសួរសុខទុក្ខ និងរំលែកទុក្ខ ពីសំណាក់ឯលឧត្តម មេបញ្ជាការ ក្នុងនាមថ្នាក់ដឹកនាំ ក៏ដូចជាកងកម្លាំង កងពលធំអន្តរាគមន៍លេខ៣ និងកងពលតូចអន្តរាគមន៍លេខ៧, កងពលតូចអន្តរាគមន៍លេខ៨,កងពលតូចអន្តរាគមន៍លេខ៩ ទាំងអស់ សូមចូលរួមសម្ដែងនូវមរណៈទុក្ខ ដ៏ក្រៀមក្រំនេះ ព្រមទាំងសោកស្តាយជាពន់ពេក ចំពោះការបាត់បង់យោធិនសំខាន់មួយរូប ដែលកន្លងមកលោកបានលះបង់កម្លាំងការយកចិត្ត បំពេញភារកិច្ចជូនជាតិមាតុភូមិ និងប្រជាជន ទៅតាមបទបញ្ជារបស់ថ្នាក់លើប្រគល់ជូនបានយ៉ាងល្អ ទន្ទឹមនឹងនោះ ឯកឧត្តម មេបញ្ជាការរង ក៏បាននាំយកនូវថវិកាមួយចំនួន ក្នុងនោះថវិកាមូលនិធិមរណភាព របស់កងពលធំអន្តរាគមន៍លេខ៣ ចំនួន១០លានរៀល ថវិកាមូលនិធិមរណភាព របស់កងពលតូចអន្តរាគមន៍លេខ៧ ចំនួន១លានរៀល និងថវិកាមូលនិធិមរណភាព របស់កងពលតូចអន្តរាគមន៍លេខ៨ ចំនួន៥០ម៉ឺនរៀល និងថវិកាមូលនិធិមរណភាព របស់កងពលតូចអន្តរាគមន៍លេខ៩ ចំនួន៥០ម៉ឺនរៀលសរុប ចំនួន១២លានរៀល ប្រគល់ជូនដល់គ្រួសារនៃសព ៕ ប្រភព ៖ កងទ័ពជើងគោកនៃកងយោធពលខេមរភូមិន្ទ
ចែករំលែកព័តមាននេះ