រាជធានីភ្នំពេញ ៖ ផ្ទះធ្វើពីឈើប្រក់ស័ង្កសីដែលសង់ជាប់ៗគ្នាចំនួន ៥ខ្នង តាមមាត់ប្រឡាយទឹកស្អុយបឹងសាឡាង ស្ថិតនៅសង្កាត់បឹងសាឡាង ខណ្ឌទួលគោក រាជធានីភ្នំពេញ ត្រូវបានអគ្គីភ័យឆាបឆេះយ៉ាងសន្ធោសន្ធៅបណ្ដាលឱ្យរងការខូចខាតទាំងស្រុង។ ហេតុការណ៍នេះបានកើតឡើងនិងបង្កឲ្យមានការភ្ញាក់ផ្អើលកាលពីវេលាម៉ោង…
រាជធានីភ្នំពេញ ៖ ផ្ទះធ្វើពីឈើប្រក់ស័ង្កសីដែលសង់ជាប់ៗគ្នាចំនួន ៥ខ្នង តាមមាត់ប្រឡាយទឹកស្អុយបឹងសាឡាង ស្ថិតនៅសង្កាត់បឹងសាឡាង ខណ្ឌទួលគោក រាជធានីភ្នំពេញ ត្រូវបានអគ្គីភ័យឆាបឆេះយ៉ាងសន្ធោសន្ធៅបណ្ដាលឱ្យរងការខូចខាតទាំងស្រុង។
ហេតុការណ៍នេះបានកើតឡើងនិងបង្កឲ្យមានការភ្ញាក់ផ្អើលកាលពីវេលាម៉ោង ២រសៀលថ្ងៃទី ១ខែឧសភាឆ្នាំ ២០២៦នេះ ហើយរថយន្តពន្លត់អគ្គីភ័យជាច្រើនគ្រឿងបានទៅអន្តរាគមន៍បាញ់ពន្លត់។
តាមព័ត៌មានបានឲ្យដឹងថា នៅមុនពេលកើតហេតុ គេឃើញភ្លើងបានឆាប់ឆេះចេញពីបន្ទប់នៅផ្ទះជួលមួយហើយបានឆេះរាលដាលយ៉ាងសន្ធោសន្ធៅពេញបន្ទុក ។ ភ្លាមៗនោះបង្កឲ្យមានការភ្ញាក់ផ្អើលដល់ប្រជាពលរដ្ឋនាំគ្នាជញ្ជូនអីវ៉ាន់ចេញនិងទាក់ទងហៅរថយន្តពន្លត់អគ្គិភ័យជាច្រើនគ្រឿងទៅអន្តរាគមន៍បាញ់ពន្លត់ហើយភ្លើងបានរលត់ទៅវិញ។
តាមព័ត៌មានបឋម បានឲ្យដឹងថា ផ្ទះចំនួន៥ខ្នងត្រូវបានអគ្គីភ័យឆាប់ឆេះរងការខូចខាតទាំងស្រុង នៅក្នុងនោះមានផ្ទះជួលមួយខ្នងមាន១០បន្ទប់ដែលជាផ្ទះដើមភ្លើងត្រូវភ្លើងឆេះរងការខូចខាតទាំងស្រុងនិងឆេះរាលដាទៅផ្ទះធ្វើអំពីឈើប្រក់ស័ង្កសីដែលនៅជាប់ៗគ្នានោះ ចំនួន៤ខ្នងទៀតបណ្ដាលឱ្យរងការខូចខាតទាំងស្រុង។
ពុំទាន់មានព័ត៌មានអះអាងថា មានមនុស្សរងគ្រោះថ្នាក់ឡើយនៅក្នុងហេតុការណ៍នៃគ្រោះអគ្គិភ័យនេះ។ ទោះបីជាយ៉ាងណា គេពុំទាន់ដឹងពីមូលហេតុនៃការកើតមានអគ្គីភ័យនេះឡើយ។
បើតាមព័ត៌មានខ្លះអះអាងថា បណ្ដាលមកពីឆ្លងចរន្តអគ្គិសនីនៅបន្ទប់ជួលដែលជាផ្ទៈ ដើមភ្លើងនោះ៕
ចែករំលែកព័តមាននេះ