រាជធានីភ្នំពេញ ៖ ភោជនីយដ្ឋាន និងខារ៉ាអូខេ «មហាមេឃ » ត្រូវបានកម្លាំងកងរាជអាវុធហត្ថរាជធានីភ្នំពេញ សហការជាមួយកងរាជ អាវុធហត្ថខណ្ឌសែនសុខ ចុះបង្ក្រាបដោយសង្ស័យថា…
រាជធានីភ្នំពេញ ៖ ភោជនីយដ្ឋាន និងខារ៉ាអូខេ «មហាមេឃ » ត្រូវបានកម្លាំងកងរាជអាវុធហត្ថរាជធានីភ្នំពេញ សហការជាមួយកងរាជ អាវុធហត្ថខណ្ឌសែនសុខ ចុះបង្ក្រាបដោយសង្ស័យថា លួចលាក់បម្រើសេវាកម្មផ្លូវភេទ ហើយនាំខ្លួនមេការ និងបុគ្គលិកប្រុសស្រីចំនួន៥៣នាក់ ទៅសាកសួរ ។
ប្រតិបត្តិការនេះ ធ្វើឡើងនៅវេលាយប់រំលងអធ្រាត្រចូលថ្ងៃទី១ ខែឧសភា ឆ្នាំ២០២៦ នៅទីតាំងភោជនីយដ្ឋាន និងខារ៉ាអូខេ «មហាមេឃ » ស្ថិតនៅតាមបណ្ដោយផ្លូវលេខ១០១១ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមកងរាជអាវុធហត្ថ បានអោយដឹងថា ដោយមានការស្រាវជ្រាវ ពីកម្លាំងជំនាញពីទីតាំងខាងលើលួចលាក់បម្រើសេវាកម្មផ្លូវ ដោយមាននារីក្មេងជាអនិតិជន សមត្ថកិច្ចក៏បានសុំគោលពីព្រះរាជអាជ្ញារចុះបង្ក្រាបតែម្តង ។
តាមព័ត័មាន បានអោយដឹងទៀតថា ទីតាំងភោជនីយដ្ឋាន និងខារ៉ាអូខេ «មហាមេឃ » ជាកន្លែងប្រុសៗសប្បាយនៅពេលរាត្រី ដែលពោរពេញទៅដោយភ្លើងពណ៌ និងសំបូរទៅដោយនារីវ័យក្មេងៗ និងជាអនីតិជន ចាំស្វាគមន៍ ហើយក៏ជាកន្លែងសម្រាប់បម្រើសេវាផ្លូវភេទផងដែរ ។
ព័ត៌មានអោយដឹងទៀតថា ទាំងយប់ ទាំងថ្ងៃ បើសិនមានភ្ញៀវចូលកម្សាន្ត មានមេការ មកសួរ ភ្ញៀវអោយហៅស្រីមកអង្គុយកំដរ បើត្រូវរកសេវាផ្លូវភេទ (ហៅទៅដេក) មានមេការជាអ្នករកអោយ ដោយពេលខ្លះមេការជាអ្នកចចារតម្លៃ និងពេលខ្លះទៀតនារីជាអ្នកនិយាយគ្នាក្នុងតម្លៃពី៥០ ទៅ១០០ដុល្លារ ។
កងរាជអាវុធហត្ថ បានអោយដឹងថា ក្នុងប្រតិបត្តិការកម្លាំងសមត្ថកិច្ច បាននាំឃាត់ខ្លួនមេការ និងបុគ្គលិកមនុស្សប្រុសស្រី ចំនួន ៥៣នាក់ ក្នុងនោះមាននារី ៣៩នាក់ និងបុរស ១៤នាក់ បញ្ជូនទៅកាន់បញ្ជាការដ្ឋានអាវុធហត្ថរាជធានីភ្នំពេញ ដើម្បីធ្វើការសាកសួរ បន្តតាមនីតិវិធី។ ទោះបីជាយ៉ាងណា គេពុំទាន់ដឹងថា នៅក្នុងចំណោមមនុស្ស ដែលឃាត់ខ្លួននោះ មានអ្នកពាក់ព័ន្ធជួញដូរផ្លូវភេទចំនួនប៉ុន្មាននាក់ឡើយ ៕
ចែករំលែកព័តមាននេះ