រាជធានីភ្នំពេញ ៖ ប្រមុខការទូតកម្ពុជាបានបញ្ជាក់ថា កម្ពុជានឹងបន្តស្វែងរកយន្តការដោះស្រាយដោយសន្តិវិធី និងផ្អែកតាមច្បាប់ផ្សេងទៀត បើថៃសម្រេចដកខ្លួនពី MOU2001 ។ ការបញ្ជាក់របស់ឯកឧត្តម ប្រាក់…
រាជធានីភ្នំពេញ ៖ ប្រមុខការទូតកម្ពុជាបានបញ្ជាក់ថា កម្ពុជានឹងបន្តស្វែងរកយន្តការដោះស្រាយដោយសន្តិវិធី និងផ្អែកតាមច្បាប់ផ្សេងទៀត បើថៃសម្រេចដកខ្លួនពី MOU2001 ។ ការបញ្ជាក់របស់ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា នៅថ្ងៃទី១ ខែឧសភា ឆ្នាំ២០២៦ ក្នុងកិច្ចសម្ភាសន៍ពិសេស ជាមួយទូររទស្សន៍ជាតិកម្ពុជា(ទទក) ។
ទន្ទឹមនឹងនេះ ឯកឧត្តម ប្រាក់ សុខុន ក៏បានគូសបញ្ចាក់ដែរថា ការដែលថៃសម្រេចបោះបង់ចោល MOU2001 គឺស្មើនឹងថៃបោះបង់ចោលយន្តការទ្វេ ភាគីពាក់ព័ន្ធនឹងតំបន់សមុទ្រត្រួតស៊ីគ្នាដែលមានស្រាប់រវាងប្រទេសទាំងពីរ អស់រយៈពេលប្រមាណ២៥ឆ្នាំមកនេះ ។
ឯកឧត្តមបានបញ្ជាក់បន្ថែមថា៖ «កម្ពុជានៅតែគោរព និងអនុវត្តខ្លឹមសារ និងស្មារតីMOU 2001 ប៉ុន្តែក្នុងករណីគណៈរដ្ឋមន្ត្រីរបស់ព្រះរាជាណាចក្រថៃ នូវការអនុម័តសម្រេចដកខ្លួនចេញ ពីMOU 2001នេះ វាមានន័យថាការបោះបង់ចោលអនុស្សារណៈ 2001នេះ ពីសំណាក់ថៃនេះមានន័យថាស្មើថៃបោះបង់ចោលនូវយន្តការ ឬក៏កិច្ចព្រមព្រៀងដែលយើងធ្វើជាមួយគ្នា សម្រាប់ដោះស្រាយវិវាទនៅតំបន់ត្រួតស៊ីណាគ្នានៅខ្ពង់រាបបាតសមុទ្ររវាងប្រទេសទាំងពីរ ដែលយើងបានប្រើប្រាស់ក្នុង រយៈពេល២៥ឆ្នាំមកហើយ»។
ឯកឧត្តមបានសង្កត់ធ្ងន់ថា៖ ក្នុងករណីអស់យន្តការ ឬក៏ហៅក្នុងក្របខណ្ឌទ្វេភាគីនេះ កម្ពុជានឹងបន្តខិតខំប្រឹង ប្រែងស្វះស្វែងរកនូវច្រកទាំងឡាយណា ដែលជាច្រកដោះស្រាយដោយសន្តិវិធី និងផ្អែកលើច្បាប់ ៕
ចែករំលែកព័តមាននេះ