ខេត្តស្ទឹងត្រែង ៖ សពមន្ត្រីយោធាវរការពារព្រំដែន១០១ ដែលបានជួបឧបទ្ទហេតុលិចទូក ខណៈទៅបង់សំណាញ់យកត្រី នៅក្បែស្ពានកោះទន្សាយ ក្រោយបាត់ខ្លួនរយៈពេល៣ថ្ងៃកន្លងមក ។យោងតាមរបាយការណ៍យោធា កាលពីវេលាម៉ោង៦ និង២៥នាទីព្រឹកថ្ងៃទី៣១…
ខេត្តស្ទឹងត្រែង ៖ សពមន្ត្រីយោធាវរការពារព្រំដែន១០១ ដែលបានជួបឧបទ្ទហេតុលិចទូក ខណៈទៅបង់សំណាញ់យកត្រី នៅក្បែស្ពានកោះទន្សាយ ក្រោយបាត់ខ្លួនរយៈពេល៣ថ្ងៃកន្លងមក ។
យោងតាមរបាយការណ៍យោធា កាលពីវេលាម៉ោង៦ និង២៥នាទីព្រឹកថ្ងៃទី៣១ ឧសភា ២០២៤ កម្លាំងវរសេនាតូចលេខ២បានប្រទះឃើញសពពលបាលឯក.នួន ម៉ានី នៅចំណុចក្រោមស្ពានកោះទន្សាយនិយាមការ.XA 42837-88809 ចម្ងាយពីកន្លែងកើតហេតុប្រមាណ៩០ម៉ែត្រ ។ សូមរំលឹកថា ៖ បា.ត់ខ្លួនមន្ត្រីយោធាការពារព្រំដែនម្នាក់ខណៈលិ.ចទូក ពេលចុះទៅបង់សំណាញ់រកត្រី
សូមបញ្ជាក់ថា ជនរងគ្រោះបានបាត់ខ្លួនកាលពីថ្ងៃទី២៩ ឧសភា ២០២៤ ខណៈជិះទូកមួយគ្រឿងមានគ្នា៣នាក់ ក្នុងគោលបំណងទៅបង់សំណាញ់ក្បែរស្ពានកោះទន្សាយ ស្ថិតក្នុងឃុំសន្តិភាព ស្រុកសៀមប៉ាងជាតំបន់ព្រំដែន ។ ចំណុចស្ពានកោះទន្សាយនោះ ជាចំណុចខ្សែទឹកហូរក្មួលខ្មាញ់ ខ្លាំងហើយក៏មានដុំថ្មធំៗនៅខាងក្រោមទឹកផងដែរ ។
ប្រភពពីមន្ត្រីយោធាដែលទៅបង់សំណាញ់ក្នុងហេតុការណ៍នោះបាននិយាយថា ចាប់ផ្ដើមចូលក្នុងខែឧសភា ចាប់ផ្ដើមសំបូរត្រីចុះពួកគេបាននាំគ្នាពពាក់ពពូនដើម្បីទៅបង់សំណាញ់ចាប់ត្រីនៅក្រោមស្ពានកោះទន្សាយដែលជាចំណុចទឹកហូរខ្លាំង គ្រានោះគេប្រកាសឃើញមានទូកស្មាច់មួយគ្រឿងមានគ្នាបីនាក់បានបើកបរពីជួរទឹកខាងក្រោមមកជួលទឹកខាងលើខណៈជិតដល់ស្ពានប្រហែល២០ម៉ែត្រ ក៏ស្រាប់តែលិចទូកលុះតែម្ដងគ្រានោះគេបានឃើញមនុស្សពីរនាក់ហែលទឹកប្រវេស្រវាឡើងគោកចំណែកម្នាក់ទៀតបានបាត់ខ្លួនទៅក្នុងទឹកជាមួយនឹងទូកនោះផងដែរ ។
ទាក់ទិនហេតុការណ៍ខាងលើមន្ត្រីយោធាដែលមាន account face bookឈ្លោះខេងព្រីង ជាមិត្តភក្កិគ្នាហើយក៏ជាអ្នកដែលរួមដំណើរជាមួយបានសរសេរលើបណ្ដាញសង្គមfaceBook ដោយបង្ហាញពីភាពសោកសៅនោះថា (ថ្ងៃនេះសង្ឃឹមថា រកពួកម៉ាកឯង ឃើញផងចុះ អញសោកស្តាយ ជាទីបំផុតដែលពួកម៉ាកឯងហៅ ឲ្យអញជួយ អញហែលទៅយក ឯងមិនទាន់ដល់ ឯងលិចមុន បាត់) ។
ប្រភពព័ត៌មានបានរៀបរាប់បន្តថាក្រោយការបាត់ខ្លួនមន្ត្រីយោធាវីរៈការពារព្រំដែន១០១ចំណុះឲ្យតំបន់ប្រតិបត្តិការសឹករងខេត្តភ្លាមនោះកម្លាំងវីរៈការពារព្រំដែនផ្សេងៗទៀតក៏បានប្រើប្រាស់ទូតជាច្រើនគ្រឿងដើម្បីចុះរុករកតែការព្យាយាមរុករកនោះ រយៈពេល៣ថ្ងៃ ទើបប្រទះឃើញនៅព្រឹកថ្ងៃទី ៣១ ឧសភា២០២៤នេះ។
ជនរងគ្រោះឈ្មោះនួន ម៉ានី មានឋានៈពលបាលឯក ជាមន្ត្រីយោធានៅវរការពារព្រំដែន១០១ចំណុះឱ្យតំបន់ប្រតិបត្តិការសឹករងខេត្ត មានភារកិច្ចឈរជើងការពារក្រវ៉ាត់ព្រំដែនក្បែស្ពានកោះទន្សាយ មានទីលំនៅភូមិថាឡាឃុំថាឡា ស្រុកថាឡាបរិវ៉ាត់ ខេត្តស្ទឹងត្រែង រៀបអាពាហ៍ពិពាហ៍និងមានកូនប្រុសម្នាក់អាយុប្រហែល៤ទៅ៥ឆ្នាំ។ បច្ចុប្បន្ន កម្លាំងយោធាបានរក្សាសាកសពរង់ចាំសម្ថតកិច្ចធ្វើកោសល្យវិច្ច័យមុនប្រគល់ជូនគ្រួសារ យកទៅធ្វើបុណ្យតាមប្រពៃណី ។
ចែករំលែកព័តមាននេះ