ប្រទេសវេណេស៊ុយអេឡា ៖ ភាពតានតឹងរវាងវេណេស៊ុយអឡានិងសហរដ្ឋអាមេរិកមានការកើនឡើងថែមទៀត ក្រោយការទាក់ទងនិយាយគ្នាតាមទូរស័ព្ទ រវាងរដ្ឋមន្ត្រីការបរទេសរុស្ស៊ី លោកស័រហ្គេយឡារ៉ូវ និងសមភាគីវេណេស៊ុយអេឡាលោកអ៊ីវ៉ានហ្គីលកាលពីថ្ងៃទី២២ ធ្នូ ។ លោកអ៊ីវ៉ានហ្គីលគូសបញ្ជាក់ថា…
ប្រទេសវេណេស៊ុយអេឡា ៖ ភាពតានតឹងរវាងវេណេស៊ុយអឡានិងសហរដ្ឋអាមេរិកមានការកើនឡើងថែមទៀត ក្រោយការទាក់ទងនិយាយគ្នាតាមទូរស័ព្ទ រវាងរដ្ឋមន្ត្រីការបរទេសរុស្ស៊ី លោកស័រហ្គេយឡារ៉ូវ និងសមភាគីវេណេស៊ុយអេឡាលោកអ៊ីវ៉ានហ្គីលកាលពីថ្ងៃទី២២ ធ្នូ ។
លោកអ៊ីវ៉ានហ្គីលគូសបញ្ជាក់ថា លោកឡាវរ៉ូវបានសម្ដែងការគាំទ្រពេញទំហឹងរបស់ក្រុង
មូស្គូ ប្រឈមមុខនឹងសភាពការណ៍បច្ចុប្បន្ន ក្នុងតំបន់ការ៉ាអ៊ីបដែលអាមេរិកមានទិសដៅហ៊ុំព័ន្ធផ្នែកប្រេងកាតវេណេស៊ុយអេឡា ។
តាមប្រមុខការទូតវេណេស៊ុយអេឡាថា ការពិភាក្សាផ្ដោតលើការឈ្លានពាន និងការរំលោភបំពានជាក់ស្ដែងលើច្បាប់អន្តរជាតិ ក្នុងនោះមានការវាយប្រហារលើបណ្ដានាវា សម្លាប់មនុស្សក្រៅច្បាប់ និងអំពើប្លន់ក្នុងសមុទ្រខុសច្បាប់ ពីសំណាក់អាមេរិក ។ ក្នុងស្ថានភាពបែបនេះលោកឡាវរ៉ូវអះអាងជាថ្មី ពីការគាំទ្រពេញទំហឹងរបស់លោក ប្រឈមនឹងការប្រទូស្តរ៉ាយប្រឆាំងប្រទេសយើង និងបរិហារបណ្ដាអំពើដែលមិនអាចអត់ឱនឲ្យបាន។
ក្នុងសេចក្ដីប្រកាសដាច់ដោយឡែកពីគ្នាមួយក្រុងមូស្គូអះអាងពីការព្រួយបារម្ភយ៉ាងជ្រាលជ្រៅ ប្រឈមមុខនឹងការកើនឡើងនៃសកម្មភាពយោធារបស់ក្រុងវ៉ាស៊ីនតោននៅសមុទ្រការ៉ាអ៊ីប។ ក្រសួងការបរទេសរុស្ស៊ីយល់ថា ការផ្ដួចផ្ដើមគំនិតទាំងនេះរបស់អាមេរិក អាចនាំមកនូវផលវិបាកធ្ងន់ធ្ងរក្នុងតំបន់ ហើយគំរាមកំហែងដល់ការធ្វើនាវាចរណ៍អន្តរជាតិ ដោយអះអាងពីការគាំទ្រទាំងស្រុងនិងសាមគ្គីភាពរបស់ខ្លួនជាមួយបណ្ដាមេដឹកនាំនិងប្រជាជនវេណេស៊ុយអេឡា។
រុស្ស៊ីក៏និយាយផងដែរពីការគាំទ្ររបស់ខ្លួន ចំពោះការតវ៉ារបស់ក្រុងការ៉ាកាស់ ក្នុងក្រុមប្រឹក្សាសន្តិសុខអ.ស.ប ប្រឆាំងការហ៊ុមព័ទ្ធនេះរបស់អាចមេរិក៕
ចែករំលែកព័តមាននេះ