ចុះណែនាំម្ចាស់ហាងកាហ្វេ និងឱ្យធ្វើកិច្ចសន្យា ក្រោយមានសិស្សប្រមូលផ្តុំគ្នាតាមហាងកាហ្វេ
- ភ្នំពេញ
រាជធានីភ្នំពេញ ៖ លោកអភិបាលរងខណ្ឌច្បារអំពៅ ដឹកនាំកម្លាំងចម្រុះចុះត្រួតពិនិត្យទីតាំងហាង
រាជធានីភ្នំពេញ ៖ លោកអភិបាលរងខណ្ឌច្បារអំពៅ ដឹកនាំកម្លាំងចម្រុះចុះត្រួតពិនិត្យទីតាំងហាង
រាជធានីភ្នំពេញ ៖ លោកអភិបាលរងខណ្ឌច្បារអំពៅ ដឹកនាំកម្លាំងចម្រុះចុះត្រួតពិនិត្យទីតាំងហាងកាហ្វេមួយកន្លែង និងធ្វើការណែនាំអប់រំដល់ម្ចាស់ហាង ព្រមទាំងឱ្យធ្វើកិច្ចសន្យាផងដែរ ក្រោយពីមានការបង្ហោះរូបភាពនៅក្នុងបណ្តាញសង្គម ពាក់ព័ន្ធនឹងករណីក្មេងស្លៀកពាក់សិស្សសាលា ចូលផឹកកាហ្វេ ជក់បារី ក្នុងហាងកាហ្វេ ។ គួររំលឹកថា ប្រជាពលរដ្ឋហួសចិត្ត ពេលឃើញសិស្ស១ក្រុម ប្រមូលផ្ដុំគ្នានៅហាងកាហ្វេទៅវិញ
គួរបញ្ជាក់ផងដែរថា កាលពីថ្ងៃទី២៣ ខែមករា ឆ្នាំ២០២៤ វេលាម៉ោង ០៨ និង ៤០នាទីព្រឹក យោងតាមគណនីហ្វេសបុកឈ្មោះ Chin Mong ក្រោមសំណេរដូច្នេះថា « មកទិញកាហ្វេ នៅតាមផ្លូវថៃហ្គ័រឃើញសិស្សអនុវិទ្យាល័យព្រែកថ្មី និងច្បារអំពៅប្រហែល១០នាក់ កំពុងអង្គុយហូបមីកំប៉ុង ជក់បារី បុកប៊ីយ៉ា ( ស្នូកឃ័រ ) មួយកំប្លេ ។
លុះមកដល់ព្រឹកថ្ងៃទី២៩ ខែមករា ឆ្នាំ២០២៤នេះ លោក ញាណ ចន្ទ័ សោភា អភិបាលរងខណ្ឌ និងលោកវរនីយ៍ទោ ឡូ ភារម្យ អធិការរងខណ្ឌ បានដឹកនាំកម្លាំងចម្រុះ ទៅត្រួតពិនិត្យហាងកាហ្វេយីហោTRAIN ស្ថិតនៅភូមិចំពុះក្អែក ផ្លូវថៃហ្គរ័(114) សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
បន្ទាប់ពីត្រួតពិនិត្យទីតាំងរួច លោកអភិបាលរង ក៏បានធ្វើការណែនាំអប់រំ និងធ្វើកិច្ចសន្យា ដល់ម្ចាស់ហាងខាងលើ ដោយមិនអនុញ្ញាតឲ្យមានក្មេងស្លៀកពាក់ ជាសិស្សសាលាចូលមកអង្គុយលេង បែបនេះម្តងទៀតឡើយ ប្រសិនបើមានរឿងអ្វីកើតឡើង ត្រូវរាយការណ៍ជូនសមត្ថកិច្ចភ្លាមៗ ៕ (ដោយ ៖ រដ្ឋា)
ចែករំលែកព័តមាននេះ