ខេត្តស្ទឹងត្រែង ៖ មនុស្សចំនួន៥នាក់ត្រូវបានឃាត់ខ្លួនជាបន្តបន្ទាប់ក្នុងប្រតិបត្តិការបង្ក្រាបគ្រឿងញៀនរយៈពេល២ថ្ងៃជាប់គ្នាថ្ងៃទី២៧ និងថ្ងៃទី២៨ មេសា ២០២៤ ស្ថិតនៅភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង រួមជាមួយគ្រឿងញៀនច្រើនប្រភេទប្រមាណជាជាង២០០គីឡូក្រាម ។
យោងតាមប្រភពព័ត៌មានពីស្នងការដ្ឋាននគរបាលខេត្តស្ទឹងត្រែងឱ្យដឹងថា ក្រោយការស៊ើបអង្កេតអំពីករណីដឹកជញ្ជូន និងរក្សាទុកឆ្លងដែនដោយខុសច្បាប់នូវសារធាតុញៀននៅថ្ងៃទី២៧ ខែមេសា ឆ្នាំ២០២៤ វេលាម៉ោង១០ និង២២នាទី កម្លាំងការិយាល័យប្រឆាំងបទល្មើសគ្រឿងញៀន បានសហការជាមួយកម្លាំងវរសេនាតូចការពារព្រំដែនគោក៧០១ និងកម្លាំងមន្ទីរប្រឆាំងបទល្មើសគ្រឿងញៀន (ក៩) បង្ក្រាបកករណីដឹកជញ្ជូន និងរក្សាទុកឆ្លងដែនដោយខុសច្បាប់នូវសារធាតុញៀន ១ករណី និងបានឃាត់ខ្លួនជនសង្ស័យចំនួន០៥នាក់ ស្ថិតនៅចំណុចអូរដួង ភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង ជនសង្ស័យមានឈ្មោះខាងក្រោមខាងលើ៖
១-ឈ្មោះ ដា ទុន ភេទប្រុស អាយុ៥០ឆ្នាំ ជនជាតិខ្មែរ មានទីលំនៅបច្ចុប្បន្នភូមិក្រោម ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង ២-ឈ្មោះ ភីត ឃីត ភេទប្រុស អាយុ៤៥ឆ្នាំ មានទីលំនៅបច្ចុប្បន្នភូមិកោះល្ង ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង ៣-ឈ្មោះ
សោន គាំង ភេទប្រុស អាយុ៤៥ឆ្នាំ ជនជាតិខ្មែរ មានទីលំនៅបច្ចុប្បន្នភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង
៤-ឈ្មោះ កែវ ដាំមន្នី ភេទប្រុស អាយុ២៦ឆ្នាំ ជនជាតិខ្មែរ មានទីលំនៅបច្ចុប្បន្នភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង និងទី៥-ឈ្មោះ សោន ណែត ភេទប្រុស អាយុ២០ឆ្នាំ ជនជាតិខ្មែរមានទីលំនៅបច្ចុប្បន្នភូមិក្រឡាពាស ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង ។
ប្រភពដដែលឱ្យដឹងថា វត្ថុតាងដែលចាប់យករួមមាន គ្រឿងញៀនសរុបទម្ងន់ ២០២,៦៨២.៩២ក្រាម មានដូចខាងក្រោម៖
- គ្រឿងញៀនប្រភេទមេតំហ្វេតាមីនទម្ងន់សរុប ១៦៩,៦៩៨.២៦ក្រាម។
- គ្រឿងញៀនប្រភេទហេរ៉ូអ៊ុនទម្ងន់សរុប ២០,៩៩២.៨ក្រាម។
- គ្រឿងញៀនប្រភេទ MDMA ទម្ងន់សរុប ១១,៩៩១.៨៦ក្រាម។
-សារធាតុមិនច្បាស់ទម្ងន់សរុប ៣៧,២១៧.៩២ក្រាម។ – ម្សៅពណ៍លឿងទម្ងន់សរុប១,០៨២.៤២ក្រាម។
- ជ័រពណ៌ត្នោតទម្ងន់សរុប ១៤៦.១២
ក្រាម។
- ម្សៅក្រាមពណ៌សមានសញ្ញាស
ម្គាល់ ៩៩៩ទម្ងន់សរុប១១,៩៥៧.៨៨ក្រាម។
ថ្នាំគ្រាប់ពណ៍ទឹកក្រូច ទម្ងន់សរុប ១៩,០៣៥.៤ក្រាម។ – ម្សៅពណ៍ទឹកដោះគោ ទម្ងន់សរុប ៤,៩៩៦.១ក្រាម។សរុបវត្ថុតាងគ្រឿងញៀននិងសារធាតុ
មិនច្បាស់ទម្ងន់សរុប២៣៩,៩០០.៨៤ក្រាម។ ក្រៅពីវត្ថុតាងគ្រឿងញៀនសមត្ថកិច្ចក៏បានដកហូតនៅសម្ភារៈមួយចំនួនរួមមាន៖រថយន្ត ម៉ាក់សាំយ៉ុង ពណ៌សំបកឪឡឹកមួយគ្រឿង ពាក់ស្លាកលេខភ្នំពេញ ២T- ៩៣៣០ទូរស័ព្ទដៃចំនួន ០៩គ្រឿង. កាំភ្លើងវ៉ាន់ដឺឡុងចំនួន ០២ដើម គ្រាប់ចំនួន ១១គ្រាប់.កាំភ្លើងខ្លី ម៉ាក Micro9 RAPIDE លេខTB 0077797 ចំនួន ០១ដើម គ្រាប់ចំនួន ១៣គ្រាប់.លុយបាតមានចំនួន 88,200បាតលុយខ្មែរមានចំនួន 1,959,500៛.លុយដុល្លាមានចំនួន 1511$.លោហធាតុពណ៌លឿងប្រភេទជាចិញ្ជៀន ០១ វង់.លោហធាតុពណ៌លឿងជាប្រភេទខ្សែក ០១ខ្សែ.បន្តោងស្រោបលោហធាតុចំនួន ០១ ។
- បច្ចុប្បន្នជនសង្ស័យ និងវត្ថុតាងខាងលើការិយាល័យប្រឆាំងបទល្មើសគ្រឿងញៀន កំពុងរៀបចំសំណុំរឿងបញ្ជូនទៅអយ្យការអមសាលាដំបូងខេត្ត ចាត់ការតាមនីតិវិធី៕
ចែករំលែកព័តមាននេះ