រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាបានសម្រេចផ្តល់ថវិកាដែលសប្បុរសជនបានចូលរួមជួយឧបត្ថម្ភដល់ការប្រកួតកីឡាបាល់ទាត់ផ្តល់ដល់គ្រួសារស.ពយុទ្ធជនពលីសរុប២០ម៉ឺនដុល្លារសហរដ្ឋអាមេរិក ពោល គឺក្នុង២០គ្រួសារ ដែលមួយគ្រួសារៗទទួលបាន១ម៉ឺនដុល្លារ ។…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាបានសម្រេចផ្តល់ថវិកាដែលសប្បុរសជនបានចូលរួមជួយឧបត្ថម្ភដល់ការប្រកួតកីឡាបាល់ទាត់ផ្តល់ដល់គ្រួសារស.ពយុទ្ធជនពលីសរុប២០ម៉ឺនដុល្លារសហរដ្ឋអាមេរិក ពោល គឺក្នុង២០គ្រួសារ ដែលមួយគ្រួសារៗទទួលបាន១ម៉ឺនដុល្លារ ។
សម្តេចតេជោ បានសរសេរលើបណ្តាញសង្គមយ៉ាងដូច្នេះថា៖« ដំបូងខ្ញុំ សូមអរគុណចំពោះសប្បុរសជនដែលបានចូលរួមជួយឧបត្ថម្ភដល់ការប្រកួកីឡាបាល់ទាត់ ដើម្បីសប្បុរសធម៌ដែលមកដល់ពេលនេះ បានចូលរួមតាមរយៈខ្ញុំមានជាង 4,8លានដុល្លារ (4,800,000$)» ។
សម្តេចតេជោ បានលើកឡើងបន្តថា ដើម្បីជួយដល់កន្លែងដែលជួបការលំបាកដែរនោះ ខ្ញុំសូមដកថវិកាចំនួន១លានដុល្លារ (1,000,000$)ដើម្បីបែងចែកទៅ ៖ 1.មន្ទីរពេទ្យកុមារអង្គរខេត្តសៀមរាប ចំនួន50ម៉ឺនដុល្លារ (500,000$) ។ 2.មជ្ឈមណ្ឌលព្យាបាលកុមារបេះដូង ជប៉ុនខេត្តកំពង់ស្ពឺ 30ម៉ឺនដុល្លារ(300,000$) ។ 3.គ្រួសារយុទ្ធជនពលីករណីផ្ទុះគ្រាប់ នៅយោធភូមិភាគ៣ចំនួន២០គ្រួសារ ក្នុងមួយគ្រួសារ១ម៉ឺនដុល្លារ (10,000$)សរុប២០ម៉ឺនដុល្លារ(200,000$)។ ឯថវិកាក្រៅពី១លានដុល្លារនេះនឹងប្រគល់ជូនមន្ទីរពេទ្យគន្ធបុប្ផាទាំងអស់ ៕
ចែករំលែកព័តមាននេះ